maio 11, 2009
APOIAMOS ACTOS DO DIA DAS LETRAS EM COMPOSTELA
A Associaçom Cultural Almuinha apoia os actos reivindicativos em defesa da nossa língua que terám lugar a manhá do próximo domingo em Compostela com motivo da celebraçom do Dia das Letras.
Animamos-vos a todas e todos para participardes dos mesmos.
Vémo-nos em Compostela !!
abril 26, 2009
RESPOSTA DO ARCEBISPADO
A A. C. Almuinha quer dar a conhecer que temos recebido resposta do Arcebispado de Compostela à nossa solicitude para que gestionaram a retirada dos ilegítimos
símbolos franquistas que continuam a estar expostos no exterior dos templos de Marim.No escrito recebido dam conta da recepçom da nossa solicitude, que será valorada e posteriormente nos comunicarám as suas conclusons.
Porém, a dia de hoje nom temos recebido ditas conclusons. Continuaremos agardando, e reivindicando mentres tanto, que esta solicitude seja tida em conta polas instáncias competentes para a retirada da simbologia franquista.
ANHA URBANA E SERÁM O 25 DE ABRIL
O sábado 25 de abril Almuinha colaborou em 2 actividades de promoçom e difussom da nossa música tradicional.
Pola manhá o grupo de pandereteir@s de Almuinha, junto com a A.C. Tear de Lherena e a A.C. Trépia, tocarom polas ruas de Ponte Vedra a anha. A anha é um item cultural da tradiçom galega enmarcado no ciclo do ano (mês de abril), que admite diversas manifestaçons segundo a tradiçom local do lugar onde se realice. Adoitam ser elementos comúns a todas elas o trabalho colectivo da terra (geralmente em dous bandos ou cabeceiros que competem entre si por rematar primeiro a sua parte da leira), um ramalho de loureiro adoviado para a ocassom (que teoricamente simbolizaria a fertilidade desejada para a terra) e umha execuçom especial para os ritmos tradicionais (utilizando os próprios legons como instrumento). Atopamos este item por toda umha ampla zona da provincia de Ponte Vedra, especialmente nas comarcas de Mondariz, A Paradanta, e chegando incluso até a Terra de Montes. Esta actividade, a anha urbana, supom um intento de recuperaçom social deste item cultural para dá-lo a conhecer à sociedade urbana contemporánea. Resulta umha descontextualizaçom consciente do item, já que se obvia a parte do trabalho da terra para amosar, numha adaptaçom contemporánea, a parte simbólica, musical e expressiva da anha.
E já pola tarde, na Casa de Cultura de Mogor, o nosso grupo de pandereteir@s participou num Serám que tivo lugar a partir das 21:30. Os Seráns som festas participativas que organiza a gente das aldeias no tempo em que nom hai verbenas por ningures, e que comezavam polo serám, à tardinha. Poderiamos dizer que é um “circuito de inverno”, o melhor jeito de ir de festa a tocar, cantar e bailar quando nom hai mais a onde ir (definiçom extraida da web “malmequer”).
abril 23, 2009
REMATA A LNB NA CONFERÊNCIA SUR
O passado 4 de abril tivo lugar em Mos a última jornada da Liga Nacional de Bilharda na Conferência Sur, à qual acodirom 78 palanador@s, conseguindo deste jeito um novo record de participaçom neste primeiro ano de competiçom.
Independentemente dos resultados acadados polas distintas equipas, desde a A.C. Almuinha queremos salientar o enorme sucesso desta primeira tempada do campionato de bilharda na zona sur. Enorme sucesso em quanto à participaçom (155 pessoas e 14 equipas inscritas em polo menos um campionato) e à implicaçom das distintas associaçons e centros sociais que estám a contribuir à recuperaçom e dignificaçom deste jogo tradicional, e sobre todo graças as pessoas que se ocuparom durante todo o ano de coordinar a competiçom, que fizerom um trabalho enorme. Amais criou-se um espaço de interacçom e de companheirismo entre @s componhentes das distintas equipas que fam prever que o sucesso deste ano terá continuidade nos vindeiros anos.
No tocante aos resultados, tras esta jornada, houvo vários trocos nas clasificaçons. O mais salientável da jornada para a Almuinha foi a confirmaçom da clasificaçom entre os oito primeiros postos de Agus e Alberte da nossa equipa (5º e 6º respectivamente), que os clasifica para a Final de Compostela que terá lugar a finais de Maio, na que se mediram @s melhores palanador@s das 3 conferências. Amais Diana rematou no 4º posto da clasificaçom feminina, ainda que empatada com outra jogadora, polo que terá que desputar um desempate para ver se consegue a 4ª praça, que a clasificaria também para a Final. Por equipas, Almuinha rematou no 3º posto, tras os Paquete Pinchas e Faísca, que nos arrebatarom o 2º posto na clasificaçom que tivemos durante todo o ano.
Agora fica agardar a gram Final que terá lugar a finais de maio em Compostela para ver que fam @s noss@s representantes, e ir practicando já para o vindeiro ano nos innumeráveis amigáveis que já estám a organizar-se por moitas vilas e cidades do pais.
Mais info: http://lnbsur.wordpress.com/ e http://ovaral.blogspot.com/
março 15, 2009
ALBERTE GANHA O ABERTO DE SALCEDA (LNB)
O passado dia 7 de março tivo lugar em Salceda de Caselas a 7ª jornada da LNB, que rematou com o triunfo de Alberte, da Almuinha, que o catapulta até a 4ª praça da classificaçom geral, justo detrás de Agus, também da nossa equipa. Assi as cousas, e a falha de umha so jornada para o remate da Liga, na conferência sul, Agus e Alberte tenhem practicamente garantida a sua presença entre os oito primeiros, o qual supom a sua participaçom na final que terá lugar em Compostela o vindeiro mês de maio, e no que se medirám @s melhores palanador@s das 3 conferências.
Por outra banda, tras esta jornada, a equipa da Almuinha recuperou a segunda praça em solitário, desfazendo o empate a pontos com a equipa do Faísca de Vigo. O desenlace final terá lugar o vindeiro mês de abril com a celebraçom da última jornada da Liga em Mos, que servirá para seleccionar aos/às palanador@s que ocuparám os oito primeiros postos da classificaçom geral, e para ver como remata a clasificaçom por equipas.
fevereiro 15, 2009
CEA ANIVERSÁRIO A.C. ALMUINHA
O pasado sábado 14 de febreiro livo lugar a cea coa que a A.C. Almuinha celebrou o seu primeiro aniversário. A cea reuniu a preto de 40 persoas, nunha noite animada na que non faltaron as pandeiretas e o bo ambiente. Cumprimos un ano de traballo satisfeitos/as polo traballo levado a cabo, mais cunha boa cantidade de proxectos en mente e co desexo de que cumpramos moitos máis. Isto non fixo máis que comezar!
