dezembro 29, 2013

O APALPADOR VOLTA A MARIM!

Desde a A.C. Almuinha vimos convidando ao Apalpador nos últimos anos a nossa vila, e este ano nom será menos, polo que por quinto ano esta figura tradicional galega própria destas datas percorrerá as rúas de Marim.

O Apalpador percorrerá as rúas de Marim, acompanhado de vári@s ajudantes miúdinh@s e de músicos, o último dia do ano, 31 de dezembro a partir das 17:00 horas, achegándo-se aos parques infantís, pra apalpar as barrigas dos cativos, vendo que tal comerom ao longo do ano, e repartindo caramelos.

A continuaçom visitará a Feira de Artesania, que este ano terá lugar na Alameda Rosalia de Castro, onde a partir das 18:00 horas organizamos umha pequena obra de monicreques relacionada com a figura do Apalpador.

novembro 29, 2013

O “CIRCO” DAS SUBVENCIÓNS CULTURAIS

Cando a Sra. Alcaldesa chegou no ano 2.011, manifestou que “ela non tiña responsabilidade algunha do que fixera o goberno anterior e que as axudas do 2.009 quedaban “finiquitadas” (non chegaron a resolverse porque xa non se dispoñían dos cartos orzamentados a tal partida) e no 2.010 e 2.011 deran axudas para actividades concretas “de ti a ti”, (descoñecemos cal é o procedemento para optar a elas e a ausente concelleira de cultura négase a recibirnos para explicárnolo, tras solicitar en repetidas ocasións unha reunión por tódolos medios: rexistro, teléfono, correo electrónico...).

En marzo de 2.012, o BOP publica unha convocatoria de axudas para ese ano. Un ano despois, 2.013, chega a resolución (xa sen entrar a valorar a subxectividade da mesma, que leva entre outras cousas a que a Almuinha se lle puntúe con 3 puntos sobre 5 no uso do galego, cando como todo o mundo sabe que é a lingua que empregamos no 100% de actividades e comunicacións), e case no 2.014 Almuinha segue a agardar polas axudas xa concedidas do ano 2.012.

Agora vimos de saber que o Concello esgotou o orzamento de 2.013, polo que, terá que tirar do orzamento de 2.014 para aboar as xa resoltas subvencións do 2.012. O que supón que xa non convocará subvencións no 2.013 e sospeitamos que tampouco no 2.014.

Almuinha, ben porque as axudas do 2009 non se resolveron, as de 2010 e 2011 non se convocaron, as de 2012 “valen” por 2012-2013-2014, e que descoñecemos cal é o procedemento para optar á concesión de axudas para actividades concretas, que son concedidas “de ti a ti” (depende da vontade da concelleira de cultura?), NON RECIBIU AXUDA ALGUNHA DENDE O ANO 2.008. E podemos afirmar, sen temor a equivocarnos, que somos a única entidade cultural do Concello de Marín que non recibe ningún tipo de axuda do noso Concello nos últimos anos.

É lamentable... As asociacións temos que facer mil e unha para facer actividades, poñendo cartos dos nosos petos e investindo o noso tempo libre. Non queremos gañar cartos, queremos poder promover a nosa e lingua e cultura ofrecendo máis e mellores actividades dirixidas a todas e todos.


ESIXIMOS QUE:
-ACABE O “CIRCO DAS SUBVENCIÓNS”. XESTIÓN EFICAZ XA!
-ABONEN AS SUBVENCIÓNS DO ANO 2.012.
-DEFINAN “PUBLICAMENTE” CAL É O PROCEDEMENTO PARA O ACESSO ÁS AXUDAS PARA ACTIVIDADES CONCRETAS.

novembro 20, 2013

Nom máis prórrogas a ENCE-ELNOSA !!


Manifestación "Nom máis prórrogas a ENCE-ELNOSA"

Sábado 23 de novembro ás 19:30h. desde a Praça da Ferraría (Ponte Vedra).

outubro 30, 2013

Roteiro: Castro da Subidá e Petróglifos de Mogor

A A.C. Almuinha organiza um Roteiro polo Castro da Subidá e Petróglifos de Mogor este Domingo 10 de Novembro, que partirá às 10:30h. da Alameda Rosalía de Castro de Marim, e estará guiado polo arqueólogo e historiador marinense Álvaro Arizaga.

Visitaremos 2 dos lugares de maior importancia patrimonial do nosso Concelho, como som o Castro da Subidá e os Petróglifos de Mogor. Nestes sitios contaremos com pequenas charlas de Álvaro Arizaga, que nos contará como vivíam as pessoas que ocupavam os Castros e as que realizavam os Petroglifos.

É um Roteiro doado, de 2:30h. aproximadamente, de grande interesse, e para as pessoas que nom queiram fazer todo o caminho ponhemos as horas aproximadas polas que passaremos polo Castro (11:00h.) e os Petróglifos (12:00h.) para que poidam achegar-se a estes pontos e assistir às pequenas charlas, mas moi interesantes, de Álvaro Arizaga. Às 13:00h. está prevista a chegada à Alameda de Marim.

Com esta actividade queremos continuar difundindo o nosso património, ao tempo que gozamos da nossa paisagem e do nosso entorno natural, polo que queremos animar a todos/as os/as marinenses a que participem desta Saída, que se acheguem a conhecer a riqueza do nosso patrimonio.

Galiza pola Soberania

Desde a A.C. Almuinha queremos animar às pessoas sócias, simpatizantes e amig@s da nossa entidade a apoiar expresamente a iniciativa "Galiza pola Soberania", assinando o Manifesto (http://galizapolasoberania.org/asina-o-manifesto/) - (http://galizapolasoberania.org/blog/2013/08/04/manifesto/).

outubro 16, 2013

Brincando com as crianças em alemám



As asociacións culturais Revira e Almuinha organizan durante o mes de novembro un taller de alemán para crianzas co título "Xogando cas crianzas en alemán". O obxetivo desta actividade é dar a coñecer o idioma alemán desde o galego dunha maneira lúdica e informal a través da canción e do xogo. Esta virá a desenvolverse todos os mércores e venres de 17:00 a 18:00 no local social da Asociación Cultural Revira na rúa Gonzalo Gallas Nº4 e será impartido por unha monitora de tempo libre titulada en alemán pola Escola Oficial de Idiomas de Pontevedra. Traballaremos cun grupo dun máximo de 10 nenos mas adiantamos que se a demanda fose superior abriremos o mes de Decembro para darlle continuidade. A idade recomendada para participar é de 5 anos e o prezo será de 25€ por alumno o més.

As familias poden inscribir as pequenas desde xa contactando nos correios centrosocial@revira.org ou a.c.almuinha@gmail.com

outubro 12, 2013

Volta a Liga Nacional de Bilharda



Volta outra tempada da LNB-Sur!!!

E a equipa de Almuinha aí estará mais um ano !!!
 
Sábado 12 de outubro às 16:00 h em Bueu (Campo da Estacada, se chove no Pavilhom de Beluso).

setembro 24, 2013

As nossas novas em galego queremos ler

A A.C. Almuinha solicita un Compromiso co Galego por parte dos xornais e dos/as profesionais que traballan nestes medios, que permita acadar unha maior presenza do galego nos xornais que recollen as novas de Marín.

