A. C. Almuinha

A Cultura Galaica e a Romanizaçom

2012-01-30T08:01:00.002Z

A A. C. Almuinha informa que o vindeiro dia 3 de fevereiro, sexta-feira (venres), organizamos umha palestra com o título "A Cultura Galaica e a Romanizaçom" que terá lugar a partires das 20,30 horas no Salom de Actos da Biblioteca Pública de Marim a cárrego de D. André Pena Granha, Doutor em Arqueologia e História Antiga, e convidamos a assistirem a todas e todos os interessados nas raiceiras mais fondas do nosso Pais.

André Pena Granha (Ferrol, 1955) é um dos historiadores galegos que com máis paixom vive o seu trabalho. Historiador, arqueólogo e arquiveiro do Concelho de Narom, poucos temos coma él para falar com a sua erudiçom do nosso passado, da cultura atlántica que vincula aos nossos antergos com os demais povos das costas ocidentais da Europa desde as Ilhas Orcadas até a façada atlántica peninsular.

Ademais é um dos promotores do Instituto Galego de Estudos Célticos IGEC, sociedade científica estabelecida em 2009, cujo principal objectivo é a promoçom da investigaçom multidisciplinar no campo dos Estudos Célticos na Galiza, norte de Portugal e Europa Atlântica. Também difunde o conhecimento geral da história, cultura e sociedade da Galiza, além do intercâmbio académico e científico e visa recuperar e preservar – em base a informaçons contrastadas – elementos da cultura céltica presentes e visíveis na sociedade galega contemporânea.

O IGEC também fornece serviços de consultoria e assessoramento numa série de áreas, como educaçom, promoçom turística, e gestom do património, entre outros.

Algumas das conferências ministradas por André Pena:
“O celtismo e as origens da Gallaecia”
“Galiza, o berço dos Celtas da Europa Atlántica”
“Caminhos milenários”
“Breogám, Hércules e a Torre de Brigantium”
http://www.ivoox.com/granha_sb.html?sb=granha
Algumhas das suas obras:
Narón un concello con historia de seu, Volume I, II, III. Sotelo Blanco, 1991,
Narón. Unha historia ilustrada na Terra de Trasancos', xunto con Eva Merlán Bollaín e Alfonso Filgueira López. Baía Edicións, 1995
La Pesquera Tradicional de Mareas. Un ejemplo de arqueología industrial. Concello de Narón, Autoridade Portuaria de Ferrol-San Ciprián e Metalurgica Galaica, S.A. 1998.
A orixe dos coutos, das xurisdicións dos escudos e das bandeiras municipais galegas. Narón: Vexiloloxía e heráldica. Concello de Narón, 2002
Santa María Maior de O Val, Narón: Unha Parroquia con Celtas Reminiscencias na Terra de Trasancos. Fundación Terra de Trasancos, 2004.
Santo André de Teixido: O Camiño dos Celtas. Equona 2006.

O GOBERNO LOCAL ATENDE O NOME DAS RÚAS E DESATENDE ÁS ENTIDADES CULTURAIS

2012-01-27T16:02:00.001Z

“Panem et circenses” (“Pan e circo” dicía Julio César para “entreter” a súa “plebe”). Vimos de asistir a semana anterior a un acto con motivo da celebración do cambio de rúas, ao tempo que as entidades culturais levan dende o ano 2010 sen recibir unha axuda por parte do goberno local para desenvolver as súas actividades.

No ano 2010 resolvéronse as subvencións culturais do ano 2008 e dende o 2009 non se volveron convocar esas axudas. Estando na actualidade pendente a resolución do ano 2009 e pendentes de convocatoria os anos 2010, 2011 e 2012.

Dende hai dous meses, A.C. Almuinha leva procurando información ao respeto, mais apesares de dirixirse persoalmente a Intervención, á Consellería de Cultura e facer unha solicitude formal por Rexistro, ninguén da unha resposta, nin sequera unha chamada.

Sen embargo, vemos asombrados/as que apesares de xa levar dous anos mudado os nomes das rúas, a xente ter xa familiarizado/asimilado o cambio, queren respostar ao seu obxectivo “electoralista” dándolles “circo”. Mais, esquecendo que a xente precisa “pan”.

Dende A.C. Almuinha ESIXIMOS unha RESPOSTA INMEDIATA en referencia a esta cuestión, ao tempo que, o remate desta política “propagandística”, que esquece a súa vila e as súas necesidades.

RUA ROSALIA DE CASTRO

2012-01-19T10:59:00.001Z

A A.C. Almuinha quere denunciar que esta quinta-feira, 19 de janeiro, o governo local de Marim, do PP, vai consagrar com toda “la pompa y el salero” ao mais puro estilo Torrente a volta aos tempos de antes.

Era urgente desde o ponto de vista da crise que nos embarga mudar rapidamente o nome da rua da nossa poeta nacional por excelência pelo de um casposo militar; pois todos sabemos que a poesia não ajuda à economia local mas sim as balas e os barcos de guerra. Obrigado senhora alcaldesa porque a sua liderança e presença nestes actos de ressarcimento à família Janer e a sua calada quando não há serviço de ambulância nocturno e no fecho de Factoria Naval demonstram que os votos que a trouxeram ao gabinete municipal sabiam o que realmente é importante.

A senhora alcaldesa, e deve ser uma enfermidade que se apanha no seu partido, pois todos os presidentes de instituições públicas sofrem desta doença, falam muito mas não fazem nada, e são grandes espertos em desviar a atenção para assuntos tão fulcrais como este. Nunca antes na nossa história houve tantos desempregados nas nossas paróquias e nas nossas casas, tantos novos a ir para fora. Mas o importante é enviar mensagens aos navegantes e demonstrar que o revanchismo político é a bandeira com a que a direita se alimenta e trabalha, que há coisas com as que não se brinca e que devem ser como foram toda a vida, vamos como deus manda, com missa e todo como neste caso. Já nos imaginamos à nossa grande alcaldesa vestida de peineta e mantilha bendizendo, com padre incluído, a volta ao status quo.

O estado da política local é uma maldição que as gentes de Marim parece que nos merecemos. O PP, que ganhou as últimas eleições mais por deméritos dos adversários que por méritos próprios, na quinta-feira vai reclamar o que é seu, pois entendem a administração pública como um botim do que há que tirar o máximo partido varrendo para casa sempre que seja possível.

Marim, a 18 de janeiro de 2011

A.C. Almuinha

CABALOS CON PEXAS, CADEAS E CORDAS NAS PATAS NOS MONTES DO MORRAZO

2012-01-17T08:16:00.000Z

Cavalo com pexas em Chao de Gestoso

Enviamos nota de prensa sobre a práctica de pór pexas, cordas e cadeas nas patas dos cabalos nos Montes do Morrazo:

Malia as denuncias feitas nos últimos anos por colectivos ecoloxistas, pro dereito dos animais e persoas a nivel particular aínda persiste a práctica das pexas nas patas de cabalos asilvestrados en réxime de gandeiría extensiva.

No espazo natural dos Montes do Morrazo esta práctica de tortura animal que os propietarios dos cabalos utilizan para controlar a mobilidade do animal e obstaculizar así os seus movementos, segue a verse sen dificultades en Chan de Arquiña, Chan de Xestoso, Chan de Gagán, Chan de Pedras Negras ou no monte Pornedo...

Esta práctica de tortura produce en moitas ocasións malformacións e roturas das extremidades nos cabalos afectados. Asi mesmo a escasa mobilidade e obstaculización nos movementos dos animais provoca en moitos casos a morte do propio animal por atropelos en accidentes viarios, chegando a convertirse nunha trampa mortal en caso de incendio forestal como sucedeu na vaga de lumes do 2006.

Por outra banda estes métodos son ilegais xa que van en contra da Declaración Universal dos Dereitos do Animal aprobada pola UNESCO e a ONU, infrinxindo flagrantemente tamén a Directiva 98/58/CE a nivel europeo e o R.D. 348/2000 a nivel estatal, relativos á protección do animal nas explotacións gandeiras.

Os cabalos teñen unha función ecolóxica moi importante no medio natural, formando parte como especie autóctona da súa biodiversidade e sendo auténticos desbrozadores e abonadores naturais do solo, feito polo que na Plataforma en Defensa dos Montes do Morrazo estamos a favor da súa presenza nos Montes do Morrazo, mais opoñémonos ás prácticas de tortura animal mencionadas.

Aínda que a responsabilidade destes maltratos recae directamente nos propietarios, consideramos que as administracións públicas competentes, concellos e principalmente a Xunta, non deberan tolerar nin ser permisivas con estas prácticas ilegais perseguindo e multando a aqueles propietarios e abolindo de maneira definitiva este tipo de prácticas cara ós cabalos.

O Morrazo 16 de xaneiro de 2012,

Plataforma en Defensa dos Montes do Morrazo
defendeomorrazo.wordpress.com
defendeomorrazo@gmail.com

Novos artigos na nossa página de "Artigos de opiniom"

2012-01-12T16:11:00.000Z

Clicando na ligaçom da direita : Páginas "Artigos de opiniom".

DOCUMENTÁRIO “SETE CAMIÑOS: ENCRUCILLADA DO TEMPO” A SEXTA DIA 13

2012-01-10T10:43:00.001Z

Recolhemos o anúncio desta apresentaçom:

O Teatro Principal de Pontevedra acollerá o vindeiro venres 13 de xaneiro, a partir das 20:30 horas e con entrada libre, a proxección do documental “Sete Camiños: encrucillada do tempo”. Este traballo pretende poñer en valor o importante patrimonio natural, cultural e paisaxístico do espazo dos Sete Camiños, situado nunha estribación da serra de Domaio entre os concellos de Pontevedra, Marín e Vilaboa.

“Sete Camiños: encrucillada do tempo” é unha coprodución da Sociedade Antropolóxica Galega (SAGA) e Faro de Ons Producións. O realizador e arqueólogo Lukas Santiago e mais o antropólogo e economista Rafael Quintía, son os responsables do guión e da dirección deste traballo audiovisual, que tamén conta con João Bieites na realización técnica.

Ao longo de 45 minutos, o documental xustifica a necesidade de conservar os diferentes elementos patrimoniais existentes no contorno dos Sete Camiños, do Monte Pornedo e do Monte Catadoiro: xacementos arqueolóxicos, como mámoas e petroglifos; vestixios etnográficos, como valados, fontes ou restos de antigas canteiras; lendas tradicionais, no eido do patrimonio inmaterial; e elementos naturais de interese, entre os que destacan miradoiros ou formacións rochosas singulares.

Pero tamén alerta das ameazas que destruirían parte do monte comunal das parroquias de Salcedo e Lourizán en Pontevedra, e de San Xulián en Marín, hipotecando as posibilidades de poñer en valor o rico patrimonio deste espazo.

O proxecto de creación do Espazo Natural e Arqueolóxico dos Sete Camiños conta co apoio dunha vintena de colectivos veciñais, sociais e culturais da comarca. O documental que se estrea o 13 de xaneiro ponlle voz e imaxes a un proxecto sustentable que supón unha estratexia colectiva na súa aposta pola xestión racional dos montes, pola revalorización do patrimonio que estes albergan, e por unha visión a longo prazo que garanta unha digna herdanza para as xeracións futuras.

MÁIS INFORMACIÓN: www.espazosetecaminhos.tk
espazosetecaminhos@gmail.com

Nota de imprensa da Plataforma em Defesa dos Montes do Morraço

2012-01-09T08:07:00.000Z

"A XUNTA DEIXA SEN PROTECCIÓN EUROPEA OS MONTES DO MORRAZO

Ante a proposta de ampliación da Rede Natura 2000 feita pública o pasado 21 de decembro pola Consellaría de Medio Rural da Xunta de Galicia, a Plataforma en Defensa dos Montes do Morrazo quere amosar o seu malestar ante a tan cativa proposta que deixa fóra lugares susceptíbeis de pertencer á Rede Natura coma os Montes do Morrazo.

Galicia é un territorio moi rico en hábitats e especies prioritarias de interese europeo o cal non se ve correspondido co seu actual e escaso 12% do seu territorio protexido por Rede Natura. A raquítica proposta elaborada pola Xunta de Galicia só ampliaría o territorio protexido até un 15%, moi lonxe aínda da media estatal, un 27%, e de territorios veciños como Asturies e Castela e León co 29% e 26 % do seu territorio, respectivamente, protexido pola Rede Natura.

A escasa conciencia ambiental da Xunta do goberno do PP reflectida nesta escasa ampliación xunto coa modificación da Lei do Solo para especular co chan rústico, un plan de ordenación do litoral (POL) permisivo, unha Lei de Industria feita ac doc para aprobar determinados proxectos e un Plano Director da Rede Natura que permite proxectos agresivos, como o das piscifactorías, poñen á venda e ao servizo dos intereses privados o territorio galego.

Por outra banda esta pobre proposta de ampliación seguiría provocando que tanto os LIC (Lugares de Importancia Comunitaria) xa aprobados como os novos propostos, sigan aillados dentro das súas proteccións e sen os necesarios corredores naturais que os comuniquen ecoloxicamente, principalmente na franxa litoral, onde a maioría do espazo protexido é superficie marítima.

Un deses espazos naturais necesarios e susceptíbel de pertencer á Rede Natura é o dos Montes do Morrazo que xunto co Carballal de Coiro son os auténticos corredores ecolóxicos existentes na península do Morrazo e que serven de enlace natural cos LIC que existen na comarca, Enseada de San Simón, Costa da Vela e Cabo Udra.

Tanto os Montes do Morrazo como o Carballal de Coiro, na actualidade protexidos como solo rústico de protección de espazos naturais polas normas subsidiarias de planeamento provinciais, conteñen hábitats de interese comunitario e fauna e flora salvaxe como para formar parte desa Rede Natura a nivel europeo. Porén, unha vez máis a Xunta segue sen ter en conta a este espazo, igual que lle sucede a outros moitos, para esa ampliación de espazos protexidos a nivel europeo.

Tal como está a acontecer con outros espazos as causas deste esquecemento por parte da Xunta son os intereses urbanísticos e especulativos que seguen a primar por riba da protección e da conservación dos nosos espazos naturais dentro dun modelo de desenvolvemento claramente insustentábel.

No caso concreto dos espazo natural dos Montes do Morrazo, tal como temos denunciado publicamente con anterioridade, prima por riba da súa protección medioambiental os proxectos do parque eólico en Pedras Negras, os proxectos de parques industriais no Monte Pornedo, na Cruz da Maceira e na Pastoriza e o proxecto de desdobramento do corredor de alta capacidade do Morrazo en autovía.

Malia os múltiplos intereses especulativos e os atrancos que poñan as distintas administracións a Plataforma en Defensa dos Montes do Morrazo seguirá insistindo en que este espazo teña a debida protección esixindo a súa entrada na Rede Natura polo ben do mesmo, da comarca e para que axude a que a patética porcentaxe actual de territorio protexido a nivel europeo se achegue e sexa acorde coa media estatal e europea.

O Morrazo 7 de xaneiro de 2012

Plataforma en Defensa dos Montes do Morrazo"

defendeomorrazo.wordpress.com

defendeomorrazo@gmail.com

O Apalpador de volta em Marim !!!!

2011-12-27T07:57:00.002Z

Por terceiro ano consecutivo, a A.C. Almuinha trae o Apalpador a Marim!!!

A A.C. Almuinha informa que o vindeiro sábado, dia 31 de decembro, o Apalpador percorrerá as ruas da nossa vila a partir das 17:00, acompanhado por vários pandereteiros e gaiteiros, achegándo-se aos parques infantís para repartir alguns presentes aos/às mais pequenos/as.

A continuaçom visitará a Feira de Artesania às 18:00, na rua Rosalia de Castro 32, para fazer a entrega de prémios do concurso de cartas relacionado com o Apalpador organizado por Queremos Galego Marim.

A visita rematará no C.S. Almuinha, onde a partir das 18:30 a nossa associaçom oferecerá uns petiscos para despedir o ano a todas as pessoas que se acheguem. Queremos animar especialmente a todas aquelas pessoas que colaboram dum ou doutro jeito com a A.C. Almuinha ao longo do ano a que participem desta pequena festa na que despediremos o 2011.

O Apalpador é umha personagem mítica galega própria das zonas da alta montanha luguesa (Caurel, Cebreiro, Ancares...). O Apalpador, apalpabarrigas ou pandigueiro, nomes polos quais também é conhecido, vive nas devesas adicado a fazer carbóm e caracteríza-se fisicamente polo seu grande tamanho, viste boina e traje esfarrapado e com remendos, fuma em pipa e aliménta-se com bagas salvagens e os porcos que caza no monte. Ao rematar o ano baixa da súa escura morada para ir visitar os nenos e nenas e chega quando estes estám durmidos, apálpa-lhes a barriga para ver se estám fartos ou se tenhem fame. Se estám cheios di-lhes “Assi, assi esteas todo o ano” e deixa-lhes umha presa de castanhas, se pola contra estám famentos, fica calado e deixa-lhe também umha mancheia de castanhas. Mais o nosso Apalpador também pode fazer agasalhos, mais a diferença doutras figuras desta época do ano som fabricados por el mesmo ou reciclados doutros/as nenos/as, fomentando valores como a solidariedade e a generosidade entre os/as máis novos/as.

Contra os parques industriais em espaço natural protegido no Morraço

2011-12-23T08:16:00.002Z

Publicamos nota de imprensa da Plataforma em Defesa dos Montes do Morraço:

"A PLATAFORMA EN DEFENSA DOS MONTES DO MORRAZO REXEITA OS PROXECTOS DE PARQUES INDUSTRIAIS NO ESPAZO NATURAL PROTEXIDO

Ante a declaración de supramunicipalidade, a comezos de decembro por parte do Consello da Xunta, para o Plan Sectorial de Áreas Empresariais de Galicia e posterior presentación do mesmo por parte do conselleiro de Medio Ambiente, Territorio e Infraestruturas, a Plataforma en Defensa dos Montes do Morrazo quere amosar o seu rexeitamento á construción dos polígonos industriais proxectados neste espazo protexido.

Este plan sectorial pretende construír até 2024 uns 42,7 millóns de metros cadrados repartidos en 119 novos polígonos que se virían sumar aos 19 millóns de metros cadrados dos 213 polígonos existentes en toda Galicia. O desenvolvemento de cada un destes novos parques ficaría condicionado a que existise unha demanda mínima dun 30% dacordo cun rexistro de demandantes.

Mais o que non conta a Xunta é que segundo os datos tirados dapáxina de Xestur, organismo dependente do Instituto de Vivenda e Solo da Xunta que se encarrega de xestionar parte do solo industrial galego, só na provincia de Pontevedra hai até un total 386 parcelas baleiras nos polígonos xa construídos e que suman 1.463.566 metros cadrados dispoñíbeis para todas aquelas empresas que as queiran ocupar sen necesidade de construír novos polígonos.

Este plan prevé tres zonas industriais nos Montes do Morrazo, unha no monte Pornedo de 375.000 metros cadrados, outra na Cruz da Maceira de 460.000 metros cadrados e aínda outra máis na Pastoriza de 1.152.021 metros cadrados que suman un total de case 2.000.000 de metros cadrados a recualificar neste espazo natural protexido polas normas subsidiarias provinciais.

A construción destes 3 polígonos industriais nun espazo natural protexido como son os Montes do Morrazo causaría un enorme e irreversíbel impacto ambiental, paisaxístico e patrimonial nunha área natural de grandes desniveis, na que nacen ríos como o Lameiriña, Loira ou o río da Fraga, e que ademais conta cunha grande e diversa riqueza natural (flora e fauna), xeolóxica e arqueolóxica (mámoas e petróglifos), que en total se verían ameazadas e/ou directamente destrozadas coa construción destes polígonos.

Tamén hai que ter en conta o grande impacto que producirán a construción ou adecuación do viais necesarios para conectar estes polígonos, principalmente a adecuación da estrada PO-313 Moaña Marín, xa planificada no seu momento no Plan Vigo Integra, e que xa fora rexeitada por toda a veciñanza dos núcleos de poboación afectados, Broullón, Miñán e Pardavila. Así como as molestias que causarán o continuo tráfico de camións e o propio funcionamento dos polígonos nestes núcleos e noutros como A Pastoriza, A Fraga máis os da Pena e O Caeiro na parroquia de San Xulián.

A construción destes novos polígonos, co seu grande desembolso económico e impacto ambiental, non son ningunha solución para sairmos da crise. Esta crise non foi causada pola falta de espazo industrial, senón que foi causada pola especulación e voracidade do sistema capitalista, polo que a creación de polígonos industriais non garante que se vaian crear postos de traballo. Estes polígonos xa foran planificados antes da crise, cando prevalecía a especulación urbanística e na que un parque industrial era sinónimo de recualificación de solo rústico a baixo prezo para despois vendelo ás empresas por un prezo moito maior, ficando en moitos casos naves baleiras ou cun uso distinto do industrial pola falta de comprador.