Adiante a A.C. Almuinha!!!
REIVINDICACIÓN DIANTE DO CONCELLO
Coincidindo co pleno que tivo lugar o pasado venres 13 de febreiro, e malia a prohibición do Alcalde, a A.C. Almuinha levou a cabo un acto de protesta diante do Concello de Marín. Durante máis de 1 hora permanecimos ás portas do Concello denunciando cunha faixa e panfletos o recurte de liberdades e reivindicando a liberdade de expresión, con motivo da multa imposta por colar cartazes na rúa. Ademais, levamos un peto (porquiño) para que a xente que o desexou puidese colaborar coa Almuinha a reunir os 100 euros da multa.
NON A ARBITRARIEDADE DO CONCELLO!!!
NON AO RECURTE DE LIBERDADES!!!
LIBERDADE DE EXPRESIÓN!!!
fevereiro 12, 2009
ALMUINHA DENÚNCIA AO CONCELHO DE MARIM
Pola comissom da mesma infraçom da Ordenança Geral de Protecçom do Medio Ambiente do Concelho de Marim pola que a nossa associaçom foi multada como ja temos informado.
Temos denunciado ao Concelho com o fim de que seja incoado o correspondente expediente sancionador aos responsáveis pola colada de cartazes anunciadores de distintos actos organizados e/ou patrocinados pola entidade municipal.
Nom íamos ficar silentes ante a arbitrariedade manifesta com que actuou na nossa contra. E para prova dos nossos argumentos aquí vam umha fotinhos dos cartazes cuja colada ficou impune...(para ampliar imagens clickar acima delas).
Temos denunciado ao Concelho com o fim de que seja incoado o correspondente expediente sancionador aos responsáveis pola colada de cartazes anunciadores de distintos actos organizados e/ou patrocinados pola entidade municipal.
Nom íamos ficar silentes ante a arbitrariedade manifesta com que actuou na nossa contra. E para prova dos nossos argumentos aquí vam umha fotinhos dos cartazes cuja colada ficou impune...(para ampliar imagens clickar acima delas).
fevereiro 06, 2009
I ANIVERSÁRIO DE ALMUINHA !!
http://www.acapela.tv/Fish-1-0-bc464641d62d8
A A.C. Almuinha nasceu o 21 de fevereiro do ano 2008 numha assembleia aberta e coa vontade de ser um instrumento plural e aberto para a defesa e promoçom da língua e da cultura galegas, assím como também para a actuaçom e intervençom em diferentes temáticas e ámbitos sociais, como a procura da igualdade plena de todas as pessoas, o fomento de valores solidários e de igualdade entre povos, a defesa e proteçom do meio ambiente, a defesa dos intereses da nossa vila…,todo isto enmarcado desde umha perspectiva de país.
Assím pois e com motivo deste I Aniversario, Almuinha celebrara-ocumha ceia que terá lugar o 14 de fevereiro às 21:30 no Restaurante Sam Giam (Cachupeiro) em Marím.
As pessoas interessadas em assistir devem formalizar a súa reserva com anterioridade no telefone 647062399 ou bem em a.c.almuinha@gmail.com
E que cumpramos moitos mais!!!
A A.C. Almuinha nasceu o 21 de fevereiro do ano 2008 numha assembleia aberta e coa vontade de ser um instrumento plural e aberto para a defesa e promoçom da língua e da cultura galegas, assím como também para a actuaçom e intervençom em diferentes temáticas e ámbitos sociais, como a procura da igualdade plena de todas as pessoas, o fomento de valores solidários e de igualdade entre povos, a defesa e proteçom do meio ambiente, a defesa dos intereses da nossa vila…,todo isto enmarcado desde umha perspectiva de país.
Assím pois e com motivo deste I Aniversario, Almuinha celebrara-ocumha ceia que terá lugar o 14 de fevereiro às 21:30 no Restaurante Sam Giam (Cachupeiro) em Marím.
As pessoas interessadas em assistir devem formalizar a súa reserva com anterioridade no telefone 647062399 ou bem em a.c.almuinha@gmail.com
E que cumpramos moitos mais!!!
fevereiro 05, 2009
SOLIDARIEDADE ANÓNIMA COM ALMUINHA
O passado fim de semana, fômos testemunhas de como todavia existe gente solidária com as causas justas e neste caso ficamos surprendidas/os por um acontecimento que trespassa o meramente anecdótico. Em diferentes lugares e ruas de Marim apareceram uns cartazes anónimos com legendas de denúncia da falta de liberdade de expressom provocada pola política repressiva do Concelho de Marim nesta matéria.
A nossa associaçom tem sido sancionada com umha multa por colar cartazes anunciando determinadas actividades de carácter cultural-desportivo organizadas por nós nos últimos meses.
Desde a publicitaçom de este negativo feito temos recebido diversas mostras de solidariedade de vizinhas-os da nossa comarca, jornalistas, federaçons desportivas nacionais como a de Bilharda que mesmo nos adicam o próximo aberto Nacional de Bilharda de Compostela para recadar fundos para o suporte do custo da multa, associaçons culturais como o Grupo Cultural Ronsel, Ceivar e o Movimento polos Direitos Civis, o Colectivo Nacionalista de Marim, etc.(pedimos desculpas se esquecemos a alguêm).
Agradecemos com carinho todas estas mostras de solidariedade que estamos a receber e fazemos um apelo aos responsáveis de esta injusta sançom para que, à vista da importante resposta colectiva em favor da nossa associaçom, reflexionem sobre o objectivo dos seus dardos envelenados.
Nom interfire, o facto de sancionar a umha associaçom cultural que intenta sementar a solidaridade e a defesa da nossa cultura, com os seus mesmos fins programáticos? Nom existem alvos mais apropriados a quem atingir por serem actores protagonistas na tragédia do desaparecimentos da nossa cultura?. Reflexionem.
janeiro 29, 2009
COMUNICADO DA A.C.ALMUINHA ANTE A REPRESSOM DO CONCELHO
O passado 19 de janeiro a A.C. Almuinha recebeu umha comunicaçom do Concelho de Marim na que se nos informa de que a nossa associaçom foi sancionada cumha multa de 100 euros por colar cartazes na rua. Desde a A.C. Almuinha queremos destacar a sorpresa que nos produze esta sançom, ao mesmo tempo que nom entendemos por que se toma esta medida repressiva, arbitrária, exagerada e injusta contra umha associaçom cultural que trata de trabalhar e organizar-se desde a base e com escasos recursos. Multar a umha associaçom cultural por colar ums quantos cartazes anunciando actividades culturais, sem advertência previa, cremos que nom aconteceu em ningúm lugar do nosso pais com anterioridade.