Na A.C. Almuinha levamos todo este ano traballando en distintas campañas que teñen por obxecto a promoción do galego na nosa vila, co obxectivo de acadar avances na implantación social da nosa lingua. Primeiro levamos a cabo unha campaña dirixida a toda a sociedade co lema "Em galego todo é possível", que veu seguida por unha campaña para a galeguización dos nomes e restauración dos apelidos, e continuamos...

Debido á gran importancia dos medios de comunicación na sociedade actual decidimos facer un seguemento ao uso do galego nos xornais que recollen as novas de Marín (Diario de Pontevedra, Faro de Vigo e La Voz de Galicia). Analisamos as páxinas de Marín de 18 xornais do pasado mes de agosto, correspondentes a datas diferentes e aos diferentes días da semana; concretamente analisamos 6 edicións de cada xornal:

- Faro de Vigo: xoves 08/08, luns 12/08, martes 13/08, mércores 21/08, venres 30/08 e sábado 31/08.
- La Voz: sábado 03/08, domingo 04/08, venres 09/08, mércores 14/08, martes 20/08 e xoves 29/08.
- Diario de Pontevedra: martes 06/08, mércores 07/08, venres 16/08, luns 19/08, xoves 22/08 e domingo 25/08.

Os resultados foron os seguintes:

- Do total de 18 xornais analisados, en 16 non hai nin unha soa nova en galego. Tan só en 2 xornais recóllense 2 novas en galego, en 2 días diferentes;
- Do total de 85 novas no conxunto dos 3 xornais tan só 2 foron en galego (2,35%);
- O Faro e La Voz non usan o galego nunca (0%);
- O Diario recolle 2 novas en galego de 28 novas en total (7,14% de novas en galego), mentres nos outros 4 días ningunha.
- As 2 novas en galego ocupan un espazo darredor do 15% en cada edición. No total dos 18 xornais, o espazo ocupado polas novas en galego sería practicamente do 0%.

Conclusión: A presenza do galego nos medios de comunicación escritos que tratan as novas de Marín é anecdótica, practicamente nula.

Desde a A.C. Almuinha consideramos que o uso do galego nos medios de comunicación escritos que recollen as novas de Marín é inaceitábel, polo que queremos facer un chamamento á reflexión. A proporción de novas en galego e castelán é completamente desproporcionada e inxusta coa nosa lingua, reproducindo a histórica discriminación á que foi submetida ao longo de séculos, e contribúe ao proceso de progresiva desgaleguización da nosa sociedade que continúa na actualidade.

Desde a A.C. Almuinha solicitamos un maior uso do galego nos medios de comunicación escritos que recollen as novas de Marín (Diario de Pontevedra, Faro de Vigo e La Voz de Galicia). É importante tomar consciencia de que o futuro do galego pasa por ir gañando espazos nos diferentes ámbitos da nosa sociedade de cara a súa normalización plena, que ainda fica ben lonxe, e especialmente en sectores da importancia dos medios de comunicación escritos, que son lidos por milleiros de persoas cada día.

Os medios de comunicación xogan un papel dunha gran importancia na sociedade actual, polo que un pequeno “esforzo” que conleve un maior uso do galego nos xornais contribuiría indubidabelmente a unha mellora substancial da situación da nosa lingua e favorecería deste xeito á normalización da nosa lingua.

É por todo isto que solicitamos un Compromiso co Galego por parte dos xornais e dos/as profesionais que traballan nos mesmos, que permita acadar unha maior presenza do galego nestes medios que recollen as novas da nosa vila, propoñendo o incremento progresivo do uso do galego até acadar o 50% en novas e no espazo ocupado das mesmas no vindeiro verán de 2014.

setembro 02, 2013

Concentraçom contra agressom a Síria


Desde a A.C. Almuinha apoiamos a concentraçom contra a agresom a Siria por parte dos EEUU e os seus aliados, convocada por um bo número de entidades políticas, sociais e culturais de Ponte Vedra e Marim, que terá lugar esta segunda feira (2 de setembro) a partir das 20:30h. na Praça da Peregrina, e fazemos um chamamento à cidadania para que participe.
 
Nom à agresom contra a Siria!!!

junho 24, 2013

Romaria da Pátria 2013, sábado 6 de julho

VI Romaria do Dia da Pátria!!!

O Sábado 6 de julho as associaçons culturais Almuinha, Revira e Ronsel organizamos a VI Romaria do Dia da Pátria!!!






Programa:

10:00h.: Saida em dornas pola ria.
10:00h.: Roteiro polos muinhos do rio Loira.
14:00h.: Jantar (Paelha).
16:00h.: Foliada.

Para apontar-se ao jantar (10 euros) e/ou à Saida em dornas: a.c.almuinha@gmail.com ou centrosocial@revira.org.

junho 14, 2013

Roteiro polo Leres o sábado 29 de junho


Sábado 29 de junho as Associaçons Culturais Revira, En Pé e Almuinha organizam em colaboraçom a A. C. Cedofeita um roteiro pola senda do Léres. O roteiro arrincará as 10h Ciências Sociais para ir pola illa do Cobo e falar sobre a luita pola recuperaçom das junqueiras, iremos a entrada de Monteporreiro, zona de muitos fuzilamentos durante o franquismo, a casa das águas e o balneário das águas embotelhadas etc. Tambem estudaremos a diversa flora e fauna da zona além dos muinhos existentes polo percorrido. Após o mesmo celebraremos um jantar no Centro Social Revira ao qual podedes apontar-vos nos mesmos correios.

maio 31, 2013

Apoiamos a Marcha contra ENCE-ELNOSA deste sábado

Desde a A.C. Almuinha manifestamos o nosso apoio à Marcha convocada pola Asociación Pola Defensa da Ría (APDR) este Sábado 1 de junho, e que sairá da Alameda Rosalía de Castro de Marim a partir das 19:30h, rematando na entrada de ENCE.
 
Consideramos que é especialmente importante mobilizar-se nestes momentos, depois de que a modificaçom da Lei de Costas no Parlamento espanhol abra a porta à concesom dumha prórroga que permita ao complexo ENCE-ELNOSA permanecer na ria mais alá do 2018, ano no que vence a actual concesom.
 
É por isto que queremos fazer um chamamento à cidadania marinense para que acoda à Marcha. Só manifestando o rejeitamento masivo da cidadania à permanência do complexo ENCE-ELNOSA na ria poderemos conseguir que abandonem o actual emprazamento e a posterior recuperaçom da ria.
 
Este sábado tod@s em Marcha!!!

maio 29, 2013

Manifestación Nacional contra a Minaría Salvaxe

ContraMINAcción chama á cidadanía galega a apoiar a manifestación do 2 de xuño para defender o noso país da minaría salvaxe

O colectivo ContraMINAcción
chama a toda a cidadanía galega a apoiar masivamente a manifestación que se celebrará este domingo, 2 de xuño, en Santiago de Compostela, para obrigar á Xunta de Galiza a escoitar un sentir maioritario que se opón ao acaparamento e destrución de amplas zonas do noso territorio a mans da industria mineira.

ContraMINAcción fai este chamamento porque ao amplo historial destrutivo da minaría no noso país, que contou sempre coa conivencia dos poderes públicos, quérense sumar agora ducias de novos proxectos que ameazan con arrasar -coa posta en marcha de explotacións altamente contaminantes e a ceo aberto- comarcas como A Barcala, A Fonsagrada, A Limia, Ancares, Baixo Miño, Bergantiños, Celanova, Compostela, O Eume, Ordes, O Ribeiro, Terra Chá, Terra de Soneira, Vigo ou Xallas.