A demanda de solo empresarial e industrial no Morrazo non é real como para xustificar a construción destes 3 novos polígonos como así o demostra a decisión hai un ano da propia Xunta de reducir á terceira parte o proxecto inicial de 1.500.000 de metros cadrados a recualificar, entre os montes de Aldán e Beluso, do Parque Empresarial e Industrial do Morrazo (PEIM) en Castiñeiras, recoñecendo que non existía tal demanda empresarial e que a crise así o condicionaba.

Fronte ao criterio da Xunta do 30% da demanda mínima para desenvolver un polígono, a Plataforma en Defensa dos Montes do Morrazo considera que antes se deben encher os polígonos existentes, xa que aínda non teñen todo o seu espazo ocupado, e o resto da oferta de solo empresarial e industrial, no caso de ser necesaria, debe adaptarse á demanda real apostando por áreas municipais máis pequenas, cunha ocupación total de parcelas, fóra de espazos naturais e protexidos e cun menor impacto no medio.

O Morrazo, 22 de decembro de 2011"
defendeomorrazo@gmail.com
defendeomorrazo.wordpress.com

ADIADA INFELIZMENTE PALESTRA MAS MANTEM-SE O ROTEIRO AO CASTRO DA SUBIDA PARA O SÁBADO !

2011-12-01T22:13:00.009Z

A A. C. Almuinha lamenta informar que a palestra "A cultura galaica e a romanizaçom" que tinhamos previsto celebrar amanhá, 2 de dezembro, foi adiada devido a enfermidade do ponente, o historiador e arqueólogo André Pena Granha.
Desejamos a sua pronta recuperaçom.

Em quanto concretemos umha nova data informaremos.

Por outra banda, mantemos a Saida ao Castro da Subidá para o sábado, a partir das 11,00 h desde a Alameda de Marim.

Saudaçons.

A Cultura Galaica: palestra de André Pena e roteiro com Álvaro Arizaga

2011-11-28T10:14:00.004Z

A A. C. Almuinha informa que o vindeiro dia 2 de dezembro, sexta-feira (venres), organizamos umha palestra com o título "A Cultura Galaica e a Romanizaçom" que terá lugar a partires das 20,30 horas no Salom de Actos da Biblioteca Pública de Marim a cárrego de D. André Pena Granha, Doutor em Arqueologia e História Antiga, e convidamos a assistirem a todas e todos os interessados nas raiceiras mais fondas do nosso Pais. E o sábado 3, no dia seguinte Roteiro ao Castro da Subida com a colaboraçom do arqueólogo marinense Álvaro Arizaga desde a Alameda de Marim às 11h.

André Pena Granha (Ferrol, 1955) é um dos historiadores galegos que com máis paixom vive o seu trabalho. Historiador, arqueólogo e arquiveiro do Concelho de Narom, poucos temos coma él para falar com a sua erudiçom do nosso passado, da cultura atlántica que vincula aos nossos antergos com os demais povos das costas ocidentais da Europa desde as Ilhas Orcadas até a façada atlántica peninsular.

Ademais é um dos promotores do Instituto Galego de Estudos Célticos IGEC, sociedade científica estabelecida em 2009, cujo principal objectivo é a promoçom da investigaçom multidisciplinar no campo dos Estudos Célticos na Galiza, norte de Portugal e Europa Atlântica. Também difunde o conhecimento geral da história, cultura e sociedade da Galiza, além do intercâmbio académico e científico e visa recuperar e preservar – em base a informaçons contrastadas – elementos da cultura céltica presentes e visíveis na sociedade galega contemporânea.

O IGEC também fornece serviços de consultoria e assessoramento numa série de áreas, como educaçom, promoçom turística, e gestom do património, entre outros.

http://www.estudosceltas.org/

Algumas das conferências ministradas por André Pena:

“O celtismo e as origens da Gallaecia”

“Galiza, o berço dos Celtas da Europa Atlántica”

“Caminhos milenários”

“Breogám, Hércules e a Torre de Brigantium”

http://www.ivoox.com/granha_sb.html?sb=granha

Algumhas das suas obras:

Narón un concello con historia de seu, Volume I, II, III. Sotelo Blanco, 1991,

Narón. Unha historia ilustrada na Terra de Trasancos', xunto con Eva Merlán Bollaín e Alfonso Filgueira López. Baía Edicións, 1995

La Pesquera Tradicional de Mareas. Un ejemplo de arqueología industrial. Concello de Narón, Autoridade Portuaria de Ferrol-San Ciprián e Metalurgica Galaica, S.A. 1998.

A orixe dos coutos, das xurisdicións dos escudos e das bandeiras municipais galegas. Narón: Vexiloloxía e heráldica. Concello de Narón, 2002

Santa María Maior de O Val, Narón: Unha Parroquia con Celtas Reminiscencias na Terra de Trasancos. Fundación Terra de Trasancos, 2004.

Santo André de Teixido: O Camiño dos Celtas. Equona 2006.

O professor Carlos Taibo em Marim a vindeiro dia 28

2011-11-20T21:18:00.005Z

A A.C. Almuinha informa que o vindeiro dia 28 de novembro, segunda-feira (luns), organizamos umha palestra com o título "Em defesa do decrescimento". O acto será a partir das 20:00 horas no Salom de Actos da Biblioteca de Marim e contaremos com a presença de Carlos Taibo, professor da Universidade Autónoma de Madrid.

Nas sociedades capitalistas do nosso tempo o discurso neoliberal hegemónico apresénta-nos o crescimento económico como o único caminho posível para garantir a estabilidade do sistema e proporcionar bem-estar social, posto que o crescimento, dim-nos, favorece a criaçom de emprego, melhores serviços públicos... e toda umha série de supostas bondades.

O conceito de Decrescimento questiona tanto a eficácia como a viabilidade do sistema económico actual centrado no crescimento económico. O actual sistema capitalista oferece dúvidas mais que razonáveis em quanto a sua capacidade para oferecer bem-estar e felicidade; e a conservaçom do meio ambiente nom é possível sem decrescer.

Para este ato contamos com a presença de Carlos Taibo, professor titular de Ciência Política e da Administraçom na Universidade Autónoma de Madrid. Tem publicado numerosos ensaios sobre diferentes temas, como as transiçons na Europa central e oriental ("A desintegraçom de Iugoslavia", "Crisis y cambio en la Europa del Este", "Las transiciones en la Europa central y oriental", "El conflicto de Chechenia", "La Unión Soviética de Gorbachov", "Rusia en la era de Putin"...); ou em relaçom com a orde global actual ("Império norteamericano e capitalismo global", "Cien preguntas sobre el nuevo desorden", "Hacia dónde nos lleva Estados Unidos?", "No es lo que nos cuentan. Una crítica de la Unión Europea realmente existente", "Decrescimento, crise, capitalismo", "Movimientos de resistência frente a la globalización capitalista", "En defensa del decrecimiento. Sobre capitalismo, crisis y barbarie")... Participa ativamente nos movimentos de resistência contra o sistema capitalista.

http://www.carlostaibo.com/

Entre as suas obras podemos achar: La Unión Soviética de Gorbachov (Fundamentos, Madrid, 1989), Las fuerzas armadas en la crisis del sistema soviético (Catarata, Madrid, 993), Crisis y cambio en la Europa del Este (Alianza, Madrid, 1995), La transición política en la Europa del Este (Centro de Estudios Constitucionales, Madrid, 1996; en colaboración con Carmen González), Las transiciones en la Europa central y oriental (Catarata, Madrid, 1998), La Unión Soviética. El espacio ruso-soviético en el siglo XX (Síntesis, Madrid, 1999), La explosión soviética (Espasa, Madrid, 2000), La desintegración de Yugoslavia (Catarata, Madrid, 2000), Guerra en Kosova. Un estudio sobre la ingeniería del odio (Catarata, Madrid, 2001), El conflicto de Chechenia (Catarata, Madrid, 2005), Rusia en la era de Putin (Catarata, Madrid, 2006) e Historia de la Unión Soviética, 1917-1991 (Alianza, Madrid, 2010) .

Nos últimos anos se tem interessado por matérias mais gerais, como reflitem as obras: Cien preguntas sobre el nuevo desorden (Suma de letras, Madrid, 2002), Guerra entre barbaries (Suma de letras, Madrid, 2002), ¿Hacia dónde nos lleva Estados Unidos? (B, Barcelona, 2004), No es lo que nos cuentan. Una crítica de la Unión Europea realmente existente (B, Barcelona, 2004), Movimientos de resistencia frente a la globalización capitalista (B, Barcelona, 2005), Rapiña global (Suma de letras, Madrid, 2006); Sobre política, mercado y convivencia (Catarata, Madrid, 2006; en colaboración con el escritor José Luis Sampedro), Nacionalismo español. Esencias, memoria e instituciones (Catarata, Madrid, 2007; libro colectivo), Voces contra la globalización (Crítica, Barcelona, 2008; en colaboración con Carlos Estévez, libro colectivo), 150 preguntas sobre el nuevo desorden (Catarata, Madrid, 2008), Neoliberales, neoconservadores, aznarianos. Ensayos sobre el pensamiento de la derecha lenguaraz (Catarata, Madrid, 2008), En defensa del decrecimiento. Sobre capitalismo, crisis y barbarie (Catarata, Madrid, 2009), Su crisis y la nuestra. Un panfleto sobre decrecimiento, tragedias y farsas (Catarata, Madrid, 2010), Decrecimientos. Sobre lo que hay que cambiar en la vida cotidiana (Catarata, Madrid, 2010; libro colectivo), Libertari@s. Antología de anarquistas y afines para uso de las generaciones jóvenes (Del Lince, Barcelona, 2010), Contra los tertulianos (Catarata, Madrid, 2010), Estado de alarma. Socialismo de casino, izquierda anémica, sindicalismo claudicante (Catarata, Madrid, 2011), El decrecimiento explicado con sencillez (Catarata, Madrid, 2011; con ilustraciones de Pepe Medina), Nada será como antes. Sobre el movimiento 15-M (Catarata, Madrid, 2011), El 15-M en sesenta preguntas (Catarata, Madrid, 2011) y Como si no pisase el suelo. Trece ensayos sobre las vidas de Fernando Pessoa (Trotta, Madrid, 2011).

Em galego tem publicado O castelo de fogos. Nove ensaios sobre o porvir da Europa do Leste (Novo Século, Íria Flávia, 1991), Europa sen folgos (Sotelo Blanco, Santiago, 1994) , A nova desorde internacional (Abrente, Santiago, 1998), Un novo Terceiro Mundo? (Ludus, A Corunha, 1999), A desintegración de Iugoslávia (Xerais, Vigo, 2000), Império norteamericano e capitalismo global (3c3, Santa Comba, 2003), A guerra santa, e petroleira, de Bush filho (Ateneo, Pontevedra, 2003), Os movementos de resisténcia fronte á globalización capitalista (Xerais, Vigo, 2005), Misérias da globalizaçom capitalista (Abrente, Santiago, 2006), Fendas abertas. Seis ensaios sobre a cuestión nacional (Xerais, Vigo, 2008), Parecia não pisar o chão. Treze ensaios sobre as vidas de Fernando Pessoa (AGAL, Ourense, 2010) y Decrescimento, crise, capitalismo (Estaleiro, Santiago, 2010).

Aberto de Bilharda de Santa Maria do Campo

2011-11-04T15:46:00.003Z

Este domingo, no marco das Festas de Sta. Maria do Campo (Marim), a A.C. Almuinha participa, junto com outras associaçons e entidades da nossa vila, na organizaçom de diferentes actividades.

Almuinha vai organizar um pequeno Aberto de Bilharda a partir das 16:00 horas no campo de futsal de Sta. Maria do Campo, para continuar promovendo este jogo tradicional. Assi que já sabedes, vémo-nos lá.

Revanchismo e Jaime Janer

2011-10-28T16:16:00.001Z

Nas últimas semanas estamos a receber o embate dunha parte da sociedade marinense que se resiste a aceitar a normalidade democrática e a mudanza de rexime xá hai mais de 30 anos. E como consecuéncia da chegada ao poder do Partido Popular ao Concello de Marin achan a Rua Rosalia de Castro xá pasou tempo de mais sen o nome de un militar.

Non queremos entrar se Marin deve ou non agradecer a trazida da Escola Naval Militar a esta personaxe, importa-nos mais a actitude de revanchismo político con a que algun dos nosos viciños viven a sua participación nos asuntos públicos. Desde o noso ponto de vista a eliminación do nome de un militar pré-constitucional do noso rueiro local é algo do que a nosa sociedade deve orgullar-se, por iso saímos na defesa da nomenclatura actual da Rua Rosalia de Castro, e lamentamos profundamente que certos axitadores procuren o escudo do Concello en maos do Partido Popular para a voltar aos tempos de antes.

Que o Concello volte à anterior denominación, só vai significar o resurximento do espírito do bando nacional durante a Guerra Civil, que na nosa comarca tanto sofremos, con cuadrillas de delincuentes comuns misturadas con funcionários públicos fazendo mal a quen simplesmente pensava diferente.

Por iso exiximos ao Concello de Marin que sexa capaz de manter o nome da nosa rua e non caia refén dos nostálxicos que pretenden que todo sexa igual a como era durante a sua infáncia. Afortunadamente a nosa sociedade mudou, esperemos portanto que o revanchismo como forma de fazer política non apareza na cena política marinense nunca mais.

Marim a 28 de Outubro de 2011

Apoio à movilizaçom contra ENCE-ELNOSA

2011-10-19T09:50:00.001Z

A A. C. Almuinha de Marim apoia a movilizaçom organizada pola Asociación pola Defensa da Ría de Ponte Vedra que sairá da ponte vedresa Praça da Ferraria às 20,30 h dá próxima sexta-feira (venres) dia 21 de outubro, para mostrar a oposiçom à renovaçom da concessom por parte da Junta de Galiza, das Autorizaçons Ambientais Integradas (AAI), ao complexo industrial contaminante de ENCE-ELNOSA.

Unimos a nossa voz à da Asociación pola Defensa da Ría enquanto a exigir que o actual governo galego nom renove umha concessom aprovada hai três anos polo anterior governo bipartido da Junta em condiçons irregulares porquanto o complexo industrial nom cumpria daquela nem cumpre nesta altura a legalidade vigorante em matéria meioambiental.

Nem cumpre a Lei de Águas Residuais Urbanas nem a Lei de Águas de Galiza. Continua a realizar verquidos contaminantes por acima dos limites permitidos sendo umha ameaça para a saúde das pessoas, da fauna, flora e meio marinho das margens da Ria.

E também é um freio para um outro desenvolvimento racional dos recursos, marisqueiros, pesqueiros, florestais e turísticos.

Convidamos, pois a participar da movilizaçom a todas aquelas pessoas que desejam viver em umha comarca livre de contaminaçom e com futuro desde o ponto de vista económico.

ENCE-ELNOSA FORA JÁ!

NOM Á RENOVAÇOM DAS AUTORIZAÇONS AMBIENTAIS A ENCE E ELNOSA

Sucesso (éxito) do Roteiro dos Sete Caminhos e a conservaçom do Monte Pornedo (Pituco)

2011-10-17T10:22:00.003Z

http://montepituco.wordpress.com/2011/10/15/monte-pituco-poligono-non/

Roteiro dos Sete Caminhos este vindeiro sábado 15 de Outubro

2011-10-12T21:13:00.000Z

A Asociación Cultural Almuinha, en colaboración coa Asociación Cultural A Revira, organiza para o vindeiro sábado 15 de outubro o Roteiro polo Espazo Natural e Arqueolóxico dos Sete Camiños. A saída será ás 10:00 horas da Área Recreativa do Pornedo e a visita ó espazo será guiada por un arqueólogo.

Desta maneira, ambas asociacións queren mostrar o seu apoio ó proxecto de creación deste Espazo Natural e Arqueolóxico no contorno dos Sete Camiños, entre as parroquias de Lourizán, Salcedo e San Xulián, que xa apoian unha vintena de colectivos da bisbarra, e colaborar deste xeito na divulgación da riqueza patrimonial que atesoura.

A instalación da Liña de Alta Tensión (LAT) Lourizán-Cangas e a construción da Variante de Marín en 2003 afectaron ós xacementos arqueolóxicos existentes neste lugar. En 2009 produciuse, con total impunidade por parte da Brilat, a destrución da Mámoa de Louredo. Outras ameazas, como o proxecto do Concello de Marín do polígono industrial do Pituco ou a Franxa de Seguridade da Brilat, fan máis necesario que nunca o impulso a este Espazo Natural e Arqueolóxico para garantir a conservación dos elementos patrimoniais existentes e o seu desfrute por parte da cidadanía.

Coa realización deste roteiro, Almuinha e A Revira queren reivindicar a importancia da conservación dos montes periurbáns das cidades como cintos verdes e zona de esparcemento da poboación, máis importante aínda no caso de Marín, ameazado polo proxecto do polígono do Pituco, e que suporía o encorsetamento da vila entre o porto e o polígono.

E por outra banda, reivindicar a defensa do espazo natural dos Montes do Morrazo, do que forma parte o espazo dos Sete Camiños, denunciando a actitude cínica da Xunta de Galicia, que pretende construír un parque eólico en plena Serra de Domaio, despois de desestimar as alegacións de diversos colectivos ás DOT para que os Montes do Morrazo conservasen a protección como espazo natural, argumentando que xa estaban suficientemente protexidos.

É deber de todos reivindicar a importancia do patrimonio histórico, natural e paisaxístico, e esixir de forma inmediata a recuperación ambiental e patrimonial desta zona, que permita a explotación racional do monte con criterios baseados na revalorización dos seus propios recursos e non na especulación urbanística e na espoliación do noso monte.

Em apoio da sanidade pública em Marim

2011-10-12T10:36:00.002Z

A A.C. Almuinha apoia a manifestaçom da Plataforma em Defesa da Sanidade Pública de Marim que terá lugar esta sexta-feira (venres) dia 14 de Outubro as 20,30 h desde a Alameda de Marim. Convidamos a toda às pessoas conscientes da gravidade da situaçom a manifestar o seu rechaço das políticas anti-sociais implementadas e a mostrar-se em prol de uns serviços públicos de qualidade.

A A.C. Almuinha envía suxerencias ao Documento de Inicio do Procedemento de Avaliación de Impacto Ambiental do parque eólico de Pedras Negras

2011-09-30T15:53:00.008Z

A A.C. Almuinha, colectivo integrante da Plataforma en defensa dos Montes do Morrazo, vén de presentar ante a Consellaría de Medio Ambiente, Territorio e infraesturas unha serie de suxerencias e comentarios ao Documento de Inicio do Procedemento de Avaliación Ambiental do proxecto de parque eólico de Pedras Negras que afecta aos Montes do Morrazo.

comentario

Aberto de bilharda este sábado 24 de setembro

2011-09-20T17:14:00.002Z

Este sábado 24 de setembro a A.C. Almuinha, a A.C. Ronsel e o Concelho de Marim organizamos um Aberto de Bilharda de Pretempada que terá lugar a partir das 17:00 horas na pista que hai na Barriada Virgem do Carme (Suboficiais). A inscriçom será a partir das 16:30 horas (de balde), e será o último Aberto de Pretempada antes do começo da Liga Nacional de Bilharda (LNB-Sur) que terá lugar o vindeiro sábado 1 de outubro.

Desde a A.C. Almuinha, continuamos outro ano mais com a promoçom deste jogo tradicional galego, polo que queremos animar a todas aquelas pessoas que o desejem a vir jogar, sendo a inscriçom de balde, e aberta a todas as idades.

Por outra banda, aproveitando este evento, a A.C. Almuinha vai dar começo a umha série de jornadas gastronómicas, que terám lugar ao longo de todo o ano. Nesta ocasom, o menú será churrasco, ainda que também haverá menú vegetariano, sendo precisso anotar-se previamente no correio da associaçom ou por telefone (666 14 52 09). O jantar terá lugar no C.S. Almuinha o sábado 24 de setembro a partir das 14:00.

Almuinha apoia a manifestaçom desta sexta feira 16 em contra do recurte do serviço de ambulancias

2011-09-14T11:06:00.003Z

Desde a A.C. Almuinha queremos manifestar o nosso apoio à manifestaçom que a recentemente constituida Plataforma em Defesa da Sanidade Pública de Marim convoca esta sexta-feira, 16 de setembro, na nossa vila, para protestar polo recurte do serviço de ambuláncias.

Consideramos que este recurte nom é um facto ailhado. Nos últimos meses estamos a ver como continuamente os direitos da inmensa maioria da populaçom som atacados baixo a xustificaçom da actual crise do sistema capitalista. Por todas partes se nos repite, umha e outra vez, a necesidade de seguir o gram principio do momento, que é a austeridade, mentres o gram capital continua recebendo ajudas e beneficios do poder político, garantindo assi os seus grandes lucros, lonje de qualquer tipo de austeridade. Austeridade e sacrificios para a maioria da populaçom (que nom criou a crise actual) e ajudas e beneficios para ums poucos (entre outros, para @s responsáveis da crise actual).