Consideramos que o Concelho de Marim nom está legitimidado moralmente para imponher sançons por colar cartazes na rúa. É imposível compreender como se sanciona a umha associaçom cultural por colar cartazes na rua quando o próprio Concelho os pom. Nos últimos meses, mentres o nosso expediente sancionador continuava adiante, o Concelho de Marim anunciava, por exemplo, as “Xornadas Interculturais” colando cartazes nas paredes e fachadas das ruas da nossa vila. A imposiçom da multa a A.C. Almuinha tendo em conta estes feitos parece umha autêntica burla.
Por outra banda, queremos denunciar a arbitrariedade total por parte do Concelho de Marim à hora de aplicar as normas municipais. Tanto a Policia Local como os/as responsáveis políticos do “governo de progresso” som responsáveis da arbitrariedade amosada neste assunto. Desde que entrou em vigor a Ordenanza em virtude da qual se nos sanciona por cometer umha infracçom grave, isto é, colar cartazes, na nossa vila colárom-se cartazes de todo tipo sem que conste que ninguém mais fosse ou vaia ser sancionado polos mesmos feitos. Estám-se a colar cartazes continuamente, o qual demonstra que quem os cola nom foi sancionado: particulares que vendem pisos, casam ou dam clases particulares, entidades culturais, organizaçons políticas e sindicais, clubes desportivos, esquelas ou entidades privadas como discotecas, comercios, academias, restaurantes... Por que o Concelho de Marim (PsdeG-BNG) sanciona a A.C. Almuinha? Qual é o obxectivo?
Entendemos a imposiçom desta sançom por parte do Concelho de Marim como umha medida repressiva da que é o único responsável. Lamentamos que desde o Concelho de Marim nom exista unha maior comunicaçom e colaboraçom coas associaçons culturais e entidades sociais, que nom se establezam mecanimos para promover e facilitar tanto a participaçom da cidadanía e das entidades culturais e sociais como a democracia municipal, e pola contra se enviem multas e sançons. Supostamente, este concelho está interesado em fomentar o associacionismo, ou polo menos isso é o que se dixo ao comezar a legislatura actual, mas estas som as medidas que ponhem em marcha para acada-lo? Nom somos umha empresa privada que procura beneficios, somos um grupo de pessoas que, no nosso tempo livre e cos nossos quartos, pretendemos contribuir ao desenvolvemento cultural da nossa vila, à defesa da nossa lingua e cultura, à defesa do medio ambiente, à procura da igualdade entre as pessoas e os povos…
Consideramos que a Ordenanza limita e dificulta o trabalho das associaçons e entidades sociais do nosso concelho. Poderiamos entender os obxectivos da Ordenanza se, ademais de proibir colar cartazes na rua, se estabelecessem lugares destinados a tal fim, mas o certo é que desde que se aprovou a Ordenanza em fevereiro de 2008 nom se habilitou ningúm espaço alternativo para que as associaçons e demais entidades poidam publicitar as suas actividades. Em Marim, em teoria, nom se podem colar cartazes em ningúm sitio, e mália que parece ser que a Ordenanza obedece a motivos medioambientais e estéticos, o que si está a provocar na práctica é umha restricçom de direitos fundamentais, como a liberdade de expressom, e limita a capacidade de comunicaçom das organizaçons culturais e sociais que nom tenhem grandes recursos económicos. Por outra banda, as sançons som desorbitadas e nom tenhem em conta a capacidade económica do “infractor”, nom diferenciando por exemplo umha associaçom cultural dumha empresa privada, nim o número de cartazes colados.
Também queremos destacar a existência dumha irregularidade importante no procedemento sancionador. Por se o procedemento nom fosse o suficientemente esperpéntico, a alegaçom da A.C. Almuinha à proposta de resoluçom nim tam sequera foi tida em conta. Na comunicaçom recebida na que se nos comunica a sançom indica-se que a nossa associaçom nom alegou à proposta de resoluçom que recebimos o 9 de Dezembro, mas isto é completamente falso, posto que o dia 24 de dezembro apresentamos, dentro do praço estabelecido, no registro do concelho a alegaçom (da qual temos cópia selhada, por suposto). A nossa segunda alegaçom nom foi tida em conta à hora de resolver por irregularidades no procedemento.
Por último, tras o conhecemento da sançom, a Almuinha comunicou-lhe ao Concelho o 27 de janeiro a intençom de celebrar 2 actos informativos e de denúncia desta multa. Um deles seria coincidindo com o vindeiro pleno diante do Concelho, mas hoje nos comunicarom que nos proibem fazer qualquer tipo de acto às portas do mesmo. O único que pretendiamos fazer é pór umha mesa, repartir panfletos denunciando a actitude do Concelho, e recadar dinheiro para afrontar o pagamento da multa, mas depois de preguntar-nos (por telefone) em que consistia o acto e a informaçom que se pretendia transmitir, proibem-nos fazer o acto. Com esta decissom o Concelho pretende vulnerar o direito de reuniom, para o qual nom fai falta autorizaçom, senom comunicaçom prévia às autoridades, que tam só poderám proibir os actos quando existam raçons fundadas de alteraçom da orde pública, assi como também fai uso da censura previa, algo completamente ilegal, posto que nos perguntarom pola informaçom que pretendiamos transmitir. Se esta informaçom fossem loubanças ao Concelho, também seria proibida?
Queremos, e já para rematar, anunciar que a A.C. Almuinha vai comezar umha campanha de denuncia desta sançom e da actitude repressora do Concelho. Consideramos esta sançom como umha medida repressiva, arbitrária, injusta e exagerada por parte do Concelho, e nom imos ficar impasíveis nem imos aceitar que se nos sancione por estes factos e nem sequera nos permitam denunciar o comportamento do Concelho cara a Almuinha, nom imos consentir que se lhe ponham trabas e problemas ao trabalho da nossa associaçom. Nom entendemos qual é o obxectivo nem os motivos que levarom a que este procedemento se puxe-se em marcha, sem aviso previo nem colaboraçom de ningúm tipo por parte do Concelho de Marim, polo que consideramos totalmente incalificáveis estas medidas.