Os novos proxectos mineiros que pretende autorizar a Xunta en Baleira, Baralla, Becerreá, Castrelo de Miño, Corcoesto, Frades, Fragas do Eume, Mesía, O Pino, Oroso, Santa Comba, Santiago, Serra de Fontecuberta, Serra do Galiñeiro, Trasmiras, Xinzo ou Zas, destruirán espazos protexidos de incalculable valor ecolóxico, esquilmarán a terra da que viven miles de labregos e labregas e obrigarán ao exilio forzoso a todas aquelas persoas que tiveron a mala sorte de ter os seus fogares sobre recursos mineiros de dubidosa utilidade pública e cos que certas empresas queren especular para o seu único e exclusivo lucro privado.

Dende ContraMINAcción queremos expresar o noso máis sincero agradecemento aos apoios recibidos dende a sociedade civil, a través das adhesións de máis de medio cento de organizacións e colectivos de Galiza, do Estado Español e de América Latina que detallamos a continuación: Agrupaçom de Montanha Augas Limpas, Asociación Naturalista de Defensa Ambiental Ribeiras do Miño, Asociación Véspera de Nada por unha Galiza sen Petróleo, Associação Socio-Cultural O Iríbio, Comisión contra as Minas da Terra Chá, Contramínate de Laxe, Plataforma pola Defensa de Corcoesto e Bergantiños, Plataforma pola Defensa do Galiñeiro, Plataforma Veciñal Corno do Monte, Salva la Selva, Santa Comba Viva, Sindicato Labrego Galego, SOS Groba, Verdegaia, Galiza Non Se Vende (GNSV), FEG - Federación Ecoloxista Galega, Galiza Nova, NÓS-UP, Partido da Terra, Espazo Ecosocialista Galego, Sociedade Galega de Historia Natural (SGHN), Anova Irmandade Nacionalista, Associaçom Cultural Revira de Pontevedra, Confederación Intersindical Galega (CIG), A.C. Caldeirón de Malpica, Asociación Monte Pindo Parque Natural, Federación Rural Galega (FRUGA), Centro social Mádia Leva!, Asociación para a Defensa Ecolóxica de Galiza (ADEGA), Plataforma Oro No (Tapia de Casariego), Centro Social Fuscalho (Baixo Minho), Fur Alle Falle, Rural C, Espazo Agroecolóxico A Estruga (Viveiro-Lugo), Fronte Cívica Somos Maioría da provincia de A Coruña, Asociación Ecoloxista e Cultural da Terra de Montes "Verbo Xido", A.C. Almuinha de Marim, C.S. Gomes Gaioso, Asociación Cultural FUCO BUXÁN, Asociación Cultural Fillos de Galicia, Frente Popular Galega (FPG), Grupo Ecoloxista ADENCO. Asociación para a Defensa da Natureza do Condado, Plataforma cidadá Proxecto Cárcere, Compromiso por Galicia (CxG), A.C. Almuinha de Marim, CNT de Betanzos, Noalamina Esquel (Arxentina), Asociación Veciñal de Esteiro-Ferrol, Asociación Pola Defensa da Ría (APDR, Pontevedra), Asociación Ecologista Arco Iris, Amigos da Terra, Radio Ucamara en Nauta (Loreto, Perú), Cooperativa Agricultura Ecoloxica Raínha Lupa (Quilmas), Plataforma en Defensa dos Montes do Morrazo, ENTREPOBOS/ENTREPUEBLOS/ENTREPOBLES/HERRIARTE, Plataforma de Seguimiento de las Industrias Extractivas (PSIE), Movimiento No a la Mina (Argentina) - Asamblea Buenos Aires No a la Mina, El Observatorio Latinoamericano de Conflictos Ambientales OLCA (Chile), Xuventude Comunista, Observatorio de Conflictos Mineros en América Latina OCMAL (40 organizacións:
http://www.conflictosmineros.net/quienessomos/), Acción Ecológica de Ecuador, Defensa y Conservacion Ecológica de Intag (Ecuador), Asociación Jalisciense de Apoyo a los Grupos Indígenas (AJAGI. Jalisco, México), Agrupaçom Cultural O Facho, Colectivo Ecoloxista Luita Verde, Alternativa Galega de Esquerda (AGE), Bloque Nacionalista Galego (BNG), Colectivo Ecoloxista do Salnés, Ecologistas en Acción, Xuventudes Socialistas de Galicia e Departamento Justicia, Paz y Salvaguarda de la Creación (Obispado Copiapó, Chile).

A manifestación partirá da Alameda ás 12:00 horas e percorrerá rúas compostelás como a Senra, Praza de Galicia, Doutor Teixeiro, Hórreo, Toural ou o Vilar, para rematar na praza da Quintana. Alí, representantes das organizacións e colectivos que integran ContraMINAcción ou que loitan contra este tipo de proxectos sen necesidade de pertencer a esta plataforma, lerán un manifesto coral co que tentarán sensibilizar á sociedade galega desta ameaza global que afecta ao país enteiro.

maio 24, 2013

A A.C. ALMUINHA DENUNCIA A NEFASTA XESTIÓN DAS SUBVENCIÓNS CULTURAIS NO CONCELLO DE MARÍN


A.C. Almuinha leva traballando máis de cinco anos a prol da defensa da lingua e cultura galega na nosa vila. Tan só en 2008 foi beneficiaria dunha subvención, xa que as de 2009 ficaron sen resolver, no 2010 e 2011 non se convocaron axudas públicas (senón “individuais” para actos concretos), as de 2012 están sen resolver e as de 2013 sen convocar (o PP antes tiña a escusa de que “acababan de chegar ao goberno local”, mais agora, despois de 2 anos á fronte do Concello, cal é a escusa?).

O pasado 12 de marzo de 2012 o Concello de Marín publica no BOP unha convocatoria de axudas ás asociacions culturais. Almuinha presenta a súa solicitude o 23 dese mesmo mes.

O pasado 26 de febreiro de 2013 (case 1 ano despois), a concelleira de Cultura, Beatriz Rodríguez, convocou ás entidades beneficiarias para comunicar a resolución das mesmas. A convocatoria fíxose por teléfono do día 25 para o 26, sen ningún tipo de comunicación escrita previa. Afirmaron facelo con esa celeridade co obxecto de “axilizar ao máximo os trámites”.

Apesares de que nas bases da convocatoria, no seu artigo 9 indícase que “O pagamento tramitarase no prazo de dous meses unha vez rematadas as actividades (31/12/2012)”, e apesares das declaracións á prensa da concelleira de Cultura acerca do “máximo respeto ao procedemento establecido nas bases”, a día de hoxe seguimos sen cobrar as axudas (3 meses depois da urxentísima reunión e para que logo teñan a “obxectividade” de puntuarnos con 3 ptos sobre 5 en capacidade de autofinanciación. Se agardásemos polas axudas, non teríamos disfrutado cada ano da Festa da Lingua ou da Romería da Patria, p.e.).

Como se aínda non fose o suficientemente grave a situación para as asociacións culturais que non recibimos axudas “individuais” para actos concretos, que estamos sen ningunha axuda dende o 2008, a non resolución da convocatoria 2012, supón ademais que o Concello non convocou nen poderá convocar a liña de axudas 2013.