Pouco importa que seja o governo espanhol ou o galego, que seja o PP ou o PSOE, já que ambos partidos hai moito tempo que venhem demostrando que estám ao serviço dos intereses dos grandes empresários e do gram capital contra os da inmensa maioria da populaçom, governando para o mercado e nom para a cidadania. O governo espanhol (PSOE) já nos amosou um bo feixe de casos a este respeito nos últimos tempos (reforma laboral, reforma das pensons, reforma da negociaçom colectiva, eliminaçom de ajudas sociais...) mentres o governo galego (PP) nom fica atrás e leva um par de anos aplicando o seu "plam de austeridade" e presumindo de que vamos à vangarda do estado espanhol neste senso; plam de austeridade que nom significa outra cousa senom a perda de direitos da maioria da populaçom (sanidade, ensino, protecçom da lingua, políticas sociais...).

É neste contexto que temos que ver esta nova medida, e nom como um facto ailhado, mais ou menos acertado dum político concreto. É o resultado da aplicaçom estricta das políticas neoliberais levadas a cabo tanto por PP como por PSOE, partidos que governam para satisfazer os mercados, mentres para satisfazer à cidadania empregam a demagogia e a mentira.

Nestas últimas semanas estamos a ver como o governo galego está a "reorganizar" serviços públicos como o ensino e a sanidade para, supostamente, garantir a sua viabilidade no futuro. Baixo este eufemismo ("reorganizar") atópa-se umha política destinada ao desmantelamento dos serviços públicos, que persegue a entrega dos mesmos ao sector privado, ainda que seja passo a passo, e com certa discreçom, já que a entrega inmediata e descarada seria imposível pola presom popular.

No referente à sanidade, em Marim temos várias questons importantes. Por umha banda, assistimos ao recurte do serviço de ambuláncias, serviço necesário para a nossa vila, como se desprende dos dados obxectivos dos serviços feitos pola ambuláncia. A eliminaçom deste serviço vai provocar, contra o que afirmam desde a o governo galego, umha merma na qualidade do serviço, posto que ao vir de fora de Marim a ambulancia tardará mais tempo em chegar ao lugar requirido e aumenta a ratio de ambuláncia por populaçom. Por outra banda, temos também na agenda o futuro Centro de Saúde de Marim e o novo Hospital de Ponte Vedra, projectos que vam na linha da privatizaçom da sanidade.

A cidadania nom pode ficar impasível ante este novo ataque frontal,e nom será o último, contra os direitos acadados tras décadas de loita, neste caso contra a sanidade, polo que consideramos imprescindível umha resposta contundente e masiva d@s marinenses nesta sexta-feira, que amose o rejeitamento popular ante estas medidas.

Mençom a Almuinha a respeito da reclamaçom da nom a supressom do serviço nocturno do 061 em Marim em "O Xornal"

2011-08-26T10:04:00.000Z

CONTRA OS RECURTES NO SERVIÇO DO 061

2011-08-24T06:49:00.002Z

A A. C. Almuinha de Marim manifesta o seu recusamento à reduçom de perto do 30% no serviço de ambulâncias urgentes do 061 e a correspondente destruiçom de postos de trabalho que afectará Marim ademais doutros concelhos.

O caso de Marim é muito grave por que o recurte é do 50% passando de 24 a 12 horas, ficando sem quenda nocturna e tendo em conta que se tratar de um serviço totalmente justificado pola sua ampla demanda: o passado 2010 prestou 2.100 atençons o que supera à doutras localidades nom afectadas pola medida. Ademais a ambulância de Marim reforça a assistência prestada em Ponte-Vedra e a doutras zonas limítrofes e atende também ao importante porto de Marim com um elevado nível de sinistralidade laboral.

Especialistas médicos consultados diretamente advirtem-nos que, em caso de umha doença grave que precisse de atençom imediata, como um ictus (acidente vascular cerebral AVC), infartos de miocárdio, acidentes de trânsito, etc, a demora na aplicaçom dos protocolos médicos de atençom urgente pode derivar em conseqüências importantes para o doente, polo que as autoridades da conselharia poderian mesmo chegar a incurrir indiretamente em negligência com resuldados fatais.

Nom estám a calcular diligentemente as possíveis conseqüências de umha decissom enquadrada nas medidas de precarizaçom dos serviços públicos básicos, sanidade e ensino, dos que a nossa sociedade nom pode prescindir e cujo financiamento mantemos tod@s com os nossos impostos.

A grave crise financeira internacional que está a gerar umha profunda e mantida recessom no ámbito real da economia, o peche de empresas e desemprego pola queda do crédito e do consumo, e que se perfila como de alcanço ainda impredizível, está a ser aproveitada polas agências de qualificaçom financiera dos EEUU. Primeiro criam a doença qualificando à baixa a solvência dos estados para que o seu endividamento tenha que suportar o pagamento de maiores juros em um ciclo sem saida que situam aos estados como refens das políticas que as mesmas agências propugnam para conceder-lhes melhores rátios de solvência.

Políticas que passam por enfraquecer o sector público com a baixa do seu gasto em serviços sociais ou a sua privatizaçom. Quem ganha? As grandes corporaçons empresariais com sede nos EEUU e paises ricos da Europa que esperam como aves de rapina para poder concorrer no mercado desses serviços com a sua oferta privada, resolvendo assi a queda do lucro que sofrem nos sectores mais afectados pola crise e a restriçom do crédito.

Todo um asalto aos estados de bem-estar social que se convirtem em meros títeres das grandes companhias multinacionais, mais grave ainda no Estado espanhol, cujas despesas sociais à respeito do seu PIB som das menores de Europa.

Este é um dos mecanismo que o capitalismo deste século XXI experimenta para poder sobreviver sem optar por implantar umha maior progressividade fiscal e reducir despesas em propaganda política e institucional, punir fiscalmente os movimentos financeiros especulativos, reduzir as despesas em defesa e armamento, combater decididamente o fraude fiscal das grandes empresas, etc.

A passada quinta-feira (xoves) dia 18 na reuniom entre os representantes dos trabalhadores e os grupos políticos com representaçom no Concelho de Marim, a presidenta da câmara municipal, Sra. Ramallo, mostrou o seu rejeitamento à medida da Junta. Agora está por ver se manterá firme o seu compromisso da defesa deste serviço ante os responsáveis da conselharia pertencentes ao Partido Popular no que ela milita.

Por outra banda, queremos manifestar também o nosso apoio aos trabalhadores e trabalhadoras que estes dias estam a recolher assinaturas em contra da medida tomada pola Xunta assim como fazer um chamamento à todos os e as marinenses para participar na concentraçom convocada para esta sexta feira, 26 de agosto, às 20:30 diante do concelho de Marim.

Contra as touradas espanholas a manifestar-se este sábado 13 !!!

2011-08-09T10:08:00.000Z

Recolhemos o manifestado pola Coordenadora Antitouradas de Ponte Vedra:

"Por cuarto ano consecutivo vai ter lugar a xa tradicional manifestación antitouradas, que baixo o lema “Touradas fóra de Pontevedra” e froito da dinámica asemblear e unitaria iniciada no ano anterior levará ás rúas da cidade a oposición á barbárie taurina e a demanda da abolición da tauromaquia. Será o sábado 13 de Agosto ás 20h con saída e remate na praza da Peregrina.

As touradas están baseadas na tortura, a dor e o ensañamento do touro. Transmiten valores negativos, como o uso inxustificado da violencia, o desprezo cara os dereitos dos animais, o goce coa tortura e o maltrato animal. Segundo a Declaración Universal dos Dereitos dos Animais, artigo 11:”todo acto que implique a morte dun animal sen necesidade é un biocidio”.

As tradicións deben funcionar como soporte do que nos define, mais tamén do que esperamos do futuro. Aquelas que están sustentadas na violencia e no aniquilamento non fan máis que perpetuar comportamentos que deben ser rexeitados da sociedade.

Ademais, para os galegos e galegas, as touradas non teñen nada que ver coa nosa historia nen coa nosa cultura, chea de tradicións populares que esmorecen e que sí son dignas de recuperación.

As temporadas taurinas, as escolas e as gandarías son financiadas con diñeiro público que tamén pagamos as galegas e os galegos, que somos os que menos interese temos nas touradas en todo o Estado.

Segundo diversas enquisas, o 90% consideramos que a tortura dos animais como diversión debe ser suprimida, e a inmensa maioría da poboación nunca asistimos nen asistiremos a unha corrida de touros.

Eliminar as touradas non é unha utopía, como demostran os casos de Catalunya e de Canarias.

Por todo isto demandamos:

1. O cese inmediato de axudas encobertas ás touradas por parte de todas as Institucións Públicas, nomeadamente a Deputación de Pontevedra, principal soporte público na nosa cidade.

2. Que o Parlamento de Galiza modifique a Lei 1/1993 de Protección de Animais Domésticos ou Salvaxes en Cautividade, que exclúe no seu artigo 5º as touradas, para que prohíba estas actividades.

3. O cese de uso de espazos públicos para a promoción das touradas, así como a supresión dos programas das festas editados polo noso Concello.

4 A Declaración de Pontevedra como “Cidade Antitouradas e amiga dos animais”

5. A reconversión da Praza de Touros nun Coliseu para espectáculos culturais e concertos."

Homenagem a Xan Montenegro

2011-07-29T07:27:00.001Z

Cartaz do acto de homenagem a Xan Montenegro

Hoje, sexta feira (venres) dia 29 de Julho terá lugar umha homennagem a Xan Montenegro, nacionalista galego de Marim, que ademais da sua actividade em prol da nossa cultura e a sua actividade política nacionalista tem particiapado e colaborado en numerosas actividades da nossa associaçom nos mais de três anos que levamos de andaina.

Queremos manifestar o nosso pesar polo seu falecimento e a nossa grata lembrança desta pessoa boa e generosa, que som as que fam que ainda conservemos a esperança de umha Galiza melhor.

Convidamos a todas e todos a participardes do acto que terá lugar esta tarde na Granja de Briz.

Crónica da romaría polo Día da Patria

2011-07-24T16:41:00.007Z

Arredor de 35 persoas participaron este sábado 23 de xullo na romaría polo Día da Patria que organizamos a A.C. Almuinha coa A.C. Revira de Pontevedra.

As condicións climáticas marcaron o ritmo dunha xornada que se presentaba repleta de actividades mais que houbo que suspender polo perigo para os e as participantes.

O forte vento do norte sempre presente fixo que xa no venres 22 se tomara a decisión, por parte dos monitores do Clube de parapente do Morrazo, de suspender a saída en parapente polos Montes do Morrazo para a que xa se inscribiran 6 persoas.

Tamén o vento e un mar moi picado pola mañá fixo que após unha primeira saída en dorna á ría os membros do Grupo Cultural o Ronsel decidirán polo evidente perigo para os e as participantes suspender as restantes saídas ficando en terra e sen disfrutar do mar un grupo numeroso de persoas.

O que o tempo non puido impedir a pesares da calor foi que máis de 20 persoas fixeran en dúas quendas o roteiro por parte da costa marinense, puidendo gozar coas fermosas vistas da ría e os cantís..

Con algo de retraso, ás 14:30, deu comezo o xantar na casa de Cultura de Seixo onde a xente alén de comer, disfrutou dunha agradábel conversa até as 18h para a seguir ir darse uns baños a unha ateigada de xente praia de Aguete.

Queremos agradecer especialmente desde a nosa asociación a desinteresada colaboración do grupo cultural o Ronsel que recentemente perdeu a un dos seus socios, Xan Montenegro, que ten partipado en edicións anteriores da romería que organiza a A.C. Almuinha polo Día da Patria.

Manifesto conjunto da A.C. Almuinha e a Revira polo Dia da Pátria

2011-07-22T15:47:00.000Z

As associaçons culturais abaixo assinantes desejamos fazer pública a nossa posiçom sobre a situaçom da Galiza na altura de um novo Dia da Pátria.

MANIFESTO POLO DIA DA PÁTRIA 2011

As associaçons culturais abaixo assinantes desejamos fazer pública a nossa posiçom sobre a situaçom da Galiza na altura de um novo Dia da Pátria.

Mais um ano a Galiza segue a ver negados os seus direitos colectivos como povo, como naçom e isto impossibilita também que as galegas e galegos podamos exercer plenamente os nossos direitos como cidadàs e cidadaos de um pais livre e democrático.

É absolutamente imprescindível para garartirmos um futuro viável a consecuçom do respeito ao nosso direito à autodeterminaçom nacional. O respeito à capacidade de decissom do Povo Galego para que poda reger os seus destinos sem ingeréncias estrangeiras.

A nossa liberdade nacional será a condiçom sine qua non poderemos defender os nossos interesses como povo e como trabalhadoras/es. Ante a involuiçom social, que a oligarquia espanhola e os seus esbirros galegos, como agentes do terrorífico neoliberalismo imperialista global, que provoca a perda dos direitos sociais conqueridos com muitos esforços no último século, o desartelhamento dos serviços públicos essenciais e o freio às reivindicaçons das naçons sem estado, só podemos agir de jeito eficaz na percura da nossa soberania nacional. Outros vieiros que percuram a reforma do Estado espanhol e o aperfeiçoamento do modelo estatutário para o nosso Pais têm fracassado rotundamente.

A teima no estatutismo é um grave erro. O estatuto de autonomia nom resolveu os nossos problemas durante as suas três décadas de vigência. Desde o século XV, o “estado espanhol” experimentou diversos modelos políticos e transformaçons, mas baixo nenhum desses regimes lhe foi permitido a Galiza optar polo exercício da sua liberdade.

O estatuto de autonomia nom nos serve. Nem o vigorante nem o que poda emanar de umha reforma pactuada entre forças alheias á Galiza. É um engado, um querer postergar o inevitável: que a cada povo lhe corresponde poder exercitar a sua soberania nacional.

Denunciamos também as políticas contra a economía, o meio ambiente e a cultura e contra a classe trabalhdora da Galiza que perpetram os governos da Junta de Galiza e o governo espanhol.

Ademais nom queremos esquecer neste 25J ao Povo irmao de Portugal e outros como a Grécia, Irlanda, etc que estám a atravessar por umha muito crítica situaçom económica e social a causa dos extertores de um poder económico que, ante a grave crise financeira no próprio cerne do sistema capitalista, opta por esmagar aos mais febles para ver de sobreviver, chuchando os poucos recursos que lhe quedam aos trabalhadores/as e aos povos mais pobres. Solidarizamo-nos assimesmo com às naçons sem estado como o Saara, Palastina, Kurdistam, Euskal Herria, Paises Catalans, Bretanha, Escócia, Gales, Córsega, etc, que ademais da nossa percuram a sua liberdade.

Convidamos a todas e todos os que sintem no seu coraçom a Galiza a participar no actos convocados por parte das distintas associaçons e organizaçons nesta data de festa e reivindicaçom.

A. C. REVIRA DE PONTE VEDRA – A. C. ALMUINHA DE MARIM

Programación para a IV romaría día da patria o sábado 23

2011-07-20T08:30:00.005Z

Tal como informamos neste blogue con anterioridade este sábado 23 de xullo a A.C. Almuinha e a A.C. Revira organizamos a IV Romaría polo Día da Patria en Marín. O programa de actividade é o seguinte:

10h. Saída en embarcacións tradicionais. A saída nas embarcacións tradicionais do Grupo Cultural o Ronsel, que un ano máis nos presta a súa axuda para esta actividade, terá lugar desde o porto de Aguete. Haberá varias quendas saíndo tamén as embarcacións pola tarde despois do xantar.

10h. Roteiro Aguete Illa do Santo pola costa. O roteiro que sairá desde o porto de Aguete pasará por detrás do Montecelo, polo núcleo costeiro de Loira coa súa fermosa praia para a seguir adentrarnos nun camiño que transcorre polo monte da Cova que nos permitirá ver a costa e uns fermosos cantís até chegar á praia da Ribeira e do Santo onde enfrente se atopa a Illa do Santo do Mar tamén coñecida como San Clemente. Polo camiño tamén poderemos observar os graves efectos do incendio no monte da Cova ocorrido o verán pasado.

10h. Saída en parapente. Desde Chan de Arquiña (máis concretamente desde Pedras Negras) haberá varias quendas para voar en parapente, a aterraxe será en Santa Cristina de Cobres e o custe da actividade será de 40€ por persoa. As persoas que participen recibirán antes de voar unha pequena explicación por parte dos monitores sobre o manexo do parapente. Aínda que a saída é en biprazas cun monitor se as condicións de vento o permiten os e as participantes poderán manexar o parapente.

14h. Xantar popular. Despois das actividades da mañá haberá un xantar a base de churrasco, ensalada rusa, café, licor café ou alternativa vexetariana. Para asistir ao xantar que custa 10€ é necesario reservar con anterioridade no correo a.c.almuinha@gmail.com ou ben chamando ao teléfono 606595310.

Fóra monarquía e exercito español da Galiza

2011-07-15T21:24:00.001Z

A A.C. Almuinha quere facer público o seu rexeitamento á visita de calquera dos membros da familia real española o vindeiro sábado 16 á Escola Naval Militar de Marín para o acto da entrega de despachos aos guardamarinas coñecidos popularmente en Marín como capullos.

Rexeitamos esta visita e a institución que representa a monarquía por nos parecer unha figura a do rei máis propia de séculos pasados que dunha democracia do século XXI que se autodenomine como tal mais tendo en conta a historia recente. Unha persoa que saltou ao seu pai na liña de sucesión ao trono, que foi educado por un fascista coma Franco, que xurou os principios do movemento e vai polo mundo dicíndolle a presidentes democraticamente elexidos que calen a boca non nos parece a persoa máis acaida para exercer a xefatura de ningún estado. Estado ademais coma o español que nega o dereito dos pobos que o integran, entre eles o galego, o dereito democrático máis básico de calquera pobo a decidir libremente o seu futuro.

Rexeitamos á figura do rei ademais de polos motivos ideolóxicos máis evidentes e repetidos en contra desta e de calquera outra monarquía tamén por motivos económicos porque nun momento de crise como o actual consideramos unha indecencia manter a unha persoa non elexida por ninguén e a toda a súa familia co noso suor simplesmente por levar un apelido ao nacer.

Parécenos unha burla e indignante que os ingresos medios no ano 2009 (últimos datos coñecidos) dunha familia galega foran de 24.120€ (2010€ por mes) e que cada vez haxa máis familias en risco de pobreza mentres unha familia, a dos Borbóns, recibira no mesmo ano 2009 e no 2010 8,896.920€ e que a pesares da profunda crise e recortes sociais e laborais que está a sofrer toda a cidadanía neste 2011 recibiran este ano 8,434,280€ e cos gastos como conservación dos seus palacios, parque móbil e viaxes entre outros pagados cos nosos impostos.

A A.C. Almuinha é tamén unha asociación contraria ao militarismo declarándose pacifista e é por iso que rexeita a existencia de exercitos e xa que logo tamén a presenza por máis tempo da escola naval militar en Marín por ser un centro de entrenamento e instrución onde se prepara aos futuros mandos da armada española para ocupar e expoliar os recursos doutras nacións ademais de asegurar a integridade do estado español tal como di o artigo 8 da constitución española.

Tal como propúñamos no decálogo de propostas presentado en marzo aos distintos partidos que se presentaban ás eleccións municipais volvemos reiterar a nosa petición de que se comecen a dar pasos por parte do noso concello para o desmantelamento deste recinto militar que ocupa un amplo espazo do noso concello e que debería pasar a ser propiedade do pobo. Así como amosamos tamén o noso apoio aos veciños e veciñas de Salcedo que neste mes teñen comezado un xuízo en contra da base militar de Figueirido por usurpación dos terreos da comunidade de montes de Salcedo. Lembremos ademais que a propia base ao construír unha aldea afgana para adestrar combates e formas de destrución en Afganistán tamén destruiu a mámoa de Louredo catalogada por patrimonio.

23 de xullo IV Romaría Día da Patria

2011-07-10T09:41:00.004Z

O vindeiro 23 de xullo, por cuarto ano consecutivo desde o seu nacemento, a A.C. Almuinha conxuntamente coa asociación a Revira de Pontevedra organizan unha serie de actividades para celebrar de xeito anticipado o Día da Patria Galega.

Un ano máis coa colaboración do grupo cultural o Ronsel os e as asistentes poderán disfrutar dun paseo pola ría nas embarcacións tradionais coas que conta esta asociación. As saídas que serán organizadas por quendas segundo o número de persoas comezarán ás 10 da mañá desde o porto de Aguete. Haberá saídas tanto pola mañá como pola tarde para garantir que todas as persoas que así o desexen poidan disfrutar da magnifica oportunidade de navegar como o facían os nosos antepasados.

Tamén como en anos anteriores haberá un roteiro que sairá desde o porto de Aguete até a Illa do Santo pasando pola praia de Loira. Polo camiño os e as participantes poderán disfrutar dunhas magnificas vistas da ría e dos cantis da costa marinense. Tamén poderán comprobar as consecuencias do incendio intencionado no monte da Cova que houbo o verán pasado.