Durante o ano de vida da A.C. Almuinha vimos trabalhando na defesa da nossa lingua, da nossa cultura, estamos implicados/as na promoçom de jogos tradicionais como a bilharda, da nossa música (ofertando cursos de pandeireta, gaita e baile tradicional), do nosso património arqueológico, do meio ambiente, estivemos presentes nas manifestaçons de defesa do meio ambiente e contra a permanência de ENCE na nossa ria, participamos na vida social da nossa vila, aportando as nossas opinions, como foi o caso do troco de nome do Instituto, ou organizando roteiros… e todo cos nossos medios, sem contar até o dia de hoje com moita colaboraçom do concelho; certo é também, e todo hai que dizer, que poucas cousas solicitamos até o día de hoje. Mas o que si pedimos é que nom se ponham trabas ao nosso trabalho. Realmente nom entendemos como um concelho pode sancionar a umha associaçom por colar cartazes, sem ningúm tipo de aviso previo; é algo que amosa umha nula capacidade de comunicaçom e colaboraçom co associacionismo da nossa vila, ou quando menos, coa nossa associaçom.
Marim, a 28 de janeiro de 2009
Consideramos que o Concelho de Marim nom está legitimidado moralmente para imponher sançons por colar cartazes na rúa. É imposível compreender como se sanciona a umha associaçom cultural por colar cartazes na rua quando o próprio Concelho os pom. Nos últimos meses, mentres o nosso expediente sancionador continuava adiante, o Concelho de Marim anunciava, por exemplo, as “Xornadas Interculturais” colando cartazes nas paredes e fachadas das ruas da nossa vila. A imposiçom da multa a A.C. Almuinha tendo em conta estes feitos parece umha autêntica burla.
Por outra banda, queremos denunciar a arbitrariedade total por parte do Concelho de Marim à hora de aplicar as normas municipais. Tanto a Policia Local como os/as responsáveis políticos do “governo de progresso” som responsáveis da arbitrariedade amosada neste assunto. Desde que entrou em vigor a Ordenanza em virtude da qual se nos sanciona por cometer umha infracçom grave, isto é, colar cartazes, na nossa vila colárom-se cartazes de todo tipo sem que conste que ninguém mais fosse ou vaia ser sancionado polos mesmos feitos. Estám-se a colar cartazes continuamente, o qual demonstra que quem os cola nom foi sancionado: particulares que vendem pisos, casam ou dam clases particulares, entidades culturais, organizaçons políticas e sindicais, clubes desportivos, esquelas ou entidades privadas como discotecas, comercios, academias, restaurantes... Por que o Concelho de Marim (PsdeG-BNG) sanciona a A.C. Almuinha? Qual é o obxectivo?
Entendemos a imposiçom desta sançom por parte do Concelho de Marim como umha medida repressiva da que é o único responsável. Lamentamos que desde o Concelho de Marim nom exista unha maior comunicaçom e colaboraçom coas associaçons culturais e entidades sociais, que nom se establezam mecanimos para promover e facilitar tanto a participaçom da cidadanía e das entidades culturais e sociais como a democracia municipal, e pola contra se enviem multas e sançons. Supostamente, este concelho está interesado em fomentar o associacionismo, ou polo menos isso é o que se dixo ao comezar a legislatura actual, mas estas som as medidas que ponhem em marcha para acada-lo? Nom somos umha empresa privada que procura beneficios, somos um grupo de pessoas que, no nosso tempo livre e cos nossos quartos, pretendemos contribuir ao desenvolvemento cultural da nossa vila, à defesa da nossa lingua e cultura, à defesa do medio ambiente, à procura da igualdade entre as pessoas e os povos…
Consideramos que a Ordenanza limita e dificulta o trabalho das associaçons e entidades sociais do nosso concelho. Poderiamos entender os obxectivos da Ordenanza se, ademais de proibir colar cartazes na rua, se estabelecessem lugares destinados a tal fim, mas o certo é que desde que se aprovou a Ordenanza em fevereiro de 2008 nom se habilitou ningúm espaço alternativo para que as associaçons e demais entidades poidam publicitar as suas actividades. Em Marim, em teoria, nom se podem colar cartazes em ningúm sitio, e mália que parece ser que a Ordenanza obedece a motivos medioambientais e estéticos, o que si está a provocar na práctica é umha restricçom de direitos fundamentais, como a liberdade de expressom, e limita a capacidade de comunicaçom das organizaçons culturais e sociais que nom tenhem grandes recursos económicos. Por outra banda, as sançons som desorbitadas e nom tenhem em conta a capacidade económica do “infractor”, nom diferenciando por exemplo umha associaçom cultural dumha empresa privada, nim o número de cartazes colados.
Também queremos destacar a existência dumha irregularidade importante no procedemento sancionador. Por se o procedemento nom fosse o suficientemente esperpéntico, a alegaçom da A.C. Almuinha à proposta de resoluçom nim tam sequera foi tida em conta. Na comunicaçom recebida na que se nos comunica a sançom indica-se que a nossa associaçom nom alegou à proposta de resoluçom que recebimos o 9 de Dezembro, mas isto é completamente falso, posto que o dia 24 de dezembro apresentamos, dentro do praço estabelecido, no registro do concelho a alegaçom (da qual temos cópia selhada, por suposto). A nossa segunda alegaçom nom foi tida em conta à hora de resolver por irregularidades no procedemento.
Por último, tras o conhecemento da sançom, a Almuinha comunicou-lhe ao Concelho o 27 de janeiro a intençom de celebrar 2 actos informativos e de denúncia desta multa. Um deles seria coincidindo com o vindeiro pleno diante do Concelho, mas hoje nos comunicarom que nos proibem fazer qualquer tipo de acto às portas do mesmo. O único que pretendiamos fazer é pór umha mesa, repartir panfletos denunciando a actitude do Concelho, e recadar dinheiro para afrontar o pagamento da multa, mas depois de preguntar-nos (por telefone) em que consistia o acto e a informaçom que se pretendia transmitir, proibem-nos fazer o acto. Com esta decissom o Concelho pretende vulnerar o direito de reuniom, para o qual nom fai falta autorizaçom, senom comunicaçom prévia às autoridades, que tam só poderám proibir os actos quando existam raçons fundadas de alteraçom da orde pública, assi como também fai uso da censura previa, algo completamente ilegal, posto que nos perguntarom pola informaçom que pretendiamos transmitir. Se esta informaçom fossem loubanças ao Concelho, também seria proibida?