Sen embargo, o Concello continua a colaborar con “axudas individuais” para actos concretos a distintas asociacións e entidades “amigas”, sen que existan ou coñezamos cales son os criterios de adxudicación, o procedemento de solicitude, se se teñen en conta para a concesión das axudas públicas anuais (“regulares”)..., apesares de ter solicitado información en varias ocasións.

ESIXIMOS QUE SE REMATE DUNHA VEZ COA CONVOCATORIA DE SUBVENCIÓNS CULTURAIS 2012, E SE SIGA UN PROCEDEMENTO DE ADXUDICACIÓN DAS AXUDAS INDIVIDUAIS PARA ACTIVIDADES CONCRETAS TRANSPARENTE, OBXECTIVO E CLARO.

maio 16, 2013

Apoio à manifestaçom em defesa do galego



A A.C. Almuinha quer manifestar publicamente o apoio da nossa associaçom à manifestaçom em defesa do galego convocada o vindeiro dia 17 de maio com motivo do Dia das Letras Galegas, e que percorrerá as ruas de Compostela a partir das 12:00h desde a Alameda.

A nossa associaçom vem de celebrar a VI Festa da Língua esta passada fim de semana, na que amais de gozar dum dia de festa reivindicamos o direito a viver com normalidade em galego na nossa própria terra. Desta volta, e com os mesmos motivos, queremos animar à cidadania marinense a participar massivamente nesta convocatória festiva e reivindicativa.

Por desgraça, a situaçom do galego é dramática, cumha perda constante de falantes como consequência da imposiçom dumha língua foránea (própria de Castela). Se bem esta imposiçom do castelám começou hai vários séculos, nas últimas décadas está a ser tremendamente efectiva, devida a vários factores como som a imposiçom via legislaçom (proibiçom explícita do uso do galego em muitos âmbitos), a escola, os meios de comunicaçom, difusom de imagens negativas d@s falantes e dos âmbitos galegofalantes...

Como galegos, e se de verdade queremos a nossa língua, compre passar das palavras ao factos, compre comprometer-se os 365 dias do ano na defesa da nossa língua, apostar por ela, porque é a nossa, porque com ela estamos no mundo com identidade própria.

Este 17 de maio... tod@s a Compostela!!!

maio 06, 2013

VI Festa da Língua e I Foliada da Almuinha !

Um ano mais, e já vam 6, voltamos à rua pra festejar o Dia das Letras Galegas, pra celevrar que temos umha lingua da que estarmos orgulhosos, que nos identifica como povo e que nos permite comunicar-nos com mais de 250 milhons de pessoas do mundo lusófono. Mas também é um dia pra reivindicar os direitos das pessoas galegofalantes e da nossa lingua na nossa própria terra.

E saimos à rua conscientes da inutilidade mais absoluta de festejar um dia ou um mês ao ano, se estas celevraçons nom vam acompanhadas dum firme compromisso com a lingua ao longo de todo o ano. A nossa lingua atópa-se numha dificilísima situaçom que precisa, nom dum dia ao ano, senom dum compromisso permanente os 365 dias do ano.

Desde a A.C. Almuinha sempre quixemos fazer deste dia umha Festa participativa da cidadania. Nesta VI Festa da Lingua queremos Mais Festa e Mais Participativa, por isso cambiamos as actividades, que durante estes 5 anos tinham lugar desde a manhá, para a tarde-noite e organizamos a I Foliada da Festa da Lingua.

As actividades comezarám a partir das 18:00h na Alameda Rosalía de Castro com actividades para os/as mais pequenos/as. A partir das 20:00 h as actividades serám no Multiusos de Marim, onde entre outras actividades haverá apresentaçons de livros, ceia com favada (moi económica), espectáculo com lume e a I Foliada da Festa da Lingua a partir das 21:30h, estando as pessoas que participem da Foliada convidadas a cear!


Ao longo de toda a jornada haverá umha mesa com informaçom da Campanha "Galeguiza o teu nome e apelidos". E por último, aproveitamos para informar de que com a Festa da Lingua damos por rematada a Campanha "Em galego todo é possível", que vimos levando a cabo durante todo este ano 2013, deixando passo a campanhas mais concretas como a da galeguizaçom dos nomes e apelidos e outras que virám.

Vémo-nos na VI Festa da Lingua!!!

Em galego todo é possível!!

PROGRAMA VI FESTA DA LINGUA A.C.ALMUINHA

ALAMEDA "ROSALÍA DE CASTRO" - 18:00h.

- Contacontos "Codia e Miolo"
- Monicreques A.C. Almuinha
- Livros Viageiros

MULTIUSOS - 20:00h.

- 20:00h: Apresentaçom Livros:
* Ugio Outeiro "Mordida"
* Séchu Sende "Viagem ao Curdistám para apanhar estrelas"
- 21:30h: I Foliada da Festa da Lingua (César Loureiro, Os Chaneiros, O Abeiro, Son de quen son...)
- Ceia (favada)
- Queimada
- Espectáculo com Lume "Laura Naveira"

maio 02, 2013

Campanha pola galeguizaçom dos nomes e apelidos

Desde a A.C. Almuinha informamos que damos comezo á segunda fase da nosa Campaña Pola Lingua cunha “Campaña Pola Galeguización dos Nomes e Apelidos”.

Desde o pasado mes de xaneiro estamos levando a cabo unha Campaña Pola Lingua baixo o título "Em galego todo é possível", dirixida a toda a cidadanía, coa que pretendemos conseguir unha maior sensibilización en relación coa nosa lingua, e que rematará o vindeiro 11 de maio coincidindo coa VI Festa da Lingua. Durante estes meses colocamos un cento de cartaces, uns 200 panfletos, 8 pancartas, tiramos 500 pegatinas, organizamos no V Aniversário da A.C. Almuinha un Acto Pola Lingua, levamos a cabo unha actividade de difusión da poesía escrita en galego ao longo dos séculos (desde o primeiro texto do que se ten constáncia no S. XII até a actualidade).

Como informaramos en xaneiro no comezo da campaña “Em galego todo é possível”, esta era unha primeira fase dun proxecto moito máis amplo e ambicioso, que tería continuidade con campañas máis específicas e concretas, co obxectivo final de avanzar na implantación social do galego en Marín.

 Con esta Campaña pola Galeguización dos Nomes e Apelidos damos comezo, pois, a esta segunda fase da nosa Campaña Pola Lingua. Esta campaña centrarase en publicitar a posibilidade de galeguizar os nosos nomes e apelidos. Debido á dependencia da Galiza, moitos dos nomes galegos –tanto de poboacións como de persoas– viviron un proceso de deturpación e asimilación ao español. O derrogado artigo 54 da Lei do Rexistro Civil, do ano 1957, obrigaba a que os nomes se rexistrasen en español. Os nomes foron substituíndose aos poucos por outros en español e os apelidos, sobre todo aqueles que maior marca de galeguidade posuían, foron tamén deturpándose mesmo até acabaren nun auténtico castrapo.