Cubertos o mar e a terra este ano na A.C. Almuinha tamén nos propuxemos conquistar o ar, así o propio sábado 23 ás 10 da mañá hai organizada unha saída en parapente que conta coa colaboración da asociación Parapente Morrazo e que ten un custe de 55€ por persoa. A saída será desde Chan de Arquiña, máis concretamente de Pedras Negras, lugar onde a Xunta pretende instalar un parque eólico para Enel Power Green que terá un grande impacto tanto visual como ecolóxico nun espazo protexido como son os Montes do Morrazo.

Despois de tanta actividade é preciso parar para repor as enerxías necesarias para continuar pola tarde e para iso haberá un xantar a base de churrasco, ensaladiña, sobremesa, café e licores ou menú vexetariano por 10€. Para participar no xantar ou na saída en parapente será preciso reservar con antelación pasando polo local social co que conta Almuinha na rúa Rosalía de Castro nº 46 ou ben enviando unha mensaxe ao correo a.c.almuinha@gmail.com ou chamando ao 606595310.

PP começa a despreçar a nossa língua

2011-07-06T15:44:00.000Z

No passado mes de março a A.C. Almuinha remitia a todos os partidos que se apresentavam às eleiçons um decálogo com umha serie de medidas que na nossa associaçom consideravamos importantes. Entre as nossas propostas atopavam-se umha série de medidas em relaçom ao galego e ao seu uso por parte do concelho.

Pasado já quase um mes desde a toma de posessom do novo governo municipal do PP queremos manifestar a nossa grande preocupaçom com o rumo que começa a tomar o governo a respeito do galego o que nos fai pensar que os vindeiros anos ham ser muito duros para acadar a plena normalizaçom da nossa lingua.

A difícil situaçom na que se atopa o galego no nosso país nom a vamos descubrir nem anunciar nós; som muitos os informes e estudos que reflictem este facto obxectivo, realizados por entidades como o Conselho da Cultura Galega ou a Real Academia da Língua entre outras, que coincidem em revelar umha constante perda de falantes ano tras ano. Mas em Marim nom precisamos nem tam sequera ir à procura destes informes e estudos, que a través dos frios números amosam umha realidade dramática. Tam só fai falha dar um passeio polos parques infantís ou colegios da nossa vila e contar o número de nenos/as que empregam a nossa lingua.

Mas esta situaçom nom parece afectar nem preocupar a um sector, minoritário mas poderoso, da nossa sociedade, que ancorado em posturas de tempos passados, nos que se via ao galego como umha língua de atrasso e pobreça, continua olhando para outra parte mentres o tempo continúa realizando a desfeita, ou directamente se implica na sua subordinaçom com respeito ao castelám ou incluso nalguns casos minoritários apostando diretamente pola sua eliminaçom.

Neste pequeno espaço de tempo já tivemos a oportunidade de ver como no pleno de toma de posessom, tam só um dos membros do governo local empregou a lingua galega, mentres os outros 7 o faziam em castelám, incumprindo assim a legislaçom vigente no que se refire ao uso da lingua galega polos cárregos eleitos (Estatuto da Galiza; Lei 3/83, de Normalizaçom Lingüística, que no seu artigo 6.3 estabelece que "Os poderes públicos de Galicia promoverán o uso normal da lingua galega, oralmente e por escrito, nas súas relacións cos cidadáns.", e no artigo 25 "O Goberno galego e as Corporacións locais dentro do seu ámbito fomentarán a normalización do uso do galego nas actividades mercantís, publicitarias, culturais, asociativas, deportivas e outras."; Lei 5/1998, do uso do galego como língua oficial polas entidades locais; e ainda os acordos plenários do Parlamento Galego, já com o PP no governo galego, em julho de 2009 e fevereiro de 2010), e o que é peor, amossando qual é a sensibilidade do novo governo municipal em quanto à lingua, e o que nos agarda.

Mas nom é o único caso, posto que estes dias podemos ver polas ruas de Marim um cartaz no que se anuncia a realizaçom dum torneio de futebol-7 e no que colabora o "Ayuntamiento de Marín". Menos mal que o nome da nossa vila nom admite traduçom ao castelám, porque nom duvidamos que sería recolhido e usado polo governo municipal.

Dias antes das eleiçons municipais puidemos ver a actual alcaldesa num acto de Queremos Galego. Nom imos entrar em valoraçons de se a sua presença em tal acto implicava um apoio explícito à Plataforma Queremos Galego, respostava a motivos eleitorais ou simplesmente era umha mostra de apoio à nossa lingua. Mas em qualquer caso o galego nom se apoia com fotos ou declaraçons, apoia-se com factos, e os factos falam por si sós. Como era de agardar, nom há que se engañar nem enganar a ninguém, o novo governo local constitúe, por acçom ou omissom, a brigada local de extermínio do galego de Núñez Feijoo.

Desde a A.C. Almuinha queremos manifestar que vamos estar alerta no referido ao uso do galego por parte do novo governo municipal. Com estas atitudes estamos voltando a um estadio anterior, preautonómico, umha volta atrás completamente inasumível. Os/As representantes d@s cidadáns tenhem a obriga legal e moral de defender a nossa cultura, e polo tanto a nossa lingua, e nom de destrui-la. Desde Almuinha preguntamo-nos, à luz destes factos, quais vam ser as medidas de promoçom e defessa da nossa lingua que vai aplicar o novo governo do PP?

Proxección "Manual de uso para unha nave espacial" e roteiro contra o parque eólico no Morrazo

2011-06-14T10:44:00.012Z

Este venres 17 de xuño dentro do programa de documentais arredor do medio que organizou a A.C. Almuinha para este mes de xuño proxectaremos o documental “Manual de uso para unha nave espacial”.
O sistema capitalista impúxonos unha lóxica de competencia, progreso e crecemento ilimitado que leva á destrución do planeta, a diversidade cultural e os dereitos dos pobos. Baixo o capitalismo a terra convértese en fonte só de materias primas e as persoas en medios de produción e consumidores que só valen polo que teñen e non polo que son.
O cambio climático é a maior ameaza para o futuro do noso planteta. A humanidade está fronte a unha grande disxuntiva continuar polo camiño do capitalismo, a depredación e a morte, ou emprender o camiño da harmonía coa natureza e o respecto á vida. Precisamos cambiar o modelo de produción capitalista e de sociedade e a forma de entender a nosa relación coa natureza, restablecer a harmonía entre o medio e a humanidade para termos unha natureza viva e un futuro digno para todos e todas.
“Manual de uso para unha nave espacial” é un documental realizado por Amigos da Terra e trata sobre o cambio climático no noso entorno máis próximo. Non fai falla ver como se derreten os polos, basta con observar ao noso redor para entender en que consiste. Arte, novas, natureza e sociedade de consumo son os temas deste documental; catro curtametraxes entrelazadas cóntannos distintas realidades entorno a un mesmo problema e unha visión de fondo: somos astronautas dunha nave espacial da que non temos manual, mais aínda así debemos aprender a ser pilotos da nave Terra.
A proxección terá lugar a partir das 20:30 h no centro social Almuinha, rúa Rosalía de Castro nº 46, e coma sempre a entrada é de balde.

Para o sábado, a Plataforma en defensa dos Montes do Morrazo da que fai parte a nosa asociación, organiza un roteiro por Pedras Negras, a zona afectada polo proxecto de construción dun parque eólico no Morrazo. O roteiro sairá dende a área recreativa de Chan de Arquiña para subir até o monte Faro de Domaio e Coto do Home dende onde se poderán ver as rías de Vigo, Pontevedra e Arousa ademais da zonas onde se van instalar os muíños de vento.

Dende a A.C. Almuinha queremos convidar á veciñanza a realizar este roteiro que terá unha duración aproximada de 2 horas que nos permitirá a todos e todas ter unha idea dos efectos que tería no medio e na paisaxe a instalación do parque eólico proxectado.

Projecçom-debate: Ence e o futuro da nossa ria

2011-06-08T19:51:00.006Z

Esta sexta-feira (venres), dia 10 de junho, a A.C. Almuinha continua com as Jornadas adicadas ao meio. Nesta segunda jornada projectaremos o documentário da APDR “O futuro da ria”, e contaremos com a presença de vári@s representantes da associaçom ecologista para falar do documentário, assi como para comentar qualquer outro aspeito relacionado com o complexo industrial ENCE-ELNOSA.

Desta volta, o documentário projectará-se na Sala da Biblioteca de Marim a partir das 20:30 horas.

Com esta projecçom pretendemos fazer a nossa humilde aportaçom à difusom da luita contra a ubicaçom desta empresa na nossa ria e para a conscienciaçom da sociedade marinense da necesidade de eliminar este complexo industrial de Lourizám polos variados efeitos negativos que provoca.

Aproveitamos para convidar a tod@s @s marinenses a que assistam à projecçom e posterior debate, assi como a que assistam masivamente à Marcha convocada para o dia seguinte, e que sairá da Alameda de Marim a partir das 19:30 horas.

Apoiamos marcha contra Ence

2011-06-07T12:32:00.003Z

A Associaçom Cultural Almuinha manifesta o seu apoio à Marcha contra Celuloses convocada pola “Asociación para a Defensa da Ria de Ponte Vedra” para o sábado 11 de junho e que partirá, arredor das 19,30h, como vem sendo habitual, das Alamedas de Marim e Ponte Vedra respeitivamente.

Apoiamos à APDR na sua recente crítica às declaraçons do conselheiro delegado do grupo ENCE, Sr. Colmenares, das que tiramos a conclusom de que a empresa nom está a percurar nenhum local alternativo, embora a Junta da Galiza diz manter conversas fluidas nesse sentido.

Nos tememos que o governo da Junta esteja submetido aos ditados do poder empresarial do complexo ENCE-ELNOSA.

O complexo ENCE-ELNOSA segue a incumprir a legislaçom meio-ambiental em matéria de verquidos à Ria segundo a Lei de Augas de Galiza e a Lei de águas Residuais Urbanas. Verquem mercúrio, cádmio, sólidos em suspensom, e fósforo, comprometendo a qualidade das águas para a produçom marisqueira e pesqueira.

Estám a atentar contra a nossa saude e isto é intolerável. Tudo por continuar a tirar um lucro financeiro produzido em umha indústria de enclave na nossa naçom. Umha indústria que o ditador espanhol Franco obrigou a instalar no nosso território em benefício das oligarquias espanholas e contra a vontade dos vizinhos afectados.

Contudo, esperamos que a Junta da Galiza nom renove as Autorizaçons Ambientais Integradas porquanto estas empresas estám incumprir a lei.

Pola recuperaçom da Ria e a implementaçom de um modelo económico sustentável baseado na exploraçom racional dos recursos marisqueiros, pesqueiros, florestais e turísticos desde parámetros de respeito e conservaçom do meio natural e do património cultural, é que fazemos um apelo a assistir a esta nova marcha contra a barbárie.

ENCE, ELNOSA NOM, FORA DA NOSSA RIA !!!

FORA DA GALIZA !!!

Mes de Xuño mes do medio

2011-06-01T15:55:00.003Z

Este 5 de xuño é o Día Mundial do medio ambiente, con tal motivo a A.C. Almuinha organiza para este mes de xuño unhas xornadas de concienciación que consistirán na proxección de distintos documentais e posterior debate sobre o tema tratado no mesmo.

Na A.C. Almuinha somos conscientes da grande importancia que ten manter o noso medio ambiente nas mellores condicións posíbeis e da influencia que ten a man do home no continuo deterioro da nosa natureza. O sistema capitalista, agora en crise, é o grande responsábel ademais da fame e da desigualdade social existente no mundo das moitas desfeitas na terra para lucro duns poucos a conta da mesma e das condicións de vida presentes e futuras da poboación mundial.

Galiza non é ningunha excepción, por desgraza, e vén sendo obxecto de múltiplos proxectos que poñen á venda a nosa terra e a noso medio a favor duns poucos, destruíndo os nosos montes, recheando as nosas costas, encorando os nosos ríos, acabando coa nosa biodiversidade co beneplácito do goberno que no canto de acabar con isto aínda facilita máis as cousas.

A primeira proxección é un documental titulado “Na defensa da terra” no cal a través da gravación de tres manifestacións se recollen outras tantas loitas significativas de finais dos anos 70: a resistencia nas Encrobas en contra das expropiacións das terras dos veciños e veciñas para a explotación das minas de lignito, a oposición á central nuclear de Xove, a recuperación para o pobo do litoral de Baldaio. Fitos irrenunciábeis da nosa historia recente que foron gravados pola cámara do documentalista, xa falecido, Carlos Varela.

A proxección terá lugar o venres 3 de xuño ás 20:30h no centro social Almuinha situado na rúa Rosalía de Castro nº 46 sendo, coma sempre, a entrada libre para calquera persoa que queira asistir.

Na Galiza o galego é natural

2011-05-16T15:25:00.003Z

Dende o nacemento da A.C. Almuinha, as persoas que a formamos asumimos o compromiso de defender e promover o uso da nosa lingua, a nosa cultura e o respecto ao noso medio. Eramos conscientes naquela altura, e sómolo agora, da importancia de manter a nosa lingua e cultura vivas e o noso medio nas mellores condicións para as xeracións futuras.

A nosa terra, a nosa cultura e a nosa lingua son a maior riqueza que temos os galegos e galegas, pois son estes elementos os que moldearon e expresaron o noso xeito de vivir e os que nos singularizan no mundo como galegos. O noso idioma e a nosa cultura non son mellores, mais tampouco peores, que calquera outros, mais son únicos, son os propios da nosa terra, son a nosa achega á diversidade cultural e lingüística do mundo.

É a lingua galega a que lles serviu aos nosos devanceiros para transmitir a sabedoría, a historia e as tradicións que conforman e enriquecen a nosa cultura. É a lingua que naturalmente usaron os galegos e galegas para se comunicar, para se relacionar durante séculos no noso país: é, pois, a nosa lingua natural.

Afirmar, como fan o actual goberno galego e determinados sectores políticos, sociais e económicos de carácter galegófobo, que o galego foi ou está imposto, ademais de negar séculos de conculcación dos dereitos dos galegofalantes, é unha falacia, pois non se pode considerar como imposto algo que nos é propio.

É, así mesmo, unha falacia que o galego estea imposto cando hoxe aínda existen múltiplos atrancos para facer unha vida plena e digna en galego. É unha falacia cando a educación acelera a desgaleguización dos nosos fillos e fillas e mesmo fai abandonar o idioma aos nenos e nenas que falan galego. É unha falacia cando acudimos á Xustiza e non conseguimos que se tramiten os nosos expedientes na nosa lingua. É unha falacia cando hoxe é case imposíbel conseguir unha hipoteca, unha escritura notarial, unha esquela e toda unha serie de documentos cotiáns en galego nos máis diversos ámbitos como o sanitario, o laboral ou o comercial. É tamén unha falacia cando perviven uns prexuízos profundamente antidemocráticos sobre as persoas que falan galego, vellos tópicos que son alimentados e mesmo actualizados por aqueles que legalmente están obrigados a promocionar o idioma e velar polos dereitos dos galegofalantes.

Mais, a pesar de ser o galego a lingua propia e natural do país, sucede como no noso medio ambiente, que estragamos até tal punto que consideramos propios os eucaliptos que substitúen os nosos bosques autóctonos. Con todo, seguen sendo as nosas carballeiras, os nosos soutos, as nosas fragas, os nosos ríos e a nosa lingua o natural na nosa terra e por iso cómpre coidalos para que non desaparecezan na voráxine dunha mal chamada globalización e dun falso progreso. O mito de babel, ao contrario do que din algunhas voces, non foi ningunha maldición senón que representa a riqueza e diversidade cultural e lingüística de distintos pobos que a pesares das súas diferenzas comparten uns mesmos desexos de seguir existindo. Como dicía Castelao, os burros aínda seguen no idioma universal, e os galegos e galegas con dignidade e con conciencia non queremos ser burros, queremos aprender cantas máis linguas mellor, mais a nosa a primeira.

Na Galiza o galego é natural, sexamos entón naturais, falemos en galego.

Festa da Lingua 2011

2011-05-09T09:59:00.001Z

Un ano máis e dende o ano 2008 a A.C. Almuinha organiza este sábado 14 de maio co gallo do Día das Letras Galegas a 4ª Festa da Lingua en Marín.

A festa que comezará ás 11 da mañá na alameda de Marín contará coa presenza do grupo de música tradicional os Chichisos, as pandeireteiras e pandeireteiros de Maravallada, haberá unha solta de libros cedidos pola editorial Kalandraka e para facer a ledicia dos máis pequenos contaremos coa presenza dos magníficos contacontos Codia e Miolo ademais de xogos populares.

A partir das 2 da tarde a festa trasládase ao pavillón do colexio O Sequelo onde antes do último aberto de billarda da tempada na conferencia sur ás 5 da tarde, haberá un xantar a base de churrasco, ensaladilla, sobremesa, café e licores ou menú vexetariano cuxo prezo é de 10€ sendo necesario reservar con antelación no teléfono 606 59 53 10 ou ben enviando un correo a a.c.almuinha@gmail.com

Inauguración do novo centro social Almuinha

2011-04-13T08:47:00.000Z

Termos un espazo propio sempre foi un dos obxectivos da A.C. Almuinha dende o seu nacemento, pensabamos que nunha vila como a nosa cumpría un espazo de pensamento alternativo en chave galega e na nosa lingua. Un local onde poder achegarnos á sociedade para crecermos como asociación e sumar máis persoas á loita pola nosa cultura e lingua, un espazo libre de sectarismos onde poder xuntar esforzos.

A finais do 2009 abriamos o primeiro centro social na rúa Ezequiel Massoni, un local onde ao longo de case un ano realizamos numerosas charlas, proxeccións de filmes e documentais, exposicións, xantares e cursos. Despois dun ano de traballo decidimos mudar de local e, malia que o proceso de cambio durou bastante máis do agardado, por fin contamos cun novo local e estamos prontos para comezar de novo e con ilusións renovadas o traballo que viñamos facendo no antigo local.

A inauguración do novo local, que está situado no número 46 da rúa Rosalía de Castro, terá lugar este venres 15 de abril a partir das 20h.

Propostas de Almuinha para as eleiçons locais

2011-04-08T17:15:00.003Z

Com motivo das eleiçons municipais que terám lugar o vindeiro 22 de maio, desde a A.C. Almuinha elaboramos umha série de propostas (as propostas vam íntegras ao final desta nota) que forom entregadas no passado mês de março a todos os partidos que a dia de hoje tenhem manifestado que se vam apresentar às mesmas (PP, PSdeG, BNG, MAR-IN e Entero Liberal).

Queremos aclarar que o documento nom é o programa político de Almuinha, nem tam sequera pretende recolher todas as propostas da nossa associaçom. Estas Propostas som umha série de ideias que estabelecem indicaçons e orientaçons de por onde consideramos que deve dirigir-se a política local nos vindeiros anos.

Nestas Propostas recolhemos moitos pontos que consideramos centrais como som: Lingua e Cultura; Economia e Serviços Sociais; Serviços Públicos; Ecologia; Democracia Participativa e Escola Naval Militar.

Em quanto à Lingua e Cultura consideramos necesárias actuaçons precisas que garantam a defessa e promoçom da nossa lingua e da nossa cultura. O galego continúa perdendo falantes e é imprescindível que se tomem medidas urgentes desde o concelho, dentro das suas competências, para reverter esta situaçom, mentres a nossa cultura (música, desportos...) continúa sem ter o apoio necesário que a dignifique.
Por outra banda, vivemos num sistema económico profundamente inxusto, desigual e discriminatório que nestes tempos de crise está a aprofundar os seus efeitos sobre a imensa maioria da populaçom. É precisa umha política económica radicalmente distinta desde o concelho, e de apoio às classes trabalhadoras.
No que se refire aos Serviços Públicos, nós apostamos sem dúvida por eles e estamos contra as privatizaçons, que conleva que as empresas se beneficiem economicamente da prestaçom de determinados serviços, mentres se empiora o serviço prestado e as condiçons laborais dos seus trabalhadores/as.
Por outra banda é fundamental compatibilizar o progreso e o trabalho com o respeito do ambiente. Nom podemos aceitar que se destrúa o ambiente a cambio de um número determinado de postos de trabalho, que hipotecam o futuro da nossa terra e das geraçons vindeiras. É imprescindível a criaçom de trabalho, mas respeituoso com o ambiente.
No que se refire à Democracia Participativa, o sistema político desincentiva a participaçom e fomenta a apatia da cidadania, reduzindo-se a participaçom à emisom de um voto cada 4 anos. Consideramos fundamental o estabelecemento de medidas que garantam a participaçom da cidadania na toma de decisons, fomentando a corresponsabilidade e a transparência nos asuntos públicos.
Em quanto à E.N.M. cremos que é importante iniciar o debate em relaçom à sua permanência no nosso concelho. Marim vive de costas ao mar, e em boa medida por causa da E.N.M., que ocupa uns terreos, moitos dos quais estám completamente infrautilizados, que poderiam ser aproveitados para o goce da cidadania de Marim. Amais disto, estamos em contra da sua permanência, entre outras cousas, polo papel das Forças Armadas, encarregadas de defender a integridade terrotorial do Estado espanhol, negando com isto o direito democrático mais fundamental de qualquer povo (reconhecido em multitude de acordos internacionais), que é o direito de autodeterminaçom, que é simplesmente que cada povo poida decidir livremente o seu futuro.