Queremos, e já para rematar, anunciar que a A.C. Almuinha vai comezar umha campanha de denuncia desta sançom e da actitude repressora do Concelho. Consideramos esta sançom como umha medida repressiva, arbitrária, injusta e exagerada por parte do Concelho, e nom imos ficar impasíveis nem imos aceitar que se nos sancione por estes factos e nem sequera nos permitam denunciar o comportamento do Concelho cara a Almuinha, nom imos consentir que se lhe ponham trabas e problemas ao trabalho da nossa associaçom. Nom entendemos qual é o obxectivo nem os motivos que levarom a que este procedemento se puxe-se em marcha, sem aviso previo nem colaboraçom de ningúm tipo por parte do Concelho de Marim, polo que consideramos totalmente incalificáveis estas medidas.
Durante o ano de vida da A.C. Almuinha vimos trabalhando na defesa da nossa lingua, da nossa cultura, estamos implicados/as na promoçom de jogos tradicionais como a bilharda, da nossa música (ofertando cursos de pandeireta, gaita e baile tradicional), do nosso património arqueológico, do meio ambiente, estivemos presentes nas manifestaçons de defesa do meio ambiente e contra a permanência de ENCE na nossa ria, participamos na vida social da nossa vila, aportando as nossas opinions, como foi o caso do troco de nome do Instituto, ou organizando roteiros… e todo cos nossos medios, sem contar até o dia de hoje com moita colaboraçom do concelho; certo é também, e todo hai que dizer, que poucas cousas solicitamos até o día de hoje. Mas o que si pedimos é que nom se ponham trabas ao nosso trabalho. Realmente nom entendemos como um concelho pode sancionar a umha associaçom por colar cartazes, sem ningúm tipo de aviso previo; é algo que amosa umha nula capacidade de comunicaçom e colaboraçom co associacionismo da nossa vila, ou quando menos, coa nossa associaçom.
Marim, a 28 de janeiro de 2009
janeiro 19, 2009
MESA REDONDA "O PATRIMÓNIO ARQUEOLÓGICO NO CONCELHO DE MARIM"
Nos últimos meses desde a A.C. Almuinha estamos levando a cabo umha pequena campanha de conscienciaçom em relaçom com o património arqueológico da nossa vila. Se bem até o de agora vimos centrando o trabalho no Castro da Subidá, nom queremos parar aqui, e para isto, esta quinta feira (xoves), dia 22 de janeiro, às 20,00 h organizamos umha mesa redonda titulada “O património arquológico no concelho de Marim”, que terá lugar na Sala da Biblioteca Municipal de Marim. Nela intervirám os arqueólogos marinenses Álvaro Arizaga e Xosé Moledo, que já participarom na Saída ao Castro da Subidá que celevramos hai aproximadamente dous meses.
Gostarianos convidar a todas aquelas pessoas que o desejem a que assistam a esta interessante mesa redonda, que tem por finalidade contribuir a dar a conhecer o nosso património arqueológico, tratar de conscienciar da importáncia do mesmo, assi como valorar e debater as actuaçons realizadas e os projectos futuros de defesa e conservaçom do nosso património anunciados por distintas administraçons.
ABERTO DE BILLARDA DE VIGO
O pasado dia 10 de xaneiro tivo lugar en Vigo a 5ª xornada da LNB-sur. Foi o torneo máis numeroso de todos os celebrados até hoxe, con 73 participantes. A Almuinha rematou no 3º posto, co cal conseguimos confirmar o segundo posto da clasificación e aumentar a vantaxe cos nosos inmediatos perseguidores, Faísca e a Assembleia Aberta. Individualmente, Agus cae a terceira posición, mentres varios dos nosos palanadores están tratando de colarse entre os/as 8 melhores para deste xeito poder ter acceso á final que terá lugar en Compostela ao remate da tempada.
Mais info: www.ovaral.blogspot.com e http://lnbsur.wordpress.com/
Mais info: www.ovaral.blogspot.com e http://lnbsur.wordpress.com/
dezembro 21, 2008
FORA SIMBOLOGIA FASCISTA DAS NOSSAS RUAS
A A.C. Almuinha vem de apresentar no registro da Igreja em Compostela, um escrito dirigido ao Arcebispo de Sant-Iago de Compostela, Monsenhor Julián Barrio Barrio, no que denunciamos a existência de umhas pracas nas que se fai apología do fascismo no exterior da conhecida como "Igreja Velha" da nossa vila, e solicitamos a sua inmediata retirada.
Reproduzimos o escrito: A Associaçom Cultural Almuinha
EXPOM
Inspirándo-se no espirito da Lei 52/2007 de decembro, mais conhecida como Lei da Memória Histórica quer expor ante a autoridade eclesial a permanência no município de Marim de simbología franquista (en concreto umhas placas conmemorativas da guerra civil) em um templo do centro da nossa vila, o chamado Templo Velho na rua Echegarai.
Consideramos, fazéndo-nos eco do amplo consenso social e do carácter de justiça histórico que impregna dita Lei, que em respeito às pessoas que sufriram as conseqüências da guerra civil e do régime ditatorial que a sucedeu, devemos juntar todos os nossos esforços em prol do conhecimento histórico para estabelecer o reconhecimento das vítimas e represaliados na nossa terra.
O movimento que provocou dita situaçom utilizou a violência com a finalidade de impor as suas conviçons políticas subvertindo a orde legal pre-existente e estabeleceu um régime totalitário contrário a liberdade e dignidade das pessoas e dos povos.
Muitos cidadaos de Marim e muitos galegos padeceram injustiças que supugeram desde a privaçom da liberdade e desarraigamento do seu entorno familiar, social e cultural, a deportaçom, a confiscaçom dos seus bens, trabalhos forçosos ou o confinamento em campos de concentraçom dentro ou fora da Galiza, o exílio e até mesmo a perda da própria vida.
Miles de condenas e sançons injustas foram executadas para cumprir os objectivos de eliminaçom da cidadania que nom acreditava na legitimidade democrática do régime totalitário, cujo poder emanava únicamente da vitória em umha cruenta guerra contra os valores democráticos e contra as pessoas que trabalhavam para que esses valores prevaleceram ante a barbárie da violência dos sublevados.
A lei da memória histórica declara a ilegitimidade dos tribunais, jurados ou dos órgaos administrativos criados e de todas as condenas e sançons de carácter pessoal contra a populaçom civil impostas por motivos políticos e ideológicos por atentarem contra os direitos fundamentais.