Compre recuperarmos os nosos nomes e apelidos! O vindeiro Sábado 11 de maio, coincidindo coa VI Festa da Lingua, teremos unha mesa con información en relación cos pasos a seguir para galeguizar o nome e os apelidos. Desde a A.C. Almuinha queremos animar á cidadanía a que dea o paso, que por outra banda é ben sinxelo, así como informar de que ofreceremos toda a información necesaria e asesoramento ante as dúbidas que poidan existir á hora de facer os cambios de nome e/ou apelidos.

abril 20, 2013

Com motivo do 25 de abril, no que se comemora a Revolução dos Cravos em Portugal, a A.C. Almuinha organiza o vindeiro Domingo 28 de abril a partir das 14:00h. um jantar com o lema "Portugal na encruzilhada. Conversas com Bruno Carvalho" para falar da situaçom na que se atopa Portugal, no que contaremos com a presença de Bruno Carvalho, jornalista e militante do Partido Comunista de Portugal (PCP).

Bruno Carvalho colabora com o Diario Liberdade (Galiza), Novas da Galiza (Galiza), Gara (Euskal Herria) e Avante (Portugal); é correspondente de Infozazpi (Euskal Herria) e da Emissora Livre "Al son del 23" (Venezuela); colaborou com "odiario.info" e Resumen Latinoamericano; é activista no movemento portugués "Que se lixe a troika"...

Para participar no jantar tam só é preciso anotar-se antes do 26 de abril no correio a.c.almuinha@gmail.com ou no facebook da A.C. Almuinha. O jantar será moi económico, e o sitio concreto está por confirmar (agardamos confirma-lo em breve), polo que queremos animar à gente a que participe deste evento, que dum jeito mais informal que o dumha palestra permitirá achegar-nos à realidade que está a viver o povo portugués, acosado polas políticas neoliberais que estám a provocar um empobrecemento brutal da classe trabalhadora portuguesa, e que está a ponher ao país contra as cordas, numha encruzilhada.

abril 04, 2013

Em galego podemos !! Tudo é possível !!



A A.C. ALMUINHA DENUNCIA A BAIXA QUALIDADE DO AR EM MARIM.

 Durante o ano 2012 a estação de Marim fez 80 análises da qualidade do ar que respiramos, e em 16 desses 80 dias analisados superaram-se os limites máximos estabelecidos para as partículas PM2,5 (25 ug/m3, microgramas por metro cúbico). Isto não significa que se incumpra a legislação porque os cálculos legais fazem-se sobre o número de dias que se ultrapassam os limites, mas demonstram que existem demasiados momentos de picos de contaminação na nossa vila, que podem desaparecer às poucas horas, e assim não alterar muito a média do dia, mas que podem resultar problemáticos para a saúde das pessoas. Avance informe PARTÍCULAS 2012 (Ramón Varela Díaz).

Sabemos que o maior contaminante do ar são as partículas em suspensão, ainda que o ozono e os óxidos de nitrogénio também afetam à saúde das pessoas. As partículas em suspensão maiores, PM10, quando se inalam, podem depositar-se nos condutos bronquiais e empiorar as patologias respiratórias, mas as partículas em suspensão mais prejudiciais são as finas e ultrafinas, PM2,5, que chegam a depositar-se nos alvéolos pulmonares, chegar ao torrente sanguíneo e ter implicações cardiovasculares e cerebrais –ictus. A OMS reconhece com total seguridade maior mortalidade e morbilidade por efeito das partículas na atmosfera. Mas estas partículas não só afetam à saúde humana mas também têm consequências sobre a meteorologia (visibilidade e chuvas), as plantas (tamponam estomas, interferem na fotossíntese, abrandam ou paralisam o crescimento), os animais (são afetados na mesma forma que aos humanos) e às construções (materiais, tintas...).

Desde Almuinha reconhecemos que em matéria de legislação é a União Europeia a que deve agir e endurecer a normativa vigente, estabelecendo valores mais estritos para o controle dos contaminantes atmosféricos, tal e como reconhece um recente informe da OMS (Organização Mundial da Saúde). E dentro das partículas em suspensão a União Europeia deveria atuar de imediato sobre as PM2,5, pois permitem 25 ug/m3 (microgramas por metro cúbico) de PM2,5, por enquanto a OMS já disse que o umbral de proteção da saúde deveria ser inferior a 10 ug/m3. Mas não podemos deixar tudo nas mãos de uma instituição tão distante, é necessário que as administrações mais próximas também atuem; por isso exigimos que de uma forma contundente e clara tanto o Concelho de Marim como a Junta da Galiza, e no seu âmbito a Autoridade Portuária, façam duas coisas simples para melhorar a qualidade do ar que respiramos:

1º Que Junta e Concelho exijam a retirada do complexo ENCE-Elnosa. Que a Junta pela sua parte não se iniba das suas responsabilidades e emita um relatório negativo sobre a permanência da fábrica na Ria por 75 anos mais e que o Concelho de Marim comunique de forma ativa à pasteira que os vizinhos de Marim não a queremos ao pé das nossas casas a poluir o ar que respiramos consumindo-nos em enfermidades.

2º Que Junta, Concelho e Autoridade Portuária procurem uma solução que evite de uma vez por todas a descarga a céu aberto de mais barcos no Porto de Marim, atividade que ainda está a causar problemas mais graves de contaminação e saúde que a própria ENCE pelas partículas em suspensão que a carga e descarga ao ar livre provocam.

março 25, 2013

O CONCELHO DE MARIM PROIBE À A.C. ALMUINHA COLOCAR FAIXAS DA CAMPANHA "EM GALEGO TODO É POSSÍVEL"



Desde a A.C. Almuinha queremos manifestar a nossa surpresa e indignaçom ante a comunicaçom recebida o passado dia 20 de março na que o Concelho de Marim nom nos autoriza a colocar faixas da Campanha Pola Lingua "Em galego todo é possível", que estamos a levar a cabo desde começos deste ano na nossa vila.


Para a A.C. Almuinha esta comunicaçom supom umha surpresa maiúscula, posto que na terceira solicitude que apresentamos dim-nos que a colocaçom das nossas faixas nom se ajusta aos eventos autorizáveis, mas si nos autorizarom nas 2 solicitudes anteriores. Quere dizer que autorizándo-nos 2 vezes o próprio Concelho incumpriu a Ordenança?


Por outra banda, na comunicaçom recebida di que "A colocaçom de faixas só se autorizará:" e no 4º ponto da comunicaçom di: "Em situaçons que expresamente se sinalem polo Concelho". Entendemos que o Concelho tem a potestade de autorizar, se quere, a colocaçom de faixas, mas depois de 2 autorizaçons, na terceira denégam-nos, polo que entendemos que agora nom quere.

Um ponto que nos gostaria salientar é que estamos a ter um comportamento exemplar nos permisos que solicitamos, tanto de espaços públicos como para a colocaçom de faixas, polo que a surpresa é ainda maior. O passado 8 de março recebemos umha chamada do Concelho de Marim na que nos informavam de que umha faixa que colocaramos na entrada da Alameda de Marim estava parcialmente descolocada e que nom resultava moi atractiva a sua presença nesse estado, polo que nos solicitavam que a repararamos ou retiraramos. Essa faixa foi retirada no mesmo dia, às poucas horas, cumprindo inmediatamente com o que nos pediam.

Desde a A.C. Almuinha tam só podemos entender esta denegaçom como umha represália do Concelho de Marim polas nossas críticas às trapalhadas que fizerom com o tema das subvençons às entidades culturais. Ultimamente estamos assistindo a numerosos espectáculos por parte do governo municipal do PP (trapalhadas na concesom das ajudas às entidades desportivas, às entidades culturais, queima de expedientes, denegaçons de permisos para usar os espaços públicos, intentos de incumprir sentenças judiciais...).

Como umha represália, assi o entendemos e actuaremos em consequência.