Por último, queremos agradecer a boa acolhida que estám a ter as nossas propostas nos partidos, já que menos umha candidatura todos nos respostarom comprometendo-se a estudar estas propostas de cara a poder incluir as que considerassem oportunas nos respeitivos programas eleitorais. Amais, nestas últimas semanas mantivemos reunions com alguns partidos políticos com representaçom no concelho para explicar e debater algumhas destas propostas que fazemos, assim como também para intercambiar pontos de vista em relaçom com diversos aspeitos da nossa vila.

Decálogo

Plataforma en Defensa dos Montes do Morrazo

2011-04-07T15:26:00.004Z

Debido aos múltiplos proxectos que por parte da Xunta e doutras administración se pretenden levar a cabo no Morrazo afectando aos Montes do Morrazo que atravesa a nosa comarca de norte a sur un grupo de persoas e colectivos decidimos xuntarnos e crear unha plataforma para traballar de xeito coordinado contra a destrución da nosa comarca. Este é o manifesto elaborado pola plataforma:

O espazo natural dos Montes do Morrazo, abrangue 1032 Has. de solo protexido a nivel provincial compartido polos concellos de Marín, Moaña e Vilaboa. Nel están ubicados:

Os cumios da comarca, Faro, Coto do Home e Cotorredondo, a máis de 600 metros de altitude con fermosas e amplas vistas panorámicas das Rías Baixas, Illas Atlánticas e serras do interior de Pontevedra ata Ourense e Portugal.

As áreas arqueolóxicas dos Sete Camiños e as de Chan de Castiñeiras, Chan de Armada e Chan de Arquiña, que a parte dos gravados rupestres representa como máximo valor a práctica totalidade dos monumentos megalíticos existentes na comarca e un referente tamén a nivel galego.

Os parques naturais da Lagoa de Castiñeiras e de Chan de Arquiña son áreas de lecer de gran interese ecolóxico, social e cultural.

Os nacementos dos ríos Lameira, Loira, da Fraga, Barranco do Faro, Caiauga, da Freixa, Miñouba, Riomaior e Toimil coas súas áreas de ribeira de interese natural, fluvial, hídrico, etnográfico e incluso marisqueiro por formar algúns intermareais nas súas desembocaduras.

Bosque autóctono e de repoboación xunto con outras de mato e pasteiros en monte privado e mancomunado de interese natural, forestal e gandeiro.

As brañas de Castiñeiras e de Corno Pineda, incluídas xunto coa lagoa de Castiñeiras no inventario de humidais de Galicia.

O GR59 Roteiro Ecolóxico do Morrazo, como principal arteria do sendeirismo na comarca, asimesmo como roteiros sinalizados de bicis de montaña e puntos de despegue, voo e aterraxe de afeccionados ao parapente.

No entanto e sumado ás afeccións consumadas de saturación paisaxística e electromagnética de antenas de telecomunicacións e o impacto medioambiental producido pola construción do corredor de alta capacidade do Morrazo, están as ameazas futuras dun parque eólico de 42 MW aprobado pola Xunta de Galicia en Pedras Negras, entre os cumios do Faro e o Coto do Home; un parque industrial de 229.330 m² no monte Pornedo planificado polo Concello de Marín no seu PXOM , e un macroparque industrial de 1.500.000 m² aprobado pola Xunta de Galicia que conxugaría o de 460.000 m2 planificado polo concello de Moaña a traveso do seu PXOM na Cruz da Maceira e o de 1.152.021 de m² planificado como reserva na Pastoriza polo Concello de Marín no seu PXOM; máis o desdobramento do corredor de alta capacidade en autovía e as obras de ampliación da estrada PO-313 Marín-Moaña contempladas no Plan Vigo Íntegra, agora Plan Move; dentro dun modelo de desenvolvemento claramente especulativo e totalmente insustentable por parte das Administracións.

A protección actual deste espazo natural, solo rústico de proteción de espazos naturais, prohíbe calquera actividade industrial no terreo protexido.

Ademais este espazo é susceptible de cumprir cos parámetros para a entrada nunha futurible ampliación da Rede Natura europea dadas as súas condicións bioxeográficas, tanto pola existencia de fauna e flora silvestre como de hábitats naturais prioritarios no seu seo, e mesmo para a súa conversión en Parque Natural.

E por engadido pasa por ser xunto cos montes de Lourizán, montes de Salcedo, montes de Vilaboa, montes de Figueirido, monte das Penizas, montes de Santa María do Campo e de San Tomé de Piñeiro, montes Sobareiro e da Cova, carballeiras de Pastoriza, Ardán e Cela, monte Bermello, monte Castelo, monte Paralaia, monte do Ermelo, Carballal de Coiro, serra da Magdalena, montes de Varalonga, Borrallido e Campelo, montes do Hio, monte de Tirán, Outeiro de Campolongo e monte Cernello, monte de Cabalo; e as áreas fluviais de ribeira dos vales contíguos; un corredor ecolóxico de suma importancia para permitir a supervivencia das especies animais e vexetais que conforman a biodiversidade, e a viabilidade das súas poboacións, ó conectar as rías de Vigo e Pontevedra, e os espazos da Rede Natura existentes no litoral da comarca e península do Morrazo, a Enseada de San Simón, Costa da Soavela e Cabo Udra, entre si e coas terras do interior; dentro dunha comunidade autónoma que destaca tristemente por estar no vagón de cola do Estado e de Europa en protección de espazos naturais.

Polo arriba citado e máis solicitamos que se cumpra coa legalidade e se proceda á protección íntegra, real e efectiva do espazo natural Montes do Morrazo.

Palestra sobre a prehistoria na Galiza e roteiro polo Espazo Natural e Arqueolóxico dos Sete Camiños

2011-03-21T22:07:00.003Z

Este venres 25 de marzo comezará un ciclo de palestras co que pretendemos achegar e dar a coñecer as diversas etapas historicas na nosa terra ao longo do 2011.

A primeira das palestras tratará sobre a prehistoria e contaremos para ela co arqueólogo e membro do Instituto de Estudo Miñoranos, Xosé Lois Vilar.

Para o sábado 26 temos organizado un roteiro para dar a coñecer a todas aquelas persoas interesadas en que consiste o proxecto do Espazo Natural e Arqueolóxico dos Sete Camiños. Este roteiro que comezará ás 10 da mañá ten unha duración aproximadas dunhas 4 horas durante as cales os e as asistentes poderán gozar alén de diversas mámoas e petróglifos dunhas impresionantes vistas sobre a nosa vila e a ría en xeral.

Manifesto contra a Lei de Augas

2011-03-21T22:02:00.002Z

Máis de 2.000 persoas congregáronse, o 20 de marzo (antevéspera do Día Mundial da Auga) en Santiago de Compostela, para esixir do Goberno de Feijoó a derrogación da Lei de Augas de Galicia. A marcha cívica, convocada pola Plataforma Galega contra a Lei de Augas, partiu ás 12:30 horas da Alameda, e rematou na Praza da Quintana, onde representantes dasdiversas organizacións que integran este movemento contra a privatización da nosa auga deron lectura a un manifesto.

Apoiamos Plataforma Galega contra a Lei de Águas e a movilizaçom deste domingo

2011-03-17T11:07:00.004Z

Vem-se de criar umha Plataforma em Defesa da Água para botar abaixo a Lei de Augas aprovada polo Parlamento Galego o passado mes de novembro. O processo de privatizaçom das competências públicas em matéria de água, que arrinca com esta lei, assí como a fixaçom de um preço a um bem básico e natural, imprescindível para a vida, som o suficientemente graves como para que desde todos os colectivos sociais impulsemos o debate cidadá sobre o tema. Almuinha já tem manifestado a sua adesom a Plataforma Galega contra a Lei de Águas e á movilizaçom convocada para este próximo domingo dia 20 em Compostela.

Obradoiro: "Construíndo igualdade a partir das nosas diferenzas"

2011-03-16T21:28:00.012Z

Desde A.C. Almuinha informamos de que, con motivo do pasado Día Internacional da Muller, o día 18 de marzo ás 20.00 terá lugar no Ateneo un Obradoiro de Igualdade que leva por lema: “Construíndo igualdade a partir das nosas diferenzas”.

O Obradoiro permitirá as persoas asistentes reflexionar sobre as nosas diferenzas como homes e mulleres e a necesidade da igualdade material en dereitos, mais alá da meramente formal recollida en diferentes normas xurídicas. Ademais, preténdese crear un debate grupal, no que cada persoa reflexionará sobre as accións que pode emprender na súa vida cotiá para acadar esa igualdade de dereitos e a superación das desigualdades de xénero.

Dada a situación actual, caracterizada por unha banda polas dificultades que continuamos a ter as mulleres para o acceso ao mundo laboral, para promocionar no traballo, para acceder a postos directivos na empresa, para compaxinar a xornada laboral e doméstica e de coidado, para acceder a traballos tradicionalmente masculinizados, etc, e por outra banda, polos recortes de dereitos sociais e laborais no contexto da crise económica actual e que supoñen un duro golpe aos sectores máis desfavorecidos, entre elas as mulleres, fai que desde a A.C. Almuinha consideremos moi importante a realización dun Obradoiro que permita ao conxunto da poboación a análise da realidade, a reflexión e a acción para mudar esta situación.

O Obradoiro será impartido por unha pedagoga e unha psicóloga-sexóloga pertencente ao Gabinete Proceso Psicoloxía e con ampla e acreditada experiencia.

Dende a A.C. Almuinha convidamos a todas aquelas persoas que poidan estar interesadas, maiores de 16 anos, a que asistan, sendo por suposto a entrada de balde.

Para maior información, podedes poñervos en contacto no teléfono 647 06 23 99 ou no mail a.c.almuinha@gmail.com

Pola posta em valor do nosso património arqueológico

2011-03-13T16:07:00.000Z

Há algum tempo, desde a A.C. Almuinha desenvolvimos umha pequena campanha que tinha por objecto chamar a atençom sobre o estado de abandono do património arqueológico do nosso concelho. Malia que temos um importante património pre-románico, nunca mereceu a atençom nem da administraçom local nem da galega, tendo como consequência o contínuo deterioro dos restos.

Durante vários meses solicitamos, tanto ao concelho de Marim como a própria Xunta, diferentes actuaçons para proteger e pôr em valor o nosso património arqueológico: a posta em valor do castro da Subidá e a melhora do entorno dos petróglifos de Mogor eram as intervençons mais prioritárias desde o nosso ponto de vista.

O castro da Subidá, que é o melhor exemplo de povoado castrejo existente no nosso concelho, ficou ao longo dos anos completamente abandonado e desprotegido ante diferentes acontecimentos, provocando que as desfeitas no jacimento da Subidá fossem quantiosas nos últimos 15 anos: lumes, espólios, vegetaçom, actuaçons irresponsáveis e inconcevíveis como forom a apertura de caminhos e estradas na área de protecçom, a construçom dumha canteira que provocou que a muralha defensiva que até há bem pouco era visível rematara desaparecendo, ou a instalaçom dumhas torretas de Fenosa, que finalmente forom retiradas.

Pola sua banda, os petróglifos de Mogor, que som o principal valor arqueológico de Marim e um dos conjuntos de arte prehistórica mais relevantes da Galiza, estiverom durante anos bastante abandonados, sem ningum tipo de indicaçom que permitisse às pessoas que se achegavam ao lugar vê-los com facilidade e sem nengúm tipo de informaçom sobre eles, a excepçom de trabalhos de limpeça e de adequaçom da área, mas carente de qualquer tipo de mantimento, provocando que por exemplo os caminhos de pedras que se colocarom há vários anos na atualidade estejam bastante deteriorados nalgumha zona.

Atualmente estám-se a levar a cabo trabalhos nas duas áreas, trabalhos que desde a A.C. Almuinha valoramos positivamente: na zona dos petróglifos de Mogor está a se construir um pequeno centro de interpretaçom, e no castro limpou-se a área e fara-se umha especie de passeio para unir o centro de Marim com o castro. Desde Almuinha cremos que este é o caminho a seguir, e devem marcar o começo dumha nova etapa de recuperaçom e posta em valor do nosso património arqueológico, polo que queremos felicitar o concelho de Marim por estas actuaçons.

Mas também queremos manifestar que agardamos que estas actuaçons nom fiquem em intervençons para tirar umha foto, e depois fique todo abandonado outra vez durante anos. Se bem nos petróglifos de Mogor, com a construçom do centro de interpretaçom, a colocaçom de paineis informativos e o arranjo do caminho de pedras, consideramos que seria suficiente para a sua posta em valor, no castro haverá que dar novos passos umha vez se rematem os trabalhos atuais. É preciso fazer umha investigaçom arqueológica moderna, séria e completa (que nunca se fixo), que consista na sua recuperaçom integral e no seu estudo.

Marim, a 13 de março de 2011

A.C. Almuinha

10 DE MARÇO, DIA DA CLASSE OBREIRA GALEGA

2011-03-09T22:25:00.004Z

A movilizaçom das e dos trabalhadores deve manter-se firme enquanto nom se conquira paralisar a involuçom geral das condiçons sócio-laborais e o aumento do desemprego como válvulas de escape abertas polos poderes políticos e económico para combater a crise do sistema financeiro privado e que repercute nas tensons de liquidez que sofrem particulares e empresas. Denunciamos o modelo espanhol de saida da crise que faz pagar os custos da mesma aos trabalhadores.

O governos espanhois do Psoe no estado e do PP na Junta da Galiza estám a aplicar um recurte no gasto público para cumprir os objectivos de défice público que marcam as autoridades financeiras internacionais com a ameaça de que no caso de nom serem cumpridos realizarám umha intervençom directa nas economias públicas para garantir a sua solvência ante os mercados especulativos que financiam estes estados adquirindo a sua dívida pública. E mentres com cada alarme que fazem soar de possível insolvência e possibilidade de intervençom as percentagens de rendibilidade, quer dizer, o preço a pagar por esse financiamento tam necessário, seguem a medrar para encher os petos dos especuladores apoiados pola laboura colaborativa das agências de rating ou mediçom do risco dos investimentos financeiros.

Assistimos a um desmantelamento dos serviços públicos, umha reforma das pensons e do sistema financeiro galego que percuram pagar ao sector da grande banca espanhola os supostos favores em apoio financeiro de determinadas opçons políticas. Estám a precarizar os serviços públicos para entrega-los em maos da oferta privada.

A situaçom para os trabalhadores agráva-se com o estancamento ou reduçom da remuneraçom do trabalho como a proposta desde a chéfia empresarial e mesmo do Banco de Espanha, a indexaçom do aumento salarial em funçom da produtividade em lugar da inflaçom, considerando que os salários na Galiza já som menores que a média estatal; o aumento do preço dos combustíveis que agrava um cenário já preocupante de inflaçom subjazente da mao de um crescimento quase nulo no contexto de um sistema ecónomico capitalista que contudo já carece de racionalidade e justiça social.

Desde Almuinha advogamos por que as entidades sindicais galegas continuem a percurar um marco galego de relaçons laborais onde concentrar as nossas reivindicaçons e caminhar para umha Galiza soberana e dona de si própria.

A.C.ALMUINHA
10 de Março de 2011

Dia Internacional da Mulher Trabalhadora

2011-03-07T21:44:00.001Z

Este 8 de marzo de 2011, Día Internacional da Muller Traballadora, vén marcado por un contexto de grave crise económica. Este contexto dá lexitimidade ás distintas administracións e gobernos para aprobar medidas, como as recentes Reformas laboral e das pensións, que non teñen outra xustificación que respostar ás demandas da banca e o gran capital (únicos culpábeis da actual crise económica), recortando e atentando contra os dereitos sociais e laborais do conxunto da poboación, colocando as persoas máis vulnerables (entre elas, as mulleres) nunha situación de maior vulnerabilidade.

Este novo contexto, que se ben afecta ao conxunto da poboación, provocará sen dúbida un aumento na feminización da pobreza existente xa con anterioridade á crise, e dificultará aínda máis que as mulleres poidan acceder ao mundo laboral, a condicións laborais e a pensións dignas, xa que atrasar a idade de xubilación e alongar o período para o cálculo de pensións, dificulta o acceso e reduce a contía por mor da precariedade laboral que levan asociada (temporalidade, contratos parciais e por horas, traballo non remunerado, longos períodos de inactividade ata que acadan contratos estábeis, etc.), ou ben por interrupcións ou diminucións da cotización, derivadas de situacións como a maternidade e conciliación (excedencias, reducións de xornada, etc).

Ademais, neste 8 de marzo de 2011, as mulleres continuamos a ter, nas chamadas “sociedades desenvolvidas”, dificultades no acceso ao mundo laboral, para promocionar laboralmente, para acceder a postos directivos na empresa, para compaxinar a xornada laboral e doméstica e de coidado, para acceder a traballos tradicionalmente masculinizados e un longo etcétera. Se ben é certo que algo se avanzou nesta materia, tamén é ben certo que aínda fica moito camiño por percorrer.

É por isto, que A.C. Almuinha non pode deixar a un lado unha data coma esta e quere, ademais de reivindicar a loita polos dereitos sociais e laborais das mulleres, convidar ao conxunto da poboación marinense a participar o vindeiro 18 de marzo ás 20:00 no local do Ateneo a un Obradoiro de Igualdade que leva por lema: “Construíndo igualdade a partir das nosas diferenzas”. Neste Obradoiro pretendemos reflexionar sobre as nosas diferenzas como homes e mulleres e a necesidade da igualdade material en dereitos, mais alá da meramente formal recollida en diferentes normas. Alén disto pretendese crear un debate grupal, no que cada persoa reflexionará sobre as accións que pode emprender na súa vida cotiá para acadar esa igualdade de dereitos e a superación das desigualdades de xénero.

Para rematar, cabe dicir que esta celebración, nesta data, non debe facernos esquecer ningún dos demais días do ano, a necesidade imperiosa de acadar a igualdade “efectiva e real” entre xéneros para poder avanzar como sociedade.

En Marín, a 7 de marzo de 2.011

CEIA ESTE SÁBADO POLO III ANIVERSÁRIO DE ALMUINHA

2011-02-16T10:16:00.002Z

Neste mês de fevereiro na A.C. Almuinha celebramos o III Aniversário da nossa associaçom. Cumprimos 3 anos de intensa actividade com o objectivo de trabalhar pola nossa língua, cultura, por umha sociedade mais justa, e todo isto desde umha perspectiva de país.

O vindeiro sábado 19 de fevereiro celebramos este terceiro aniversário com umha ceia e gostariamos de contar com a presença de todas aquelas pessoas que dum ou doutro jeito participam da vida da associaçom (sócios/as, colaboradores/as, participantes em actos e atividades...).

Por isto, queremos convidar-te à ceia, que terá lugar o sábado 19 de fevereiro às 21:30 no restaurante San Xián. O preço é de 18 euros (menu: ameixas, lagostinos, churrasco, sobremesa e chupinho) e haverá música ao vivo.

Precissamos confirmar o número de pessoas no restaurante o dia 17, polo que pedimos que no caso de assistir nos avises antes do dia 17.

Sem mais, e agardando contar com a tua presença, recebe umha aperta.

27 de janeiro: é hora de reagir tod@s à greve geral

2011-01-21T17:22:00.005Z

Ante a teima do governo espanhol de fazer recair o peso da recuperaçom económica sobre @s trabalhadores/as devemos manifestar o nosso total rejeitamento. Por isso apoiamos a convocatória de greve geral galega para o próximo 27 de Janeiro.

Os avanços conqueridos durante décadas de reivindicaçom e segurados num sistema relativamente estável de proteçom social estam a ser destruidos nos últimos anos.

A reforma das pensons que decretará o governo é mais um passo no desmantelamento do já precário estado do bem-estar do estado espanhol em comparaçom com a situaçom doutros paises europeus, pois o estado espanhol é o que menos gasta em pensons de Europa menos ainda que Portugal.

A iminente reforma das prestaçons para os reformados (jubilados) consiste em demorar até os 67 anos a idade mínima para se poder reformar (jubilar-se) e em ampliar o periodo de tempo utilizado

para o cálculo das pensons. Isto fazerá que o seu importe diminua consideravelmente o que agrava mais a situaçom que temos na Galiza com as pensons mais baixas do estado. Com estas medidas as pensons podem diminuir até um 25% mentres as cotizaçons empresariais à segurança social ficam reduzidas sendo subvencionadas as indemnizaçons por despedimento com dinheiro público.

