novembro 01, 2015

Palestra sobre ENCE

A A.C. Almuinha organiza este venres día 6 de novembro ás 20:30h. na Biblioteca de Marín unha Charla-Coloquio co tema "ENCE fóra para sempre".

Nestes días deuse inicio a unha campaña co lema "ENCE fóra para sempre" na que participan ducias de colectivos do máis variado, e entre as que se atopa a nosa asociación: organizacións políticas, asociacións ecoloxistas, asociacións de veciños, asociacións culturais...
Desde a A.C. Almuinha organizamos este acto co obxectivo de informar da situación actual do complexo ENCE-Elnosa así como da propia campaña que ven de iniciarse. E para isto contaremos coa presenza de Antón Masa (APDR) e Juan Loureiro (Presidente da FAV Castelao de Pontevedra).
Aproveitamos para convidar a toda a cidadanía a que asista e participe do acto, pois o tema é dabondo importante e atopámonos nun momento de especial importancia de cara a ver como queremos que sexa a nosa ría no futuro máis próximo.