Ademais estabelece umha série de medidas tendentes à eliminaçom dos símbolos e monumentos conmemorativos da Guerra Civil ou da ditadura para evitar toda apologia e exaltaçom da sublevaçom militar e da posterior guerra que provocou um milhom de falecidos em todo o estado.
A ausência de legitimidade democrática do régime franquista impulsionou a percura de legimitades alternativas baseadas nos referentes icónicos desenvoltos mediante as técnicas de propaganda e a apropriaçom simbólica de lugares públicos e emblemáticos.
Para reparar a honra das vítimas e evitar que se volvam producir situaçons de intolerância e de violaçom dos direitos humanos é que se insta as distintas instituiçons correspondentes a retirarem os escudos, insígnia, placas, monumentos e outros objectos ou mençons conmemorativas de exaltaçom, pessoal ou colectiva da sublevaçom militar, da Guerra Civil e da repressom da ditadura, de edifícios e espaços públicos.
Por tudo isto e considerando ademais, que entre os valores contra os que atentou o régime de Francisco Franco ácham-se os principais fundamentos sobre os que se constroi o corpus ético e moral da Igreja Católica, e tambêm, que muitos religiosos galegos foram perseguidos e mesmo assassinados polos sublevados,
SOLICITAMOS de vostede que tenha a bem realizar todas as gestons necessárias que estejam na sua mao para efectivizar quanto antes o cumprimento da Lei da Memória Histórica no que respeita à retirada da simbología franquista do Templo Velho de Marim.
Na confiança em que será atendida a nossa solicitude agradecemos a atençom emprestada e fazemos-lhe chegar atentamente os nossos cumprimentos.
Em Marim, a 19 de Dezembro de 2008
dezembro 17, 2008
POLO NATAL… CHEGA O APALPADOR
É sabido que a igreja católica aproveitou umha série de festividades que marcavam o ritmo das sociedades existentes antes da cristianizaçom, tingindo com um novo verniz celebraçons e festas com milénios de história.
Assim, sobre as celebraçons pagás do solstício do Verao colocou o Sam Joám, ligou o entruido em que celebramos a extinçom do Inverno com a quaresma, e santificou as festividades dedicadas à morte que desde muito atrás coincidem na nossa cultura com os primeiros compassos do Outono. Mas guardou a celebraçom mais importante, a do nascimento do mesmo filho de deus para situá-la nas mesmas datas em que a maior parte das culturas europeias anteriores à era cristá celebravam o solstício do Inverno, como momento de renascimento do ano.
Dessa sobreposiçom do cristianismo sobre os restos culturais pré-existentes temos um bom conhecimento na Galiza, porque nom se trata só da adaptaçom ao calendário senom da mesma ocupaçom dos espaços empregados de antano para cultos pré-crisaos sobre os quais, sem nengum complexo, se levantárom ermidas e cruzeiros para os adaptarem ao cristianismo.
Porém, e apesar do esforço que o cristianismo fixo para apagar qualquer pegada dos cultos e crenças populares, som muitos os vestígios que ficárom como testemunho. Nalguns casos com mais sucesso que em outros, mas em todos eles como prova das fundas raízes que o nosso povo, como cultura indígena que é, mantém.
Pode que o caso das tradiçons ligadas ao solstício de Inverno sejam algumhas das mais prejudicadas por séculos de tergiversaçom, marginalizaçom e ocultamento. E neste caso o processo de desculturizaçom tem-se agravado pola sobreposiçom a umha primeira deturpaçom de origem católica, com séculos de andamento, da poderosa maquinaria ideológica do imperialismo que pretende homegeneizar a cultura popular a um nível global.
Mas por baixo do Pai Natal, o natal da Coca-Cola e do Corte Inglês; mesmo por baixo dos Reis Magos e o nascimento de Cristo, na Galiza mantivérom-se pegadas de antigas tradiçons que é preciso recuperarmos.
Assim, nalgumhas comarcas da alta montanha do leste da Galiza, no Courel, Lóuçara e o Cebreiro, mantinha-se até datas muito recentes a tradiçom do Apalpador, um gigante com ofício de carvoeiro, que, no Natal, baixava das devesas onde morava para as aldeias, com a intençom de apalpar nas barrigas das crianças e assim comprovar se estavam bem mantidas. O Apalpador vigiava que as crianças vivessem com fartura, desejava-lhes que no vindouro ano continuassem a nom passar fame, e deixava-lhes umha presa de castanhas quentes como presente e lembrança da sua visita.
Possivelmente esta antiga tradiçom do Apalpador seja um dos mais antigos vestígios da nossa cultura. E como parte dum património ameaçado devemos esforçar-nos por o mantermos e actualizarmos.
Porque vamos ter que assumir os ditados impostos por quem quere aculturizar-nos? Porque temos que ceder aos mandatos do consumismo capitalista e da tradiçom católica?
Aproveitemos também as celebraçons do Natal para manifestar a nossa vontade de rebeldia e a nossa afirmaçom como povo, e comecemos por recuperar a figura do Apalpador.
Que nom seja mais o barbudo publicista da Coca-Cola, nem os submissos monarcas orientais os que traiam os presentes aos lares do nosso país!!
Deixemos que seja um galego, um honesto e trabalhador carvoeiro, quem venha agora com os presentes para as nossas moradas, e que as castanhas de antano sejam acompanhadas por outros bens que a sua generosidade de seguro lhe permite doar.
Este Natal abramos as portas ao Apalpador!!!
Assim, sobre as celebraçons pagás do solstício do Verao colocou o Sam Joám, ligou o entruido em que celebramos a extinçom do Inverno com a quaresma, e santificou as festividades dedicadas à morte que desde muito atrás coincidem na nossa cultura com os primeiros compassos do Outono. Mas guardou a celebraçom mais importante, a do nascimento do mesmo filho de deus para situá-la nas mesmas datas em que a maior parte das culturas europeias anteriores à era cristá celebravam o solstício do Inverno, como momento de renascimento do ano.
Dessa sobreposiçom do cristianismo sobre os restos culturais pré-existentes temos um bom conhecimento na Galiza, porque nom se trata só da adaptaçom ao calendário senom da mesma ocupaçom dos espaços empregados de antano para cultos pré-crisaos sobre os quais, sem nengum complexo, se levantárom ermidas e cruzeiros para os adaptarem ao cristianismo.