Ademais vai-se a aumentar o tope para as pensons máximas e baixam o límite mínimo das pensons mais baixas com o que os ricos cobrarám mais e as pensons mínimas decrescerám.

Os informes que aconselham todas estas mudanças som realizados por economistas pagados pola grande banca e pola patronal espanhola. Assim se entende que as suas recomendaçons ao governo impliquem um grande negócio para a grande banca e os empresários. O governo espanhol pom-se assim ao ditado do capital financeiro e contra a maioria da sociedade.

É mentira que o sistema de segurança social seja inviável a meio ou longo praço pois segue a observar superávit ainda hoje com umha taxa de desemprego do 20% no conjunto do estado. Mesmo o peso das pensons em términos de PIB tem-se reduzido porque é maior o aumento relativo do PIB a respeito do acréscimo das prestaçons. Polo que nom há perigo de quebra do sistema público.

O que querem é a extensom dos sistemas privados de pensons e maior negócio para a banca fortalecendo

assim um modelo especulativo de economia onde o capital financeiro com os seus jogos criminais nos mercados bursáteis internacionais som quem de apoiar agora por conveniência a umha empresa, país ou sector que dentro de poucas horas ou dias farám cair vendendo as suas acçons ou títulos de dívida pública, para lograr um lucro rápido que nom sabe de sentimentos, de comprensom das tragédias humanas que detrás destas operaçons criminais ficam acochadas, que nom ajudam a instaurar as bases para umha economia social onde a produçom seja planificada em funçom das necessidades da sociedade e nom em funçom do lucro de só uns poucos que o possuem e o controlam tudo.

Na sua posiçom de atentar em contra d@s trabalhadores/as, a política criminal e anti-democrática do governo espanhol manelhado como um títere polos banqueiros chega a paradoxa de congelar as Pensons Públicas com a que o Estado poupou 1530 milhons de euros ao tempo que perdeu 1440 milhons de euros pola desgravaçom fiscal no IRPF das Pensons Privadas das pessoas ricas contratadas em Bancos e Aseguradoras.

Ademais advertimos que os fundos de pensons privados afinal nom garantem umha prestaçom segura pois pola sua própria natureza especulativa podem dar em quebra e provocar que a poupança (aforros) de toda umha vida d@s trabalhadores/as desapareçam como por arte de magia por umha má gestom dos fundos de pensons.

Quem aprovam estas medidas nom reformam as suas Pensons. Deputadas e Senadores com 7 anos de mandato tenhem assegurado o 80% da pensom máxima, uns 30 mil € por ano e podem-se retirar aos 60 anos. Se perdem o escano, cotizam-lhes até a jubilaçom. Por isso buscam como alimanhas entrar no circo do congresso ou o senado. Pouco lhes importa o futuro e os problemas da nossa sociedade.

E para o caso tanto tem o PSOE como o PP, lacaios da banca e da patronal, todos especuladores com os recursos da nossa sociedade.

Contra a reforma laboral e contra a reforma das pensons que atenta directamente contra as pessoas que com o nosso trabalho mantemos a sociedade é que animamos à reposta clara de unidade de todo o povo trabalhador galego e de Marim e comarca.

CONTRA O TERRORISMO DOS BANQUEIROS, DOS SEUS TÍTERES NO GOVERNO E DA PATRONAL,

GREVE GERAL NACIONAL GALEGA !!!

"Capitalismo: o que é isso?" por Emir Sader

2011-01-13T15:54:00.003Z

As crises revelam a essência da irracionalidade do capitalismo: porque há excesso de produção ou falta de consumo, se destroem mercadorias e empregos, se fecham empresas, agudizando os problemas. Até que o mercado “se depura”, derrotando os que competiam em piores condições – tanto empresas, como trabalhadores – e se retoma o ciclo expansivo, mesmo se de um patamar mais baixo, até que se reproduzam as contradições e se chegue a uma nova crise...

As duas referências mais importantes para a compreensão do mundo contemporâneo são o capitalismo e o imperialismo.

A natureza das sociedades contemporâneas é capitalista. Estão assentadas na separação entre o capital e a força de trabalho, com aquela explorando a esta, para a acumulação de capital. Isto é, os trabalhadores dispõem apenas de sua capacidade de trabalho, produzir riqueza, sem os meios para poder materializa-la. Tem assim que se submeter a vender sua força de trabalho aos que possuem esses meios – os capitalistas -, que podem viver explorando o trabalho alheio e enriquecendo-se com essa exploração.

Para que fosse possível, o capitalismo precisou que os meios de produção –na sua origem, basicamente a terra – e a força de trabalho, pudessem sem compradas e vendidas. Daí a luta inicial pela transformação da terra em mercadoria, livrando-a do tipo de propriedade feudal. E o fim da escravidão, para que a força de trabalho pudesse ser comprada. Foram essas condições iniciais – junto com a exploração das colônias – que constituíram o chamado processo de acumulação originaria do capitalismo, que gerou as condições que tornaram possível sua existência e sua multiplicação a partir do processo de acumulação de capital.

O capitalismo busca a produção e a comercialização de riquezas orientada pelo lucro e não pela necessidade das pessoas. Isto é, o capitalista dirige seus investimentos não conforme o que as pessoas precisam, o que falta na sociedade, mas pela busca do que dá mais lucro.

O capitalista remunera o trabalhador pelo que ele precisa para sobreviver – o mínimo indispensável à sobrevivência -, mas retira da sua força de trabalho o que ele consegue, isto é, conforme sua produtividade, que não está relacionada com o salário pago, que atende àquele critério da reprodução simples da força de trabalho, para que o trabalhador continue em condições de produzir riqueza para o capitalista. Vai se acumulando assim um montante de riquezas não remuneradas pelo capitalista ao trabalhador – que Marx chama de mais valia ou mais valor – e que vai permitindo ao capitalista acumular riquezas – sob a forma de dinheiro ou de terras ou de fábricas ou sob outra forma que lhe permite acumular cada vez mais capital -, enquanto o trabalhador – que produz todas as riquezas que existem – apenas sobrevive.

O capitalista acumula riqueza pelo que o trabalhador produz e não é remunerado. Ela vem por tanto do gasto no pagamento de salários, que traz embutida a mais valia. Mas o capitalista, para produzir riquezas, tem que investir também em outros itens, como fábricas, máquinas, tecnologia entre outros. Este gasto tende a aumentar cada vez mais proporcionalmente ao que ele gasta em salários, pelo peso que as máquinas e tecnologias vão adquirindo cada vez mais, até para poder produzir em escala cada vez mais ampla e diminuir relativamente o custo de cada produto. Assim, o capitalista ganha na massa de produtos, porque em cada mercadoria produzida há sempre proporcionalmente menos peso da força de trabalho e, por tanto, da mais valia - que é o que lhe permite acumular capital.

Por isso o capitalista está sempre buscando ampliar sua produção, para ganhar na competição, pela escala de produção e porque ganha na massa de mercadorias produzidas. Dai vem o caráter sempre expansivo do capitalismo, seu dinamismo, mobilizado pela busca incessante de lucros.

Mas essa tendência expansiva do capitalismo não é linear, porque o que é produzido precisa ser consumido para que o capitalista receba mais dinheiro e possa reinvestir uma parte, consumir outra, e dar sequencia ao processo de acumulação de capital. Porém, como remunera os trabalhadores pelo mínimo indispensável à sobrevivência, a produção tende a expandir-se mais do que a capacidade de consumo da sociedade – concentrada nas camadas mais ricas, insuficiente para dar conta do ritmo de expansão da produção.

Por isso o capitalismo tem nas crises – de superprodução ou de subconsumo, como se queira chamá-las – um mecanismo essencial. O desequilíbrio entre a oferta e a procura é a expressão, na superfície, das contradições profundas do capitalismo, da sua incapacidade de gerar demanda correspondente à expansão da oferta.

Esses mecanismos ajudam a entender o outro fenômeno central de referência no mundo contemporâneo – o imperialismo – que abordaremos em um próximo texto.

[Artigo tirado do sitio web ‘Agência Carta Maior’, do 5 de janeiro de 2010]

Emir Sader é Profesor da Universidade de São Paulo (USP) e da Universidade do Estado do Río de Janeiro (Uerj), é coordinador do Laboratorio de Políticas Públicas da Uerj e autor, entre outros, de "A vingança da História".

O apalpador saiu ás rúas para despedir o ano en Marín

2011-01-04T07:54:00.001Z

O apalpador volta polo nadal

2010-12-29T11:39:00.002Z

Un ano máis, e da man da A.C. Almuinha, o apalpador percorrerá as rúas e prazas de Marín o vindeiro 31 de decembro a partir das 5 da tarde acompañado de música e caramelos para todos os nenos e nenas que se acheguen.

O Apalpador non é ningún invento desta asociación cultural senón a recuperación deste personaxe mítico do nadal galego. O ámbito xeográfico no que se recollen os seus testemuños orais é a zona da alta montaña luguesa, terras de Lóuzara, o Caurel e o Cebreiro. Porén, a presenza da lenda podería tamén abranguer Quiroga e os Ancares.

O Apalpador, apalpabarrigas ou pandigueiro nomes polos cales tamén é coñecido vive nas devesas adicado a facer carbón e caracterízase fisicamente polo seu grande tamaño, viste boina e traxe esfarrapado e con remendos, fuma en pipa e aliméntase con bagas salvaxes e os porcos que caza no monte. No nadal baixa da súa escura morada para ir visitar os nenos e nenas galegase chega cando estes están durmidos, apálpalles a barriga para ver se están fartos ou se teñen fame. Se están cheos dilles “Así, así esteas todo o ano” e deixalles unha presa de castañas, se pola contra están famentos, fica calado e deixalle tamén unha manchea de castañas.

Mais os tempos mudaron e o noso Apalpador non pode ficar atrás por iso tamén pode facer agasallos, mais a diferenza doutras figuras do nadal son fabricados por el mesmo ou reciclados doutros nenos, fomentando valores como a solidariedade e a xenerosidade entre os máis novos.

Palestra Soberanía alimentar e consumo responsábel

2010-12-09T11:24:00.004Z

Hoxe en día non resulta difícil atopar calquera produto, froita ou alimento doutros países en calquera tenda, froitería ou grande superficie. Isto que para algún a priori pode ser algo bo agocha unha realidade moito máis dura, a dos/as produtores/as. Sexan estes produtores locais ou foráneos ambos os dous sofren as consecuencias do Deus mercado, baixos prezos en orixe e grandes beneficios para os intermendiarios, provocando a precariedade na vida dos produtores e como consecuencia o abandono do rural.

Fronte a estas políticas mercantilistas que gobernan e tiran un grande lucro da nosa alimentación grupos de produtores están a agruparse para traballar polo que se coñece como soberanía alimentar, o dereito que teñen todos os pobos para decidir as súas políticas alimentarias. Tamén son moitos/as os/as cidadáns/ás que concienciados/as se agrupan dacordo con produtores locais para formar cooperativas de consumo responsábel.

Alén das consecuencias económicas para os produtores o cultivo intensivo e o uso de abonos químicos xunto coa plantación de produtos transxénicos están a influir de xeito grave no medio. Para coñecer máis sobre a soberanía alimentar e o consumo responsábel, este venres 10 de decembro a partir das 20h na biblioteca municipal de Marín a A.C. Almuinha organiza unha charla coloquio onde intervirán a líder histórica do Sindicato Labrego Galego, Lidia Senra, e unha persoa que forma parte da cooperativa de consumo responsábel e ecolóxico a Gradicela.

Feche temporal do Centro Social Almuinha

2010-12-08T15:29:00.002Z

A A.C. Almuinha comunica que o passado dia 30 de novembro fechamos definitivamente as portas no local no que durante o último ano estivemos realizando as nossas actividades. Queremos aclarar que nom é um feche definitivo, durante as últimas semanas estivemos procurando outro local, mas lamentavelmente foi-nos impossível confirma-lo, polo que durante algum tempo, que agardamos seja o mais breve possível, ficaremos sem Centro Social. Porém, continuarám a se realizar todas as actividades programadas como estava previsto em novas ubicaçons que iremos anunciando.

Agardamos comunicar o mais aginha possível a apertura do nosso novo Centro Social em Marim.

Estrea de "A memoria da lingua" en Marín este venres 26 ás 20h

2010-11-24T09:43:00.009Z

Este venres 26 de novembro ás 20h no Centro Social Almuinha estrearase en Marín o documental “A memoria da lingua”, realizado polo grupo As Candongas do Quirombo neste ano 2010.

As Candongas do Quirombo é un colectivo informal formado pola marinense Andrea Núñez, Xandra Santos, Lara Rozados, Laura Fernández e Raquel Rei, cinco mozas galegas que se xuntan baixo este nome para levar a cabo un proxecto de creación dun documental sobre a recuperación da memoria do galego e outras actividades de acción directa en torno ao noso idioma.

A memoria da lingua é un documental composto por 20 entrevistas a persoas de diferentes idades e condicións sociais que nos aproximan á memoria histórica da lingua galega. Este traballo achega unha nova perpectiva para ollar o galego e para sacar do esquecemento a situación de represión que viviu e vive a nosa lingua. A través da historia viva das súas protagonistas esta cinta amósanos a evolución social do galego e a percepción que os/as falantes tiveron e teñen dela, aproximándonos así ao pasado máis recente do idioma e tamén á súa situación actual.

Dende a A.C. Almuinha convidamos a todos/as os/as marinenses a ver este documental e a achegarnos as súas vivencias idiomáticas persoais e as súas opinións respecto á problemática que está a vivir na actualidade.

A memoria da lingua from as candongas do quirombo on Vimeo.

Elnosa emite 7 vezes mais mercurio do permitido na ria. Ence-Elnosa fora da ria já!!!

2010-11-19T13:15:00.003Z

Desde a A.C. Almuinha queremos manifestar a nossa gram preocupaçom em relaçom com a noticia aparecida nestes dias sobre os niveis de contaminaçom que soportam as comarcas próximas à zona industrial de Lourizám, tras a publicaçom do informe 'Inmisiones de mercurio en la industria clorcáustica 2006-2010' elaborado por investigadores da Universidade de Castela-A Mancha para a organizaçom ecologista “Ecoloxistas en acción”.

Nesta ocasom, é a fábrica de ELNOSA a que reclama a nossa atençom. Segundo o estudo mencionado, ELNOSA registra niveis de emissom de mercurio até 7 vezes superiores ao recomendado pola Organizaçom Mundial da Saude (OMS); mentres a OMS recomenda como límite máximo 200 nanogramos por metro cúbico de ar, este estudo detectou niveis de até 1408 nanogramos por metro cúbico de ar. Deste jeito, fica demostrado que a industria do cloro emite moito mais mercurio do que declara oficialmente, ponhendo em risco a saúde d@s vecinh@s e a qualidade do peixe que consumimos, e as quantidades de mercurio presentes no ambiente e no corpo humano seguem aumentando.

O mercurio, que se expande polo ar, auga ou solo, e pode percorrer grandes distancias chegando a lugares bastante afastados do lugar da emisom, provoca efeitos gravísimos sobre a saúde das pessoas, demostrado em diferentes estudos médicos, já que estamos a falar de um neurotóxico que pode afectar à formaçom do cerebro: trastornos neurológicos e de comportamento como tremores, labilidade emocional, perda de memória, trocos no sistema neuromuscular, dores de cabeça, problemas renais e de tiroides, e a exposiçom é moi preocupante durante o embarazo ou a lactáncia. Amais disto, pode provocar danos no sistema cardiovascular e por se nom fosse suficiente, os compostos do mercurio podem ser cancerígenos.

Esta alarmante situaçom é consequência da utilizaçom por ELNOSA de tecnologia obsoleta (tecnologia de celdas de mercurio), que data do século XIX, existindo na actualidade tecnologia moito mais limpa (processo de membrana) que elimiraria a contaminaçom emitida por este motivo, e que consume um 30% menos de energia. Por que ELNOSA nom substitúe esta tecnologia? Por um único motivo, o obxectivo de ELNOSA, como o de qualquer outra empresa privada, é a obtençom do máximo beneficio posível, e a substituiçom desta tecnologia por outra mais limpa supom ums custes que nom estám dispostos a asumir porque os beneficios seriam menores, e mais tendo em conta que a permanência do complexo industrial de Lourizám tem os dias contados em Lourizám. Estamos ante um exemplo mais de como o capital prioriza o lucro dumhas quantas pessoas (gestores e directivos da empresa) sobre a saúde da decenas de milheiros de pessoas que vivimos perto de Lourizám.

Mas se a prioridade da procura do lucro sobre a saúde da populaçom por parte de umha empresa é intolerável, que podemos dizer da postura dos nossos responsáveis políticos, que supostamente som eligid@s para defender o interesse geral? O Estado espanhol nom está a fazer nada para conseguir eliminar a contaminaçom emitida por causa do mercurio, e a Xunta menos ainda. As instituiçons político-administrativas (tanto galegas como espanholas) som instrumentos do capital, continuamente dam mostras de que prefirem beneficiar aos grandes intereses económicos que as necesidades da populaçom (tendo exemplos de sobra precisamente nestes tempos de crise onde som reduzidos os salários, as prestaçons, os serviços sociais…, mentres as grandes rentas, intocáveis, continuam livres de qualquer control, com os seus insultantes beneficios).

Por todo isto, esigimos-lhe à Consellería de Medio Ambiente, Territorio e Infraestructuras da Xunta de Galicia umha intervençom urgente, que deixe de dar escusas como que nos controis que fai a Xunta nom se inclúem os niveis de mercurio, que inclua a mediçom de mercurio nestes controis, e que ponha os intereses da maioria da populaçom por diante dos beneficios de ELNOSA.

Continuamos afirmando que é intolerável e inadmisível a permanência do complexo industrial ENCE-ELNOSA por mais tempo na sua ubicaçom actual. A saúde e o beneficio da maioria da populaçom tem que estar por riba do lucro dos gestores e directivos desta e de qualquer outra empresa, polo que esigimos a retirada inmediata do complexo ENCE-ELNOSA da nossa ria e que se obrigue a ELNOSA a limpar o solo e as augas que contaminassem (para o qual hai que fazer um control sobre a sua actividade e emisons).

Solidariedade co povo saaraui

2010-11-18T09:42:00.003Z

Perante os últimos acontecimentos ocorridos na Saara a A.C. Almuinha quer solidarizar-se co povo saaraui e reclama da comunidade internacional e do estado espanhol que deixen de fazer a vista gorda, 35 anos já bastam, e exijam do governo marroquino o cese de toda violência contra o povo saaraui e o cumprimento das resoluçons da ONU permitindo ao Saara decidir o seu futuro livremente, mediante o referendum de autodeterminaçom. A A.C. Almuinha dedica este fim de semana ao conflito saaraui projectando um documentário que está dividido en três capítulos, pondo os dous primeiros a sexta feira (venres) 19 a partir das 20h e o terceiro capítulo o sábado 20 às 20h no centro social Almuinha situado na rua Ezequiel Massoni nº 63.

Manifestaçom a prol dumha sanidade 100% pública

2010-11-18T09:39:00.003Z

A A.C. Almuinha manifesta o seu apoio à manifestaçom convocada pola Plataforma Sos Sanidade Pública para este próximo Domingo dia 21 de Novembro a partires das 12,00 h que sairá desde a Alameda de Compostela assim como fazer um chamamento à sociedade marinense para que que participe masivamente na mesma. Tam só com a mobilizaçom social se poderám parar os planos do governo galego para privatizar um serviço básico e necessário como é a sanidade.