Por outra banda, e noutra orde de cousas, o governo municipal do PP que asignou 3 pontos (sobre 5) à A.C. Almuinha polo uso do galego envia-nos umha comunicaçom desde a Avda. de "Orense". Congratulations.

março 20, 2013

A A.C. ALMUINHA APOIA A MANIFESTAÇOM EM DEFESA DA SANIDADE PÚBLICA

Manifestamos o apoio da A.C. Almuinha à manifestaçom convocada manhá 21 de março em Ponte Vedra por SOS Sanidade Pública em defesa da Sanidade Pública e contra a política do PP que promove os recortes e a privatizaçom da sanidade pública, assi como pola defesa do Hospital Único em Montecelo.

Desde a A.C. Almuinha queremos manifestar o nosso apoio à manifestaçom convocada manhá 21 de março em Ponte Vedra por SOS Sanidade Pública em defesa da Sanidade Pública e contra a política do PP que promove os recortes e a privatizaçom da sanidade pública, assim como pola defesa do Hospital Único em Montecelo.
Nom imos repetir argumentos nem motivos, posto que já figuram na própria convocatória e por outra banda som já sobradamente conhecidos pola cidadania galega, por desgraça, mas si que queremos fazer um chamamento aos/às marinenses para que assistam massivamente a esta manifestaçom. A mobilizaçom social é básica para parar as políticas antissociais e antipopulares que está a aplicar o PP, tanto na Galiza como no Estado Espanhol, seguindo fielmente as diretrizes impostas por quem ostenta na realidade o poder, que nom é outro que o gram capital.

A continuaçom enviamos várias das medidas aplicadas polo PP em Sanidade, difundidas pola Plataforma SOS Sanidade Pública, e que justificam a manifestaçom de amanhã.

1.- Introduziram o copagamento dos fármacos dos tratamentos dos pensionistas.
2.- Suprimiram o direito à atençom sanitária de importantes coletivos, como os/as moços/as maiores de 26 anos que nunca cotizaram, as pessoas sem recursos, os/as imigrantes sem papeis, ...
3.- Querem rebaixar a carteira de serviços da Sanidade Pública, polo que haverá que pagar por serviços agora gratuitos.
4.- Pretendem reduzir as urgências e as farmácias no medio rural.
5.- Retiraram do financiamento público mais de 400 fármacos, muitos deles plenamente úteis, como os fármacos contra a diarreia, as hemorroides, ...
6.- Introduziram o copagamento para próteses, cadeiras de rodas, muletas, ou alimentos especiais, assi como na utilizaçom das ambulâncias para traslados nom urgentes para provas diagnósticas, tratamentos contra o cancro, diálise renal ou reabilitaçom.
7.- Paralisaram a construçom do Hospital Único ampliando Montecelo, usando como desculpa que iam construir um hospital totalmente novo em Monte Carrasco, isso sim, com financiamento e gestom privada.

I FOLIADA FESTA DA LINGUA!!!

A A.C. Almuinha organiza o vindeiro Sábado 11 de maio a I Foliada da Festa da Lingua, dentro da VI Festa da Lingua, que tradicionalmente vimos organizando com motivo do Dia das Letras Galegas, e que terá lugar a partir das 21:30h no Multiusos de Marim.

Nesta VI Festa da Lingua cambiaremos um pouco o formato da Festa com respeito a anos anteriores, pois queremos fazer umha Festa da Lingua mais participativa e festiva, polo que queremos animar a tod@s aquel@s que toquedes música tradicional a que venhades com os vossos instrumentos a gozar e participar da Festa.

Todas as pessoas que saiam tocar estám convidadas a cear!!!

Vinde participar da Festa da nossa lingua!!!

Agradeceriamos nos confirmedes a participaçom na Foliada para ir organizando o acto. Vémo-nos na VI Festa da Lingua!

A trapalhada das subvençons em Marim ...


Aqui vai a trapalhada das subvençons às entidades culturais Concelho de Marim. Sem entrar nos detalhes... Almuinha em emprego da lingua galega: 3 "points" (sobre 5)!!!

Autofinanciaçom... No coment! Subjectividade total.

Pomos "points" para que nas vindeiras convocatórias poidam justificar que nom sempre empregamos o galego.




março 12, 2013

A A.C. Almuinha e o Espazo Natural e Arqueolóxico dos Sete Camiños organizamos un roteiro polo Espazo dos Sete Camiños o vindeiro domingo 17 de marzo, que sairá ás 10:00h da Área Recreativa do Monte Pornedo! Conmemoraremos o Día da Árbore. Natureza, Petróglifos, Mámoas, Paisaxe, Lendas..., e máis!

Ven coñecer o Espazo!

A A.C. Almuinha e a comisión técnica do proxecto para a creación do Espazo Natural e Arqueolóxico dos Sete Camiños organizamos un roteiro pola zona do Espazo dos Sete Camiños o vindeiro domingo 17 de Marzo, con saída ás 10:00h da Área Recreativa do Monte Pornedo. As persoas interesadas en participar tamén poden presentarse ás 09:45h na Parada de Autobuses de Marín, a carón da Alameda, para dirixirnos en vehículos ao punto de partida.

Con esta andaina, que será guiada polo arqueólogo e historiador Lukas Santiago (membro da comisión do proxecto dos Sete Camiños), vaise conmemorar por anticipado o Día Forestal Mundial -que se celebrará o 21 de marzo-, facendo unha plantación simbólica de varias árbores en distintos puntos do percorrido. Tamén se repartirán bolsas entre os asistentes para recoller o lixo que se atope polo camiño, colaborando así a manter limpos os nosos montes.

Ademais de sumarnos ás actividades do Día da Árbore e de contribuír ao bo estado dos montes, o obxectivo da A.C. Almuinha é colaborar na difusión do proxecto do Espazo dos Sete Camiños e dar a coñecer as zonas que abarca, fronte ás ameazas que fan perigar a súa conservación, entre as que destaca o proxecto de instalación dun polígono industrial no Monte Pornedo. Así pois, faise un chamamento á cidadanía para participar neste roteiro e gozar da natureza e do patrimonio que ofrece este contorno: flora, fauna, petróglifos, mámoas, paisaxe, lendas...

março 11, 2013

A A. C. Almuinha critica ao concello de Marín por falta de obxectividade na concesión de subvencións culturais


A.C. Almuinha leva traballando máis de cinco anos a prol da defensa da lingua e cultura galega na nosa vila. Tan só en 2008 foi beneficiaria dunha subvención, xa que as de 2009 ficaron sen resolver e no 2010 e 2011 non se convocaron axudas.

En marzo de 2012, o Concello de Marín publica no BOP unha convocatoria de axudas ás asociacions culturais. Os criterios para a adxudicación da axuda son tres: O emprego da lingua. (Ate 5 puntos). Interese xeral das actividades (Ate 5 puntos). Capacidade de autofinanciarse. (Ate 5 puntos).

A.C. Almuinha valoraba que reunía estes criterios, posto que ten por obxecto o fomento da lingua, e o 100% das nosas actividades, así como as nosas comunicacións, tanto internas como externas, son en galego. Sen embargo, a concelleira de Cultura valorou con 3 puntos (sobre 5) fronte a 2 puntos que teñen entidades que presentaron a documentación en castelán e non empregan o galego en ningunha das súas comunicacións.