Porém, e apesar do esforço que o cristianismo fixo para apagar qualquer pegada dos cultos e crenças populares, som muitos os vestígios que ficárom como testemunho. Nalguns casos com mais sucesso que em outros, mas em todos eles como prova das fundas raízes que o nosso povo, como cultura indígena que é, mantém.
Pode que o caso das tradiçons ligadas ao solstício de Inverno sejam algumhas das mais prejudicadas por séculos de tergiversaçom, marginalizaçom e ocultamento. E neste caso o processo de desculturizaçom tem-se agravado pola sobreposiçom a umha primeira deturpaçom de origem católica, com séculos de andamento, da poderosa maquinaria ideológica do imperialismo que pretende homegeneizar a cultura popular a um nível global.
Mas por baixo do Pai Natal, o natal da Coca-Cola e do Corte Inglês; mesmo por baixo dos Reis Magos e o nascimento de Cristo, na Galiza mantivérom-se pegadas de antigas tradiçons que é preciso recuperarmos.
Assim, nalgumhas comarcas da alta montanha do leste da Galiza, no Courel, Lóuçara e o Cebreiro, mantinha-se até datas muito recentes a tradiçom do Apalpador, um gigante com ofício de carvoeiro, que, no Natal, baixava das devesas onde morava para as aldeias, com a intençom de apalpar nas barrigas das crianças e assim comprovar se estavam bem mantidas. O Apalpador vigiava que as crianças vivessem com fartura, desejava-lhes que no vindouro ano continuassem a nom passar fame, e deixava-lhes umha presa de castanhas quentes como presente e lembrança da sua visita.
Possivelmente esta antiga tradiçom do Apalpador seja um dos mais antigos vestígios da nossa cultura. E como parte dum património ameaçado devemos esforçar-nos por o mantermos e actualizarmos.
Porque vamos ter que assumir os ditados impostos por quem quere aculturizar-nos? Porque temos que ceder aos mandatos do consumismo capitalista e da tradiçom católica?
Aproveitemos também as celebraçons do Natal para manifestar a nossa vontade de rebeldia e a nossa afirmaçom como povo, e comecemos por recuperar a figura do Apalpador.
Que nom seja mais o barbudo publicista da Coca-Cola, nem os submissos monarcas orientais os que traiam os presentes aos lares do nosso país!!
Deixemos que seja um galego, um honesto e trabalhador carvoeiro, quem venha agora com os presentes para as nossas moradas, e que as castanhas de antano sejam acompanhadas por outros bens que a sua generosidade de seguro lhe permite doar.
Este Natal abramos as portas ao Apalpador!!!
ABERTO DE BILLARDA DE PONTE AREAS
Esta pasada fin de semana tivo lugar en Ponte Areas a 4ª xornada da Liga Nacional de Billarda (LNB). Á cita acudiron 56 xogadores, e no que se demostrou que o nivel e a competencia medran xornada a xornada. Desta volta saltou a sorpresa na final, na que o líder da clasificación xeral Chupi foi derrotado por Pinto, do Faísca de Vigo, que tamén se levaron o trofeo de mellor equipa do torneo.
Foi unha xornada na que Agus (Almuinha) conseguiu manter o segundo posto na clasificación xeral, malia que non fixo o seu mellor torneo, e a Almuinha manter o segundo posto na clasificación xeral por equipas, aínda que xa cun só punto de vantaxe sobre a equipa do Faísca, que ven apretando forte, e xa desbancou a equipa da Assembleia Aberta de Ponte Areas do terceiro posto. A vindeira cita será en Vigo o 10 de xaneiro, organizada pola equipa do Faísca.
Adiante coa revolución billardeira!
Foi unha xornada na que Agus (Almuinha) conseguiu manter o segundo posto na clasificación xeral, malia que non fixo o seu mellor torneo, e a Almuinha manter o segundo posto na clasificación xeral por equipas, aínda que xa cun só punto de vantaxe sobre a equipa do Faísca, que ven apretando forte, e xa desbancou a equipa da Assembleia Aberta de Ponte Areas do terceiro posto. A vindeira cita será en Vigo o 10 de xaneiro, organizada pola equipa do Faísca.
Adiante coa revolución billardeira!
dezembro 08, 2008
SAÍDA AO CASTRO: APARECE UN NOVO PETROGLIFO
Malia as condicións metreolóxicas (peores imposíbel), algo máis dunha quincena de persoas subimos ao Castro da Subidá. Durante o percorrido e no próprio castro contamos coas explicacións do historiador e arqueólogo marinense Álvaro Arizaga Castro, en relación ao património arqueolóxico da nosa vila. Durante a preparación desta saída foi atopado un petroglifo nunha pedra non moi grande, que ficou visíbel despois de que por unhas obras nunha casa próxima se removese un pequeno espazo de terra na zona do castro. Descoñecemos se a existencia deste petroglifo é coñecida pola Dirección Provincial de Património ou pola Concellería de Cultura do Concello de Marín (pensamos que non, posto que deste petroglifo non hai constancia documentada), mas xa enviamos un escrito ás mesmas, para que adopten as medidas necesarias para a súa protección, posto que a pedra que o contén non é excesivamente grande, e podería ser movida por varias persoas.
novembro 26, 2008
SAIDA AO CASTRO DA SUBIDÁ
Esta fim de semana a A.C. Almuinha organiza, dentro da pequena campanha que estamos a levar a cabo nos últimos meses para tratar de conseguir a posta em valor do Castro da Subidá, umha Saída ao Castro.
O obxectivo desta saída é comprobar o estado actual do castro, depois de anos de abandono, assi como fazer possível que pessoas que nunca o virom poidam faze-lo e conhecer deste jeito o maior castro da nossa vila e umha das nossas melhores mostras do nosso património arqueológico.
Nesta saida, que terá lugar o vindeiro sábado 29 de novembro a partir das 11:00 da manhá desde a alameda de Marim, contaremos com a participaçom de
O obxectivo desta saída é comprobar o estado actual do castro, depois de anos de abandono, assi como fazer possível que pessoas que nunca o virom poidam faze-lo e conhecer deste jeito o maior castro da nossa vila e umha das nossas melhores mostras do nosso património arqueológico.
Nesta saida, que terá lugar o vindeiro sábado 29 de novembro a partir das 11:00 da manhá desde a alameda de Marim, contaremos com a participaçom de
Álvaro Arizaga Castro, historiador e arqueólogo marinense, bom conhecedor do nosso património arqueológico, do qual já publicou um livro (Petroglifos e outras historias), junto a outro arqueólogo marinense, entre outros trabalhos.
