As Asociacións Almuinha e Queremos Galego Marín imos celebrar co gallo do Día da Muller Traballadora, o vindeiro xoves 8 de marzo, un recital colectivo feminino que sirva ademais de para denunciar as desigualdades entre xéneros e a situación das mulleres no mercado laboral, tamén para reivindicar a figura da nosa poeta máis coñecida e recoñecida, Rosalía de Castro, reclamando un espazo público para ela no noso Concello.ACTIVIDADES CONXUNTAS REIVINDICANDO A ROSALÍA!
Recital feminino día 8 de Marzo (Praza 8 de Marzo) a partir das 19hs. no que lerán representantes de diferentes asociacións ao mesmo tempo que se elabora unha faixa colectiva, na que poderán participar todas e todos as/os asistentes. Finalizaremos o acto cun manifesto.
Obradoiro de poesía. Venres 16 de marzo no museo Manuel Torres a partir das 20h00. Impartido polo profesor e escritor Emilio Xosé Ínsua , aquí tendes o seu CV, impresionante: http://bvg.udc.es/ficha_autor.jsp?id=Emi%CDnsua&alias=Em%EDlio+Xos%E9+%CDnsua&solapa=biografia .Aberto a todas e todos as/os que queirades participar.
Palestra "A Galiza de Rosalía", con Anxo Angueira (http://www.prazadasletras.org/letras/autores/autor/32/anxo-angueira). Será o mércores 21 de marzo, Día da Poesía, ás 20hs.
Sem comentários:
Enviar um comentário