Ao longo destes anos, Almuinha amosou sobradamente como é quen de ofrecer actividades culturais sen contar con ningún tipo de colaboración, é dicir, capacidade de autofinanciación do 100%. Proba disto son as actividades que xa forman parte da axenda cultural da nosa vila como a tradicional Festa da Lingua ou a Romería da Patria que vimos celebrando anualmente, entre outras moitas. Sen embargo, a nosa puntuación en autofinanciamento foi de 2 puntos (sobre 5)!

Nas declaracións de hoxe na prensa da concelleira de Cultura, Beatriz Rodríguez, afirma que as bases son “practicamente iguais ás que axudas anteriores”. Sí é certo que son practicamente iguais, mais igual de certo é que os criterios de adxudicación son catro con respecto aos anteriores que eran sete, e nas anteriores bases especificábase como se ía facer a puntuación, a diferenza desta convocatoria.

Na nota, ademais, a concelleira destacaba o “máximo respeto ás bases establecidas en todo o procedemento”, sen embargo, hai constancia de que ningunha das entidades beneficiarias das axudas cumprimos os requisitos da convocatoria (Art. 2 Beneficiarias: “asociacións culturais inscritas no Rexistro Municipal de Asociacións e cos seus datos actualizados”); a A.C. Almuinha presentou a documentación no 2009 para a inscripción neste rexistro sen que a día de hoxe recibiramos ningún tipo de comunicación ao respecto. Ademais, algunhas das entidades beneficiarias presentaron documentación insuficiente, como unha fotocopia dun cartel de actividades, dúas entidades presentaron a mesma documentación, algunha outra presentaba documentación de carteis nas que constaba a colaboración da Deputación e logo certificaban que non recibiran ningunha subvención, ou incluso quen é beneficiaria dunha cuantía superior ao 50% do orzamento presentado (algo que non permiten as propias bases da convocatoria).

A Concelleira de Cultura afirmaba igualmente que se comunicara aos colectivos a proposta de resolución, mais as entidades non recibimos ningunha comunicación oficial, agás unha chamada teléfonica dun día para outro na que se nos convocaba a un acto, no que parece ser afirmaron querer “axilizar” os trámites, mais en canto lles preguntaron cando se cobrarían as axudas afirmaron que dependería de Intervención (Art.9. da convocatoria: Xustificación. “O pagamento tramitarase no prazo de dous meses unha vez rematadas as actividades”, ou sexa, teríamos que ter cobrado o 28 de febreiro como moi tarde). E o que é máis grave é que saben que a revisión das xustificacións por parte de Intervención non vai ser rápido...

Por último, gustarianos saber de onde tirou a Concelleira de Cultura que a A.C. Almuinha criticou o “escaso compromiso no fomento da lingua galega por parte da concelleira de Cultura do BNG e a parcialidade na concesión de subvencións” e quixeramos “recordarlle” que o que criticou Almuinha no ano 2011 e no 2012, con ela á fronte do Departamento de Cultura, foi que NINGUÉN do Concello contestase e/ou ofrecese información acerca das subvencións de 2009 (que finalmente quedaron paralizadas) apesares de terlle solicitado unha reunión en innumerábeis ocasións á concelleira de Cultura, Beatriz Rodríguez, e por diversos medios (telefonicamente, por mail e por solicitude por rexistro), e chegando a ter que recurrir ao Valedor do Pobo que nos deu a razón neste senso e “recordoulle” a Maria Ramallo os seus deberes legais (informar, xustificar e contestar) e así, acadamos unha resolución final escrita.

Dende Almuinha, ESIXIMOS AO CONCELLO DE MARÍN QUE RE-VALORE A ADXUDICACIÓN DESTAS AXUDAS ATENDENDO AOS CRITERIOS “OBXECTIVOS” ESTABLECIDOS NA CONVOCATORIA.

março 07, 2013

Irregularidades na concessom de subvençons em Marim por parte do governo municipal do PP





Câmara Municipal de Marim governada polo Partido Popular espanhol
A Associaçom Cultural Almuinha quer manifestar o seu estado de estupefacçom perante a forma na que as ajudas às associaçons culturais da nossa vila foram atribuídas e perante a forma na que pretendem ser comunicadas.

Cremos que o Grupo de Governo entende que a administraçom local que hoje está a gerir é um botim, um botim de guerra onde o ganhador das eleiçons fica com o direito de saquear os recursos públicos no seu benefício, utilizando neste caso o dinheiro destinado ao tecido associativo da vila, que é um recurso de todos os que pagamos impostos, para montar a sua rede clientelar ao mais puro estilo Deputaçom de Ourense.

A AC Almuinha sempre concorreu às ajudas públicas com a máxima transparência, cumprindo escrupulosamente com as normas com as que se dotou o Concelho de Marim; por isso nom podemos entender como agora esta corporaçom municipal esquece toda a ética e política de bom governo e distribui ajudas baixo o critério de ganhar-se ou pagar favores políticos.

Em primeiro lugar, parece-nos inaudito que nós como associaçom, tenhamos que conhecer polos jornais que o processo de atribuiçom de recursos foi resolvido, sem que ninguém do Concelho se dirigisse a nós. Deixamos de lado a questom de que pessoas interessadas nas próprias subvençons sejam parte do jurado que as determina ou que nós como organizaçom cultural comprometida apenas com a defesa da cultura nacional nom tenhamos a máxima pontuaçom na utilizaçom da nossa língua e sim associaçons nas que a utilizaçom do galego é manifestamente questionável por qualquer vizinho de Marim.

Devido a todas estas irregularidades, anunciar que baixo nenhum conceito nos apresentaremos no acto organizado polo Concelho de Marim amanhã no Museu de Marim, negamo-nos a participar no circo montado pola senhora Alcaldesa para limpar a sua imagem rodeando-se de barrigas satisfeitas depois de usurpar os cartos dos marinenses. Todo isto é resultado de uma adjudicaçom cheia de todas as irregularidades possíveis e feita pública da forma mais caciquil, algo que nom merecem uns recursos económicos entendemos que escassos e que são de todos.

Por último, queremos recordar que já no ano passado, o Valedor do Povo deu-nos a razom na nossa queija sobre a falta de transparência do Concelho, algo do que parece que esta equipa de governo nom tirou nota (http://acalmuinha.blogspot.pt/2012/06/valedor-do-povo.html).

fevereiro 20, 2013

Festa polo V Aniversário da A. C. Almuinha !!!

Passarom cinco anos desde aquel 21 de fevereiro de 2008 no que celebramos a assembleia constituinte de Almuinha. 

Neste tempo temos organizado um bom feixe de actividades (palestras, roteiros, Festas da Lingua, cursos, Romarias do Dia da Pátria, abertos de bilharda, magostos, a visita do Apalpador, projecçons), figemos propostas (nome do IES, retirada da simbologia fascista, nomes das ruas, Festas de Marim, propostas aos partidos políticos nas últimas eleiçons municipais...), apoiamos diferentes causas (lingua, medio ambiente, património, serviços públicos, greves...), figemos umha equipa de bilharda e durante 2 anos mantivemos um Centro Social.

Carlos Taibo, Beiras, Calros Solla, Mini e Mero, Leo, Manuel Gago, Lidia Senra, André Pena Granha, Xosé Lois Vilar, Anxo Angueira..., entre outras moitas pessoas, estiverom com nós nestes anos.