O objectivo de maximizar o lucro que impera na empresa privada vai entrar em conflito com a qualidade dos serviços públicos básicos fornecidos, situaçom percebida só polos trabalhadores da sanidade e sem que o cidadao seja consciente. À consequência da precarizaçom destes serviços em funçom do lucro obteudo é que a esperança de vida nos países desenvolvidos capitalistas está em funçom da classe social à que se pertence porquanto os sectores sociais mais pudentes que som umha minoria podem compensar o pior serviço público concorrendo como clientes no mercado da sanidade privada cujos custes som proibitivos para a maioria social da Galiza.
Nos paises onde o sistema de financiamento é público e a provissom de serviços pode ser pública ou privada existe pressom por parte dos partidos neoliberais para que o sector público contrate mais com as empresas sanitárias privadas. Como acontece a nível galego com os chamados concertos, todo um negócio para os donos das clínicas e hospitais privados que na maioria dos casos têm relaçom directa com o poder político que aprova esses acordos. O poder político é um reflexo do económico.
Multitude de estudos demonstram que os centros privados som muito mais caros que os públicos sem que a sua eficiência seja melhor. Estes custes maiores som devidos aos maiores salários dos directivos e gastos de administraçom mentres os gastos em persoal sanitário som menores, consequencia de escatimar persoal em áreas que afectam à qualidade dos serviços, tais como serviços de enfermaría e tecnologia médica. A mortalidade nos centros privados é maior que nos públicos.
Contudo o sucesso destes centros privados depende do seu subfinanciamento com recursos extraidos á sanidade pública.
A actual situaçom de POVISA ante a apresentaçom imediata de um Expediente de Regulamento do Emprego que afectaria a mais de 1.000 empregadas/os como um movimento táctico de posicionamento empresarial e da Junta ante a situaçom que se abre com o novo hospital de Vigo; a participaçom de consórcios privados no financiamento da construçom e gestom deste hospital e o novo de Ponte Vedra polo que percebirám um canon pagado polo SERGAS durante 20 anos tras o que o custo estimado dos hospitais se estima em 6 vezes mais caro que de se empregar financiamento público e tras dito periodo haverá que enfrontar a obsolescência dessas infraestruturas e equipamentos; e o empioramento geralizado da qualidade dos serviços em todo o sistema público som paradigmáticos da política sanitária implementada polo governo do P.P. desde a Junta da Galiza.
O caso de Montecelo é especialmente gravoso para o sistema sanitário galego. Em lugar de aproveitar o investido para a sua ampliaçom e contando com as suas maiores possibilidades de alargamentos futuros permitidos polo PGOM, tem-se paralisado para centrar-se no novo hospital, empiorando a demora na atençom médica ao doente.
Convén lembrar também polo interesse que tem para tod@s @s marinenses, que o novo centro de saúde de Marim está projectado empregando o mesmo sistema que construçom dos novos hospitais de Vigo e Ponte Vedra, é dizer, dando entrada ao capital privado na sua construçom e gestom, multiplicando os custos e empiorando a qualidade dos serviços prestados.
O domingo tod@s a Compostela a Manifestar-se!!!

Contra as agressons medio ambientais ao monte em Marim

2010-11-11T07:40:00.005Z

COLECTIVOS A PROL DA CONSERVACIÓN DO MONTE PORNEDO DENUNCIAN AS AGRESIÓNS QUE SOFRE ESTE ESPAZO NATURAL E ARQUEOLÓXICO

Diversos colectivos veciñais e sociais de Marín, como Defende o Monte Pituco (Pornedo), a Asociación de Veciños de San Xulián, a Asociación Cultural Almuinha, o Colectivo Nacionalista de Marín, e a comisión técnica do proxecto de creación do Espazo Natural e Arqueolóxico dos Sete Camiños, alertan ás Administracións local e autonómica das agresións que vén sufrindo este contorno onde abundan gravados rupestres, elementos etnográficos e miradoiros naturais.

Recentemente localizouse no Alto do Pornedo un vehículo totalmente calcinado; trátase dun turismo que foi sustraído en Vigo, segundo averiguou a Policía Nacional de Marín.

Os autores do roubo prendéronlle lume ao coche nunha explanada situada a escasos metros do complexo rupestre de Pornedo, catalogado como Ben de Interese Cultural co código GA36026015. Estes colectivos consideran que os restos deste vehículo representan un perigo para o medio ambiente, polo que se dirixiron por escrito ao Servizo de Protección da Natureza da Garda Civil, á Concellería de Medio Ambiente de Marín, á Axencia de Protección da Legalidade Urbanística e á Dirección Xeral de Patrimonio Cultural da Xunta, así como á Comunidade de Montes de San Xulián, para informar deste feito delictivo e ante a preocupación pola necesidade de retirar a estrutura do coche e os demais elementos que foron destruidos polas lapas.

Os restos deste vehículo tamén representan un risco para a saúde e a seguridade das persoas que acoden ao monte nunha época, en pleno outono, especialmente propicia: afeccionados á micoloxía que percorren esta zona recolectando cogomelos, cazadores cos seus cans, e cidadanía en xeral que se despraza a este enclave para visitar os seus restos arqueolóxicos, os seus elementos etnográficos e para recrearse nos miradoiros naturais que ofrece o Monte Pornedo.

Outro motivo de queixa vai dirixido á acción dos pilotos de quads e motos que se desprazan ao Monte Pornedo para realizar prácticas de condución que están a provocar o deterioro desta zona e da súa orografía. O paso constante das rodas altera progresivamente a consistencia do chan, impide o crecemento da vexetación e, coa chuvia, provoca que se formen lameiras de considerables dimensións que rebordan monte abaixo. Sendo unha actividade irregular nun espazo de propiedade comunal, estes colectivos instan aos organismos competentes a intensificar a vixiancia para disuadir os pilotos que adoitan exercitarse neste lugar, desoindo a

veciñanza que os insta a respectar este contorno.

Fronte á indiferenza das entidades responsables da súa conservación, Defende o Monte Pituco (Pornedo), a Asociación de Veciños de San Xulián, Almuinha, o Colectivo Nacionalista de Marín e a comisión do Espazo Sete Camiños comprométense a velar polos valores ambientais e culturais deste enclave marinense, rexeitando e denunciando calquera acción de deterioro ou agresión: dende os efectos do botellón que emporcan con frascos e lixo o lugar, ata os verquidos incontrolados de cascallos, pasando polo grave extremo da queima ou abandono de enseres, e a práctica motorística nas ladeiras do monte.

Repúblicas de homes libres: na procura dos Lordomani. Manuel Gago no C.S. Almuinha

2010-11-01T22:01:00.005Z

A presenza dos normandos na Galiza ten xenerado centos de páxinas. Feitos, lendas e suposicións mestúranse entre si, e non é doado desbrozar. A relación de contactos cos normandos é longa, dilatada no tempo e desde logo intensa en sangue e ferro. Os homes do norte tocaron Galicia en catro vagas, algunhas veces deberon ser expedicións curtas de pillaxe e abastecemento no camiño cara as ricas cidades mediterráneas, e outras veces a cousa foi moito máis seria. Houbo unha política ao redor dos viquingos, unha política complexa que se traduciu en movementos bélicos, en políticas de defensa e en movementos de poboación.
Para falar dos viquingos, dos que se opuxeron a eles, dos que colaboraron con eles e das trazas que deles puideron quedar na Galiza este venres 5 de novembro ás 20:30 impartirá unha conferencia no centro social Almuinha, rúa Ezequiel Massoni nº 63, o xornalista e profesor da USC, Manuel Gago.

Manuel Gago é licenciado en CC. da Información pola Universidade de Santiago de Compostela. Na actualidade, é director de culturagalega.org, o portal de divulgación cultural do Consello da Cultura Galega e profesor asociado na Facultade de CC. da Comunicación da Universidade de Santiago de Compostela, formando aos novos xornalistas na especialidade de ciberxornalismo. Gago é autor de varios libros sobre xornalismo electrónico e arquitectura da información en Internet. Os últimos son Sistemas Digitales de Información (Pearson Prentice Hall, 2006) e Diseño Periodístico en Internet (UPV, 2007). É membro do Grupo de investigación en Novos Medios da USC, onde experimenta con prototipos de novos medios. O seu blogue persoal, Capítulo 0 (wwww.manuelgago.org/blog/) fundado en 2004, é o máis antigo en activo escrito en lingua galega.

Presentación do Espazo Natural e Arqueolóxixo dos Sete Camiños

2010-10-29T14:20:00.003Z

Este venres 29 de outubro ás 20:30 terá lugar a última das sesións das Xornadas audiovisuais sobre patrimonio que se viñeron desenvolvendo durante todo o mes de outubro no centro social Almuinha, rúa Ezequiel Massoni nº 63 baixo.

Durante todas as xornadas a través de distintos documentais os/as asistentes puideron comprobar a grande variedade e riqueza do noso patrimonio natural, arqueolóxico, etnográfico e inmaterial e a importancia de que este continue vivo para o desfrute de vindeiras xeracións.

Para este último día a A.C. Almuinha deixou a presentación en Marín do proxecto do Espazo Natural e Arqueolóxico dos Sete Camiños, un proxecto ideado polo arqueólogo Lukas Santiago e apoiado por máis de vinte colectivos entre os que se atopa a A.C. Almuinha. O espazo alén da súa riqueza paisaxística e natural conta cunha grande variedade de elementos arqueolóxicos: o Complexo rupestre do Pornedo, o Complexo rupestre do Piñeiral de Caeiro, os Petroglifos dos Sete Camiños, o Complexo rupestre do Regato dos Buratos/Outeiro da Mina, os Petroglifos da Cachada do Vello, os Petroglifos de Pumariño, o Abrigo rochoso da Campá, , as Mámoas de Chan da Lagoa nº1 e 2 e a Mámoa de Catadoiro.

Para esta presentación do proxecto do Espazo Natural e Arqueolóxico do Sete Camiños, contarase coa presenza dos membros da Comisión Técnica que está a traballar na súa posta en marcha, que explicarán as razóns que xustifican este proxecto e os distintos elementos que o compoñen, e cunha proxección en primicia: o pase previo do documental: "Sete Camiños, encrucilada do tempo".

"O Monte do Seixo, a montanha mágica"

2010-10-20T07:35:00.003Z

A Associaçom Cultural Almuinha de Marim convida a todas e todos, vizinhos/as de Marim e comarca a assistir a um novo acto das jornadas audiovisuais adicadas ao conhecimento, conservaçom, recuperaçom e posta em valor do nosso património natural, etnográfico e arqueológico.

Esta semana temos programado a projecçom de um documentário titulado "O monte do Seixo: a montaña máxica" realizado polo Grupo de estudos etnográficos Serpe Bichoca. Intervirám Rafael Quintía, Joao Bietes e Calros Solla que ademais apresentarám o 1º número da revista Fol de Veleno. Calros Solla é também autor de duas obras sobre este monte: "Reivindicación da Montaña Máxica" de 2007, e a reediçom ampliada e melhorada "Monte do Seixo. O santuário perdido dos Celtas" de 2008, nos que se basea o audiovisual.

Com duraçom de 125 minutos o documentário acerca-nos o patrimonio natural, material e inmaterial do monte do Seixo, em Terra de Montes, onde convergem os concelhos de Cerdedo, Cotobade e Forcarei e mais do de Beariz. Localiza-se na Serra do Cando e O Outeiro do Coto (1.015 metros de altitude) é un mirador privilegiado sobre as Rías Baixas.

O traballo audiovisual fai un repaso das trinta estacións míticas do monte e as súas riquezas patrimoniais: mámoas, petroglifos, gravados de termo, a «ara solis» da Cruz do Seixo, Portalém, a Porta do Outro Mundo, a importante perafita do Marco do Vento; os milhadoiros da Fonte da Urce e Onde Morreu o Home; as rodeiras do Campo Juncal, a neveira de Cimadevila; O Castro Grande, olimpo da mitología popular, e a Laxa Mosqueira, penedo de fertilidade.No monte do Seixo seguem-se a celebrar na actualidade romarias que constituem a cristianizaçom de antigos ritos paganos.

Serpe Bichoca reclama a conservaçom do monte e a sua potencialidade como parque temático da mitología galaica.

No audiovisual colaborarom informantes, actores afeiçoados, arqueólogos e historiadores, e pretende ser também umha homenagem aos narradores orais, aos maiores das aldeias da contorna do monte que transmitirom a súa sabedoría, herdada dos seus devanceiros.

Na banda sonora do filme participa a agrupación O Chichisos. Destaca o trabalho de animaçom de Joao Bieites e as estampas de seres míticos do Seixo elaborados por Francisco Sutil e Mónica García.

O acto terá lugar o próximo venres 22, sexta-feira, no Centro Social Almuinha da rua Ezequiel Massoni, número 63 a partires das 20,30 horas.

Outubro: Xornadas audiovisuais sobre patrimonio

2010-10-01T11:06:00.004Z

Para este mes de outubro a A.C. Almuinha organiza unhas xornadas audiovisuais sobre patrimonio. Nestas xornadas proxectaranse unha serie de documentais cunha posterior conferencia sobre o patrimonio arqueolóxico, natural e etnográfico.
Con estas xornadas a A.C. Almuinha pretende dar a coñecer o amplo, variado e rico patrimonio que posuimos os galegos e galegas e que polo escaso valor que lle atribuimos provocado polo descoñecemento do mesmo está en perigo polo urbanismo máis salvaxe e os intereses privados. Así durante anos fomos testemuñas da destrución de numeroso patrimonio arqueolóxico e natural por culpa de polígonos industriais, autovías, parques eólicos, encoros...
Mais tamén hai un patrimonio que a pesares de non ser físico é tan ou máis importante ca este posto que forma parte da xeito de ser do pobo galego, fala, lendas, tradicións, costumes...que tamén se están a perder a causa da globalización uniformizadora.

A programación durará todo o mes de outubro e consta das seguintes xornadas:

venres 1 ás 20:30 xornada adicada ao PATRIMONIO INMATERIAL que inclúe a proxección de "Galeg@s universais. Historias do mar" e posterior debate co arqueólogo e director do documental Lukas Santiago.
venres 8 ás 20:30 xornada adicada ao PATRIMONIO NATURAL ( Río dos Gafos, patrimonio recuperado) que inclúe a proxección de "A Loita pola luz no Río dos Gafos" e posterior conferencia a cargo do presidente da asociación Vaipolorío, Gonzalo Sancho.
venres 15 ás 20:30 xornada adicada ao PATRIMONIO ARQUEOLÓXICO que inclúe a proxección do documental " O´Neixón: Historia viva dun castro" e posterior debate co arqueólogo e director do documental Lukas Santiago.
venres 22 ás 20:30 xornada adicada ao PATRIMONIO ETNOGRÁFICO que inclúe a proxección do documental "O Monte do Seixo: A montaña máxica" e posterior conferencia dos membros do Grupo Etnográfico Serpe Bichoca, directores do documental, Calros Solla, João Bieitez e Rafael Quintía.
venres 29 ás 20:30 xornada adicada ao PATRIMONIO MARINENSE que inclúe a presentación do Espazo natural e arqueolóxico dos Sete Camiños, coa estrea dunha pequena presentación do proxecto e posterior debate a cargo dos membros da comisión xestora do proxecto.

Setembro, xornadas a prol da folga

2010-09-08T15:00:00.002Z

A crise económica que estamos a vivir está a ser aproveitada polo capital e os seus acólitos, partidos liberais e disque socialistas, para lanzar unha brutal ofensiva contra os dereitos laborais e sociais conquistados durante anos de loita da clase traballadora.

Na A.C. Almuinha consideramos que existen suficientes motivos para apoiar a mobilización da clase traballadora para parar este ataque do capital que fai repercutir as consecuencias da crise do capital financeiro internacional e de sectores como a construción, sector do automóbil, etc, sobre os traballadores en forma de reformas laborais que precarizan todavía máis a situación laboral dos empregados e animan ao despedimento; recortes nos salarios dos empregados públicos, conxelación das pensións, precarización e privatización dos servizos públicos como a sanidade e a educación, axudas ao sector privado a cargo do diñeiro público.

Mais a ofensiva do capital non rematará se non lle poñemos freo con esta reforma laboral, cernese sobre a clase traballadora medidas como a reforma do sistema de pensións, o aumento da idade de xubilación e incremento de número de anos cotizados para ter dereito á mesma, o copago da sanidade e posterior privatización e moito máis.

A folga xeral convocada para o 29 de setembro non pode ser o fracaso que desexan os sindicatos do capital, CCOO e UXT, ten que ser un primeiro paso para recuperar os nosos dereitos, un primeiro paso para recuperar a nosa dignidade como clase traballadora. É por isto que a A.C. Almuinha quere pór unha pequena pedra na construción do camiño da dignidade e organiza unhas xornadas que durarán todo o mes e que consistirán na proxección de documentais e filmes e nunhas charlas dirixidas a animar e a concienciar á clase traballadora da necesidade dunha verdadeira folga.

A A.C. Almuinha presenta alegación ás DOT

2010-09-01T11:22:00.001Z

As Directrices de Ordenación do Territorio, DOT, deben ser o instrumento de futuro que defina un modelo territorial para Galiza que permita un crecemento ordenado e sustentábel compatibilizando as actividades económicas coa conservación do noso medio.

Aínda que no documento redactado hai múltiplas referencias ao crecemento sustentábel sempre aparece subordinado este ao obxectivo, para a Xunta, máis importante do crecemento económico. Aposta así a Xunta pola continuidade dun modelo depredador dos nosos recursos naturais en benificio duns poucos, no canto de apostar por un outro modelo que poña límite á destrución do noso territorio.

A Xunta dacordo co Plano MOVE proxecta a construción de grandes infraestruturas viarias fomentando aínda máis o uso do transporte privado fronte a un transporte colectivo de calidade e para todos/as. A construción destas estradas de alta capacidade levará aparellada consigo a destrución do medio e lonxe de reducir os problemas de tráfico agravaráos aínda máis debido ao efecto chamada contribuíndo ao empeoramento dos efectos do cambio climático.

No que a Marín e ao Morrazo respecta a Xunta o documento redactado deixa sen protección a espazos de incalculábel valor ambiental, paixasístico e patrimonial como os Montes do Morrazo, o entorno de Cotoredondo, lagoa de Castiñeiras, cabo Home e Barra abrindo a posibilidade de que se leven a cabo agresións a estes espazos que poderían incluso significar a desaparición destes tal como os coñecemos.

Chama significativamente que o entorno de Cotoredondo e a lagoa de Castiñeiras, espazos naturais até o de agora protexidos, sendo unhas das paraxes que pola súa beleza e valor ambiental son mellor valoradas pola poboación se lles quite agora a protección.

Son múltiplos os xacementos arqueolóxicos catalogados nos espazos que agora se deixan sen protección que se poden ver ameazados por infraestruturas viarias, polígonos industriais, existindo un interesante proxecto de creación de espazo arqueolóxico apoiado xa por distintos colectivos e comunidades de montes “afectadas” polo proxecto. Este proxecto pódese consultar no seguinte enderezo web: www.espazosetecaminhos.tk

Debería ser propio dunha sociedade do século XXI, tendo en conta o cambio climático, sumar cada vez máis entornos naturais á rede de espazos protexidos para poder así salvagardar da destrución lugares de interese natural, ecolóxico e patrimonial para futuras xeracións no canto de ir cara atrás e eliminar a protección aos espazos xa protexidos.

Mais unha vez máis imponse o lucro desta sociedade en crise capitalista e moito nos tememos que a desaparición da protección dos Montes do Morrazo teña que ver coa intención de construír dous polígonos industriais nas zonas do Monte Pornedo e na Pastoriza, no concello de Marín. A construción destes dous polígonos ademais de supor unha enorme agresión ambiental terían un enorme impacto visual, xa que no caso do monte Pornedo o polígono podería verse dende calquera punto da ría de Pontevedra, por situarse nun lugar destacado da paisaxe, e o estar no anfiteatro natural de Marín, a vila quedaría encaixonada entre o porto e o polígono; e no caso do polígono de Pastoriza, sería visto dende gran parte da Ría de Pontevedra e da Ría de Vigo, por sitúase nun lugar destacado da paisaxe dende ambas.

A construción do polígono no monte Pornedo suporía un enorme impacto arqueolóxico ao contar a zona con numerosos xacementos como o conxunto de gravados rupertres do Pornedo, conxunto de gravados rupestres do Piñeiral do Caeiro, petroglifo dos Sete Camiños, mámoa de Catadoiro, mámoas de Chan da Lagoa.

Os numerosos e brutais desmontes que habería que realizar para a construción dos polígonos debido á pendiente, especialmente no caso do monte Pornedo, xunto coa grave afección natural e patrimonial chocan de fronte co criterio das propias DOT que di que “na elección das alternativas das áreas empresariais primará a prevención dos seus posibles efectos sobre o medio fronte á súa corrección, mitigación ou compensación, polo que se considerarán as limitacións derivadas dos condicionantes topográficos, da proximidade de asentamentos de poboación, da posible afección ó ámbito de influencia do patrimonio natural e cultural ou doutras actividades produtivas primarias ou terciarias, da visibilidade ou fraxilidade paisaxística, etc., e deberase xustificar neste senso a idoneidade da localización finalmente seleccionada”.

Dende A.C. Almuinha queremos amosar o noso total rexeitamento, como xa fixemos en anteriores ocasións, ao polígono proxectado no monte Pornedo e é por iso que non podemos máis que amosar o noso asombro, aínda que non sorpresa, pola actitude da corporación municipal que na súa totalidade acordaron solicitar da Xunta a cualificación dos Montes do Morrazo como espazo natural protexido mais deixando fóra o monte Pornedo para así poder axilizar canto antes a construción do polígono industrial na zona.

A.C.Almuinha contra as touradas na Galiza

2010-07-30T06:33:00.010Z

A Associaçom Cultural Almuinha apoia a manifestaçom contra as touradas em que partirá manhá sábado 31, as 20,00h da Praça da Peregrina de Ponte Vedra, convocada por diversas entidades ecologistas, conservacionistas, ambientalistas, culturais e políticas.