Gostaríamos de convidar a todas aquelas pessoas que o desejem, assi como também a todas as entidades culturais, sociais ou vizinhais da nossa vila, a participar desta actividade, posto que amais de conhecer o castro e ver o seu estado actual, poderám assistir a umha pequena charla no próprio castro sobre o mesmo, assi como sobre o património arqueológico do nosso concelho. Para isto, tam só hai que vir com calçado ajeitado e disposto a caminhar a pequena distáncia existente entre a alameda e o castro (sobe ums 30 minutos). Por outra banda, também hai a possibilidade de que aqueles/as que nom desejem caminhar, aparezam na base do castro (na pista de asfalto), sobre as 11:30.
Vémo-nos o sábado !!
Gostaríamos de convidar a todas aquelas pessoas que o desejem, assi como também a todas as entidades culturais, sociais ou vizinhais da nossa vila, a participar desta actividade, posto que amais de conhecer o castro e ver o seu estado actual, poderám assistir a umha pequena charla no próprio castro sobre o mesmo, assi como sobre o património arqueológico do nosso concelho. Para isto, tam só hai que vir com calçado ajeitado e disposto a caminhar a pequena distáncia existente entre a alameda e o castro (sobe ums 30 minutos). Por outra banda, também hai a possibilidade de que aqueles/as que nom desejem caminhar, aparezam na base do castro (na pista de asfalto), sobre as 11:30.
Vémo-nos o sábado !!
novembro 21, 2008
SUCESSO DO ABERTO DE MARIM DE BILHARDA
http://es.youtube.com/watch?v=TNgpPVxy9kI&eurl=http://lnbsur.wordpress.com/Nesta passada fim de semana tivo lugar na nossa vila a terceira jornada da Super Liga Galega de Bilharda. Á cita acudirom perto de 150 pessoas, inscribíndo-se finalmente 62 jogador@s procedentes de Porrinho, Mos, Vigo, Moanha, Ponte Areias… e por suposto de Marim.
Às 17:00 da tarde deu começo a competiçom, que se prolongou até as 20:00. Agus (Almuinha) continua com a sua regular marcha entre @s melhores da competiçom, e nesta ocassom chegou a semifinais, onde perdeu numha gram partida ante Chupi, o palanador de Porrinho que compartia liderato com el até esta fim de semana.
@s demais palanador@s da Almuinha nom estiverom moi atinad@s desta vez, sendo @s grandes vencedor@s da tarde a equipa dos Paquete Pinchas de Porrinho, que se levarom todos os trofeos (Campiom, Finalista, Varados e Melhor Equipa).
Ainda assi, a nossa equipa conseguiu ficar na segunda posiçom do Torneio, com o que se reforza o segundo posto da clasificaçom geral. E tras esta jornada, Agus fica na segunda posiçom da clasificaçom individual a tam só 4 pontos de Chupi (Paquete Pinchas).
Foi umha tarde chea de diverssom, onde jogador@s de todas as idades pasamos um bo rato. Desde a A.C. Almuinha puxemos o nosso graninho de areia para continuar incrementando o apoio a esta competiçom, que para ser o primeiro ano que se leva a cabo no sur da Galiza, está adquirindo umha gram dimenssom, posto que tras 3 jornadas já houvo 110 pessoas inscritas. Conseguimos também atraer a atençom e o interese de um bo número de marinenses, que já amosarom de diferentes jeitos o seu apoio a este jogo e o interese em poder participar noutros torneios.
Vemo-nos em Ponte Areias o 13 de dezembro!!!"
novembro 12, 2008
ABERTO DE BILLARDA DE MARÍN
O vindeiro sábado 15 de novembro a partir das 16:00 no Colexio A Laxe vai ter lugar en Marín, organizada pola A.C. Almuinha, a terceira xornada da Super Liga Galega de Billarda, na súa Conferencia Sur.
Ainda que os resultados están sendo moi bos para a nosa equipa, non esquecemos que o noso obxectivo principal nesta actividade é o de contribuir a recuperar este xogo tradicional, que até non hai moito tempo era moi popular nas rúas das vilas do noso pais.
Este sábado agardamos continuar, cando menos, coas boas cifras de participación que houbo até o de agora, en Porriño houbo 52 persoas inscritas e en Moaña 74. É por isto que queremos animar a tod@s aquel@s que o desexen a que se acheguen o vindeiro día 15 de novembro ao Colexio A Laxe a desfrutar dunha tarde animada xogando á billarda. A partir das 16:00 da tarde terá lugar a inscrición, os adestramentos previos e o sorteo. A inscrición no torneo é aberta, podendo anotarse quen queira, polo que non é preciso que tivese participado en algún dos anteriores torneos. Está previsto que a competición comece ás 17:00, tras o sorteo.
Os trofeos para @s mellores serán:
- Campión: trofeo e reloxio Festina valorado en máis de 100 euros.
- Finalista: trofeo e 1 lacón.
- Campión de varados: trofeo
- Mellor equipa: trofeo e 2 follas de bacallau.
Máis información en: www.lnbsur.wordpress.com e www.ovaral.blogspot.com.
Anímate e participa!!!
Ainda que os resultados están sendo moi bos para a nosa equipa, non esquecemos que o noso obxectivo principal nesta actividade é o de contribuir a recuperar este xogo tradicional, que até non hai moito tempo era moi popular nas rúas das vilas do noso pais.
Este sábado agardamos continuar, cando menos, coas boas cifras de participación que houbo até o de agora, en Porriño houbo 52 persoas inscritas e en Moaña 74. É por isto que queremos animar a tod@s aquel@s que o desexen a que se acheguen o vindeiro día 15 de novembro ao Colexio A Laxe a desfrutar dunha tarde animada xogando á billarda. A partir das 16:00 da tarde terá lugar a inscrición, os adestramentos previos e o sorteo. A inscrición no torneo é aberta, podendo anotarse quen queira, polo que non é preciso que tivese participado en algún dos anteriores torneos. Está previsto que a competición comece ás 17:00, tras o sorteo.
Os trofeos para @s mellores serán:
- Campión: trofeo e reloxio Festina valorado en máis de 100 euros.
- Finalista: trofeo e 1 lacón.
- Campión de varados: trofeo
- Mellor equipa: trofeo e 2 follas de bacallau.
Máis información en: www.lnbsur.wordpress.com e www.ovaral.blogspot.com.
Anímate e participa!!!
Subscrever:
Mensagens (Atom)