Cinco anos nos que, com certeça, cometimos erros, mas durante os quais tratamos de ser fieis aos principios com os que se fundou Almuinha. Principios que, 5 anos depois, queremos reafirmar hoje aqui. A defesa e promoçom da lingua e cultura galegas foi e é o principal objectivo de Almuinha, desde umha perspectiva de Pais que fai que reivindiquemos o direito democrático básico a decidir o nosso futuro como Povo, assi como também desde a procura dumha sociedade xusta que procure um reparto da riqueza que permita viver a toda a humanidade com dignidade.

Estes som os principios que hoje reafirmamos, e sempre tendo em conta, respeitando e garantindo umha pluralidade de visons, seja no referente à norma escrita do galego ou a qualquer outro principio. Pois cremos firmemente que na situaçom actual na que se atopa a Galiza, a unidade e o trabalho em conjunto é o caminho para acadar logros, polo que aproveitamos que hoje está aqui umha boa parte do tecido associativo marinense, para fazer um chamamento a redobrar os esforços de cara a acadar umha maior unidade, umha maior coordinaçom em temas nos que muitas entidades estamos dacordo para multiplicar os efeitos das nossas actuaçons.

janeiro 22, 2013

EM GALEGO TUDO É POSSÍVEL !!

Faixas da campanha em defesa da nossa língua

TEMOS UMHA LÍNGUA DA QUE ESTAMOS ORGULHOSAS !

Dentro da Campanha Pola Lingua que vimos de ponher em marcha imos levar a cabo umha actividade de difusom da sonoridade, musicalidade e a melodía da nossa lingua a través da poesía composta ao longo dos séculos. Em galego tudo é possível!!!

Temos umha lingua da que estarmos orgulhosos!!!

“Ora faz ost´o senhor de Navarra”, de Johan Soarez de Pávia

Polas referências históricas que contém, este escárnio político vem-se considerando como a máis antiga manifestaçom literária galego-portuguesa, datada por volta de 1196 ou 1198.

“Ora faz ost’o senhor de Navarra,
pois en Proenç’est’el-Rei d’Aragon;
non lh’an medo de pico nen de marrra
Tarraçona, pero vezinhos son;
nen an medo de lhis poer boçon
e riir-s’an muit’Endurra e Darra;
mais, se Deus traj’o senhor de Monçon
ben mi cuid’eu que a cunca lhis varra.

Se lh’o bon Rei varrê-la escudela
que de Pamplona oístes nomear,
mal ficará aquest’outr’en Todela,
que al non á a que olhos alçar:
ca verrá i o bon Rei sejornar
e destruir atá burgo d’Estela:
e veredes Navarros lazerar
e o senhor que os todos caudela.

Quand’el-Rei sal de Todela, estrëa
ele sa ost’e todo seu poder;
ben sofren i de trabalh’e de pëa,
ca van a furt’e tornan-s’en correr;
guarda-s’el-Rei, comde de bon saber,
que o non filhe a luz en terra alhëa,
e onde sal, i s’ar torn’a jazer
ao jantar ou se on aa cëa.”

— Versão original, em galego-português, da cantiga

Ora faz ost’o senhor de Navarra, João Soares de Paiva"

APOIAMOS A MANIFESTAÇOM EM DEFESA DA LÍNGUA DO PRÓXIMO DOMINGO 27 EM COMPOSTELA




A A.C. ALMUINHA APOIA A MANIFESTAÇOM EM DEFESA DA LINGUA DO 27 DE FEVEREIRO EM COMPOSTELA

Desde a A.C. Almuinha queremos manifestar o apoio da nossa associaçom à manifestaçom nacional convocada em defesa do galego este domingo 27 de janeiro, e que partirá às 12:00 horas da Alameda de Compostela.

Umha vez mais a cidadania galega tem que sair à rua pra manifestar o rejeitamento maioritário do povo galego à política lingüística galegófoba do PP e pra exigir a derrogaçom do Decreto 79/2010 de Plurilingüísmo, imposto em contra da opiniom de todos os sindicatos, organizaçons estudantís, movementos de renovaçom pedagógica, associaçons de nais e pais da Galiza e da maioría da sociedade galega, e a elaboraçom dumha nova norma que promova e garanta a nossa lingua no ensino e nom a discrimine.

As recentes, e numerosas, sentenças do TSXG declarando ilegais artigos fundamentais do Decreto do Plurilingüísmo fam que seja inevitável a sua derrogaçom. Derrogaçom à que se está a negar o PP, manifestándo-se arrogante e negándo-se baixo absurdas raçons, fazendo que seja mais necesário que nunca a saída à rua.

Como já manifestamos anteriormente, desde a A.C. Almuinha consideramos dumha enorme gravidade que os responsáveis políticos que governam o nosso País sejam reprendidos por nom defender e desproteger a lingua própria da nossa terra, por instancias distintas como o TSXG ou o Conselho de Europa, que também acusa à Xunta do incumprimento da Carta Europeia das Linguas Rexionais ou Minoritárias no seu III Informe emitido a finais do passado ano.

Por último, aproveitamos pra fazer um chamamento á sociedade marinense pra que assista masivamente a esta manifestaçom.

janeiro 11, 2013

Em galego todo é possível !

Desde a A.C. Almuinha queremos informar que começamos umha Campanha Pola Língua que desenvolveremos nos vindeiros meses baixo o lema "Em galego todo é possível".

Esta campanha, que vai dirigida a toda a cidadania marinense, pretende conseguir umha maior sensibilizaçom em relaçom com a língua, e constitui umha primeira fase dum projecto muito mais amplo e ambicioso, que terá continuidade com campanhas mais específicas e concretas dirigidas a sectores concretos da nossa sociedade, e que
terá como objectivo final avançar na implantaçom social do galego em  Marim.

Com esta campanha pretendemos contribuir a reforçar os colectivos galego-falantes convencidos, assim como promover mudanças nas demais pessoas e grupos (galego-falantes nom convencidos, bilingües e espanhol-falantes nom acérrimos).

Se na Galiza a situaçom actual do galego é complicada, vendo-se reflectida nos sucessivos estudos que analisam a evoluçom de uso das línguas, e que demonstram umha contínua perda de falantes de galego, em Marim a situaçom é catastrófica, posto que o processo de substituiçom da língua própria da Galiza polo castelam está muito mais avançado que noutras zonas do País. Nom há mais que achegar-se a qualquer dos parques infantis ou a qualquer escola da nossa vila para perceber-se in situ da gravidade da situaçom: o uso do galego entre as faixas de idade mais novas, que som quem têm que garantir o futuro da língua, é nulo.

Apesar da melhor perceiçom social do galego nas últimas décadas, ainda persistem prejuízos lingüísticos (juízos de valor emitidos sobre umha língua ou sobre os falantes dela com o propósito de provocar o seu rejeitamento) que é preciso desmontar, polo que compre difundir valores positivos associados ao galego.

Pretendemos construir base social para conseguir uma mudança lingüística na nossa vila, sendo conscientes de que é preciso mudar a situaçom e valoraçom do galego e d@s falantes, e que estes câmbios som graduais e parciais.

janeiro 10, 2013

Teatro de Monicreques de Almuinha polo Apalpador o passado 31/12







O Grupo de Teatro da Associaçom Cultural Almuinha no dia 31 de Dezembro de 2012 fez a estreia mundial na Feira de Artesania de Marim de "O conto do Apalpador".  Bom sucesso de público e muita participaçom.