Consideramos que as touradas além de ser umha practica selvagem e violenta contra de um animal indefesso que acha umha morte inútil depois de umha tortura atroz, constituem toda umha patologia mental do ser humano alheia totalmente a Galiza e ao valor que na nossa cultura e economia tradicional teve o gado vacuno. Um meio de produçom e sustento da comunidade rural e um meio de extraçom de um excedente para obter uns ingresos adicionais.

As touradas nem som galegas nem som ate nem cultura. Seguem a ser um costume com os que os poderes espanholistas mais ráncios seguem a se identificar e assi se pom de manifesto na airada reacçom que a recente proibiçom por parte do parlamento catalám provocou em ditos sectores das oligarquias espanholas.

Fazemos nossas as reivindicaçons exprimidas na convocatoria deste ano:

O cessamento imediato de ajudas encobertas às touradas por parte de todas as instituiçons públicas, nomeadamente a Deputaçom de Ponte Vedra, principal suporte público das touradas em Ponte Vedra.
Que o Parlamento da Galiza modifique a Lei 1/1993, de Protecçom de animais domésticos ou selvagens em cativeiro, que exclui no seu artigo 5º as touradas, para que proíba estas actividades.
O cessamento do uso de espaços públicos para a promoçom das touradas, assim como a supressom nos programas de festas editados pola cámara municipal.
A reconversom da praça de touros num coliseu para espectáculos culturais e concertos.

Ademais de estas reclamaçons compartilhadas com as distintas entidades convocantes da manifestaçom reclamamos ao nosso governo municipal que declare a nossa vila como “Cidade antitouradas e amiga dos animais”.
Assi mesmo animamos a todas e todos os que defendem e amam a vida, a natureza e a nossa cultura a manifestarem-se o sábado em Ponte Vedra.

Dia da Pátria em Marim

2010-07-18T16:01:00.010Z

O vindeiro domingo é o 25 de Julho, o Dia da Pátria, e com tal motivo a nossa associaçom tem organizado en Marim diversos actos que começan a sexta-feira 23 às 22h com um concerto do cantautor punk ou canhautor Leo i Arremecaghona no centro social Almuinha (Ezequiel Massoni nº 63), para logo dar passo a umha LK Sesion onde ademais de gozar com música galega qualquer pessoa que se animar possa amossar suas habilidades musicais ou artísticas no escenário do centro social.

O sábado 24 de julho a partir das 10:30 da manhá e desde o porto de Aguete a A.C. Almuinha em colaboraçom com o Grupo Cultural o Ronsel organiza umha saída à ria em embarcaçons tradicionais ademais de um roteiro polos muinhos do rio Loira. Já às 14h para recuperar forças a A.C. Almuinha tem previsto un jantar popular na casa da cultura de Seixo a base de churrasco ou alternativa vegana com um preço de 10€ tendo que reservar con antelaçom aquelas pessoas que queiram assistir no telefone 606595310 ou no correio a.c.almuinha@gmail.com.

MANIFESTO

Um novo ano com a chegada do forte calor do verám e o 25 de julho celebramos o Dia da nossa Pátria em que as galegas e galegos saimos às ruas para amossar o nosso orgulho por nos sentir parte de umha naçom que, a pesar dos múltiplos atrancos históricos, segue a existir, porque ademais de um pasado e história muito definidos que assim o avalam também tem um presente com vontade de trabalho para ganharmos o direito a decidir o nosso futuro.

Mas este é só, aínda que especial, un dia mais dos 365 de trabalho e luita por alcanzar um futuro mais digno e livre para Galiza. Um futuro que garanta a nossa pervivência como povo com umha identidade cultural, umha língua, uns costumes, um hábitat cada dia mais ameazados pola marea uniformizadora espanhola.

Num contexto político delicado para a defessa dos direitos dos povos, no que as altas instituiçons espanholas estám a marcar os límites que impedem o exercício da soberania nacional às naçons sem estado como Galiza e que nem tam sequera respeita as decissons tomadas polos povos para obter um maior autogoverno dentro do marco do estado debemos fazer fincapé em unir as nossas maos para trabalhar mais arreo na defessa dos nossos interesses como povo e como trabalhadores/as.

Neste contexto involutivo em que nos imponhem desde os meios de incomunicaçom e os distintos governos que nom há mais naçom que umha, no que qualquer acontecemento deportivo como o passado mundial é aproveitado para exaltar os símbolos do estado uniformizador e centralista, mentres som atacados os direitos das trabalhadoras/es galegas/os para arranjar a crise que povocarom os especuladores, devemos ter esperança porque a sociedade civil galega comece a espertar e respostar a dificil situaçom que atravesamos. Assim constatamos nos últimos anos o nascimento e consolidaçom de numerosas iniciativas sociais e culturais como som a criaçom de numerosos centros sociais, associaçons culturais, educativas que vertebran umha aposta clara por sobreviver como país.

Desde a A.C. Almuinha queremos animar a todos/as os/as galegos/as a participar nas manifestaçons convocadas para celebrar o Dia da Pátria 2010 em Compostela o vindeiro domingo 25 e a pendurar a nossa bandeira nacional das janelas a todas/os os/as vizinhos/as de Marim e comarca.

Os galegos e galegas nom temos rei!!! Fora monarquia da Galiza

2010-07-13T08:43:00.009Z

A nossa associaçom quer amosar o seu rejeitamento à visita da familia real a Marim a vindeira sexta 16 de julho para a entrega de despachos na escola naval e programa para a tarde-noite da sexta no centro social Almuinha (Ezequiel Massoni nº 63, Marim) un campionato de matraquinho cuja inscriçom será de 4€ e com uns prémios do 75% do recadado para os/as ganhadores/as e o restante 25% para os/as segundos/as. A continuaçom para aqueles/as que assim o desejem haverá umha ceia cujo custe é de 5€ e a seguir umha pequena festa. Este 16 de julho amosa o teu apoio á República galega pendurando umha bandeira galega na tua fiestra e assistindo e partipando no campionato de matraquinho e na festa. Os galegos e galegas nom temos rei!!!! República Galega.

Nota de imprensa

A aceitaçom da monarquia, nom é compatível na Galiza com a defesa de umha sociedade caracterizada pola igualdade de direitos e oportunidades para todas e todos e com o respeito dos direitos políticos colectivos que como naçom nos assistem, nomeadamente, o direito de autodeterminaçom nacional. Dita instituiçom é dividora do régime anterior já que o Rei D. Juan Carlos I tem jurado os princípios do chamado “movimiento nacional” do ditador espanhol Franco.

A monarquia espanola significa a consolidaçom da unidade política do estado espanhol tras subjugar baixo um só Reino de Espanha os distintos reinos penínsulares incluido o Reino de Galiza cuja órgao de governo ou Junta teve actividade autónoma até o século XIX.

Significa a prevalência da normativa orgánica e legislaçom derivada do estado espanhol sobre o direiro foral e civil galego cujas origens se remontam noutrora a mais de mil quinhentos anos desde a instauraçom do Galliciense Regnum, primeiro reino feudal da Europa (dato negado ou no melhor dos casos ignorado interessadamente pola historiografia espanhola).

Os representantes soberanos das instituiçons galegas medievais foram perseguidos e assassinados e som, desde entom, assimilados tendenciosamente à monarquia Leonesa e Asturiana ou Castelhana, pola historiografia oficiosa e anti-científica prevalente (a história escrevem-na os vencedores). As crónicas dos historiadores de Al-Andalus, as sagas islandesas, documentos dos francos ou numerosos documentos históricos originais contradizem aos historiadores mais famoseados e mediáticos do mediocre panorama cultural espanhol.

Bem é certo que nunca defenderemos em pleno século XXI a restauraçom monárquica na Galiza, senom que optamos por um exercício da nossa soberania nacional galega em forma de república mas também nom devemos esquecer a nossa história.

Nom aceitamos no dia de hoje que a representaçom de um estado fique em maos de umha estirpe privilegiada que nunca submete a sua eleiçom e continuidade ao referendo popular e democrático; que representa a negaçom dos direitos nacionais da Galiza; que unifica a representaçom do estado com a chefatura das forças armadas cuja funçom constitucional essencial é a preservaçom da sua unidade territorial, negando a possibilidade democrática de exercicio da soberania a sujeitos políticos colectivos distintos do que denominam “nacion española” e que cumpre a sua funçom constitucional graças a umha importante partida global dos orçamentos do estado de quase nove milhons de euros para este ano 2010 segundo informa a própria Casa Real espanhola.

Um orçamento que evade o controle de umha fiscalizaçom pública efectiva por parte do Tribunal de Contas, e que é completado, por se ainda fosse pouco, por distintas partidas a cárrego dos ministérios correspondentes, destinadas para gastos de segurança, viagens, viaturas oficiais e condutores, mantimento do Paço da Zarzuela, etc, e que nestes tempos de crise de desemprego, recurtes para os direitos dos trabalhadores e trabalhadoras e desmantelamento dos serviços públicos todavía é de maior destaque que a família real conserve todos os seus privilégios.

Festas en Marim

2010-07-12T09:05:00.002Z

Desde a associaçom cultural Almuinha desejamos comunicar o nosso parecer sobre a orientaçom do programa de festas 2010 que estám a ponto de começar. Embora valoremos a presença de várias formaçons musicais e artísticas galegas nos tememos que umha parte importante do orçamento adicado às festas irá para os petos de artistas como Bustamante ou OBK, cuja profissionalidade nom pretendemos valorar mas que nom aportam nada novo a um panorama musical imposto polos meios de comunicaçom principais controlados por grandes grupos empresariais, que optam por apoiar toda produçom seudocultural cuja mensagem artística nunca entra em contradiçom com os valores que aqueles grupos de poder defendem. Botamos de menos em umhas festas programadas por nacionalistas galegos de esquerda mais sensibilidade ao respeito. Nesta linha desejariamos que a componhente galega das festas fosse a principal porquanto, na realidade é a que pode concitar maior unidade entre a vizinhanza de Marim e comarca e os visitantes que se venhem a esta terra é para conhecer à sua cultura, música, língua e costumes pois para ver a Bustamente podem faze-lo através das rádio-fórmulas empresariais, das numerosas canles de TV espanholas ou mesmo ficando nas suas cidades de origem. Os paises mais desenvolvidos do mundo nom esquecem a sua cultura. Por que o respeito à cultura própria nunca é óbice para abraçar o progresso, muito ao contrário, assenta as bases para o auto-conhecimento e respeito do próprio. E sem respeito ao próprio nunca poderemos ser valorados polo resto do mundo. Com isto nom pretendemos dizer que todas as actuaçons e actividades sejam exclusivamente galegas, mas tampouco que as principais actuaçons sejam foráneas. A este respeito umha das nossas propostas para o programa das festas seria a participaçom de algum artista de Portugal ou do mundo lusófono, tendo em conta as cousas que compartimos e as oportunidades que nos oferece aos/às galeg@s, e como jeito de fomentar as relaçons sociais e culturais com o mundo lusófono, considerando amais a grande qualidade artística de muitos dos seus artistas. Outra característica que observamos negativamente é a falta de separaçom das festas dos actos religiosos católicos que um ano mais abondam no programa. Cremos que as intituiçons públicas devem defender a laicidade e neutralidade religiosa nos actos públicos,com independência que as confesons religiosas, possam programar de seu quantos actos decidam em coincidência com as festas do verám. Consideramos que estas festas respostam a um modelo de festa que reserva ao cidadám um papel de observador de "espectáculos" e promove e fomenta umha nula participaçom cidadá nas festas. Assi, botamos em falta actividades participativas onde @s marinenses nos sintamos partícipes das festas, como suxeitos activos, e nom reduzir o papel da cidadania a suxeitos pasivos consumidores de "espectáculos", como por exemplo poderiam ser actividades como as relacionadas com os desportos e jogos tradicionais galegos como a bilharda, trainhas, a chave..., jogos para meninh@s, ou outros jogos mais internacionais como o futsal, o basket... Também respostaria a esta intençom de fomentar a participaçom cidadá nas festas a realizaçom de um serám ou foliada onde qualquer pessoa ou grupo poderia participar livremente. Por outra banda, vemos que no programa das festas nom hai actividades para @s meninh@s nim para a mocidade. Consideramos que as festas devem ser para tod@s, oferecendo actividades e propostas que impliquem e fagam partícipes das mesmas a todos os grupos de idade. Afinal, notamos o recurte no que a actos e dias de festas diz respeito. Apesar de atravesar umha época de crise económica importante e fortes limitaçons no gasto público poderiamos recurta-lo de jeito considerável em só dous actos (Bustamante e OBK) e com esse montante programar mais umha semana de actividades em chave galega, participativa, tradicional e a fim de contas que nos fagam sentir membros de um povo galego, de marinheiros, industriais, trabalhadores, estudantes, com muitas tradiçons a recuperar e conservar e com défice de auto-conhecimento e de valoraçom do próprio. Eis umha crise secular a superarmos para enfrontar um futuro com maior dignidade.

Campanha de incremento de sócios

2010-06-29T07:33:00.002Z

Na A.C. Almuinha levamos mais de dous anos trabalhando arreo na defesa da nossa lingua, da nossa cultura e do nosso pais e pola procura da xustiza social. Este projecto nasceu com a pretenssom de ser um instrumento amplo, integrador e plural na defesa destes obxectivos, e nestes dous anos fomos quem de construir um projecto sério dinamizando a vida social e cultural marinense, em geral bastante apática (roteiros, jornadas gastronómicas, festas da lingua, magostos, cursos, palestras, debates, projecçons, recuperaçom de jogos populares como a bilharda ou da figura do apalpador, grupo de pandereteiros/as, defesa do ambiente e do nosso património, participaçom em debates públicos...).

Recentemente, vimos de dar o nosso passo mais ambicioso com a apertura do nosso Centro Social no passado mês de dezembro: um espaço onde poder realizar as nossas actividades; ao serviço das pessoas, associaçons ou entidades marinenses que precisem dum espaço onde poder desenvolver os seus projectos; e que nos permite ter um contacto mais directo com a cidadania. Mas o nosso projecto nom remata aqui, agardamos seguir medrando e dando novos passos cara adiante. Para continuar avanzando comezamos umha pequena Campanha de incremento do número de sócios/as da A.C. Almuinha, solicitando a colaboraçom de todas aquelas pessoas que o desejem a que se animem, que se associem à A.C. Almuinha e participem activamente neste projecto. Cum pequeno esforço colaborarám a sustentar este projecto tam ambicioso e necessário para a nossa vila e para o pais. Para fazer-se sóci@ tam só seria preciso ponher-se em contacto a través do correio electrónico (a.c.almuinha@gmail.com), telefone (677 049 789), ou bem passar polo nosso local social (Ezequiel Massoni 63) as segundas-feiras ou as sextas-feiras a partir das 20:00, assim como em qualquer das nossas actividades.

Seram fim de aulas na sexta 25 de Junho no Centro Social Almuinha

2010-06-22T13:24:00.001Z

Desde A.C. Almuinha informamos de que esta sexta feira, 25 de Junho, terá lugar no nosso Centro Social e em colaboraçom co Projecto Trepia, um Serám.

Com motivo do final dos Cursos de Música Tradicional que impartem os/as membros do Projecto Trepia em distintas localidades da comarca de Ponte Vedra, terá lugar um Serám de Fin de Curso. O Seram dará começo às 21:00 e prolongara-se ata as 00:00 aproximadamente, e contará coa presencia de grupos de pandereteiros/as como Almuinheira, Maravallada, entre outros.

Neste senso, queremos convidar a todas aquelas pessoas que poidam estar interesadas a que participen no mesmo que terá lugar no centro social da associaçom ubicado em Ezequiel Massoni, 63-res do chao, sendo por suposto a entrada de balde.

Para maior informaçom, podedes ponher-vos en contacto com:

A.C. Almuinha no telefone 677 049 789 ou no mail a.c.almuinha@gmail.com

Marcha contra Ence e ceia no centro social

2010-05-31T15:56:00.008Z

Mais um ano, a A. C. Almuinha quer mostrar o seu apoio à marcha anti-ENCE convocada pola Asociación para a Defensa da Ria de Ponte Vedra para este sábado 5 de junho na que os membros da nossa associaçom participaremos activamente e que partirá as 19,30h como vem sendo habitual das Alamedas de Marim e Ponte Vedra respeitivamente.
Pensamos que este ano a movilizaçom devera ser mais intensa porquanto a intençom da Junta do Partido Popular para o futuro da ENCE som a continuaçom no seu assentamento em Louriçám se atendemos à sua decissom de aceitar a trámite a solicitude de autorizaçom para a instalaçom de umha planta de biomasa no recinto da fábrica por um periodo de 30 anos.
Nesse caso estariamos ante a consolidaçom do complexo contaminte ENCE-ELNOSA para além do ano 2018 tirando por terra o direito do povo da comarca a poder recuperarmos o litoral e a Ria para o desfrute do seu entorno natural e para umha exploraçom económica sustentável que repercuta na melhora da saude e do nível de vida de todas nós gerando mais postos de trabalho dos que agora fornece ENCE-ELNOSA.

À volta da marcha, animamos-vos a todas e todos a participar na ceia a base de ensaladinha, petiscos e bebida que celebraremos no Centro Social Almuinha no número 63 da rua Ezequiel Massoni. Todo aquel que queira reservar pode faze-lo no número 606595310 ou directamente no centro social à volta da marcha. O seu custo será de 5€ para cobrir gastos.

Neste 2010 e mais que nunca: CELULOSE NOM, FORA DA NOSSA RIA !!

Sábado 29 ás 20h torneo de futbolín no centro social

2010-05-21T22:26:00.009Z

O vindeiro sábado día 29 de maio a partir das 20h celebrarase no centro social Almuinha, na rúa Ezequiel Massoni nº 63, un torneo de futbolín.
Matraquilho, matreco, pebolim, toto, taca taca, fuchín son algúns dos nomes polos cal tamén é coñecido este popular xogo ideado no ano 1937 polo inventor galego Alexandre Campos Ramírez máis coñecido como Alexandre de Fisterra.
A inscripción cuxo prezo é de 4€ por parella poderá facerse no centro social o mesmo día do torneo. A parella gañadora do torneo levarase como premio o 75% do recadado coas inscripcións do torneo e o 25% os segundos clasificados.
Animádevos a participar e buscade unha parella de xogo para este sábado e difundide o torneo entre as vosas amizades e coñecidos/as, canta máis xente xogue maior será o premio.

CENTRO DE SAÚDE 100% PÚBLICO

2010-05-18T14:31:00.001Z

Nos últimos días, malia non contar con ningunha partida nos orzamentos deste ano, o PP vén de anunciar a través da súa portavoz en Marín, María Ramallo, que pretenden comezar na nosa vila as obras do novo centro de saúde este mesmo ano.

A construción dun novo centro de saúde é umha necesidade para a veciñanza marinense que non se pode demorar por máis tempo, posto que a asistencia sanitaria dispensada no obsoleto edificio da Casa do Mar e no inapropiado centro de saúde deixan bastante que desexar, con moitas carencias e deficiencias tanto para os/as trabalhadores/as como para os/as doentes.

O Partido Popular coa vista posta nas municipais do ano que vén e conscientes da urxencia que ten Marín de contar cun novo centro de saúde tentan con este anuncio tirarlle proveito electoral ao inicio das obras aproveitando ademais a crise e a por eles proclamada “austeridade” para dar un paso máis na privatización da sanidade.

O novo centro de saúde construirase seguindo os principios que se pretenden aplicar para a a construción dos novos hospitais de Vigo e Pontevedra e que están a xerar un grande malestar social. O financiamento, a construción e a xestión vanse pór nas mans dun consorcio privado de construtoras, aseguradoras e bancos supoñen un paso adiante no desmantelamento da sanidade pública o que xa provocou que milleiros de persoas saisen ás rúas para amosar o seu rexeitamento a estas políticas privatizadoras.

Este modelo de construción e xestión de hospitais que se pretende levar a cabo tamén co centro de saúde de Marín xa ten demostrado as súas carencias noutras comunidades autónomas, resultando máis cara e aumentando a precariedade dos/as traballadores/as e empeorando a asistencia pública, resultando unicamente beneficiadas unhas empresas privadas que no canto de seren castigadas por ser parte da crise que atravesamos son premiadas co goloso pastel da sanidade.

A.C. Almuinha considera que non podemos nin debemos consentir que a sanidade sexa posta en mans privadas, submetida ás regras do mercado, subordinando as necesidades dos/as doentes ao lucro de varias empresas privadas máis interesadas en acadar beneficios que en proporcionar un bo servizo aos/ás doentes aforrando custes para incrementar beneficios.

Se Marín non conta aínda cun novo centro de saúde,tan necesario dende hai anos, é pola deixadez e a falla de interese en Marín dos distintos gobernos autonómicos e a manifesta incompetencia dos políticos de turno que ocuparon e ocupan a poltrona municipal. Dende A.C. Almuinha reclamamos a construción urxente dun novo centro de saúde na nosa vila mais só aceptaremos que sexa construido, financiado e xestionado de xeito totalmente público.

Sábado 15 de maio: FESTA DA LINGUA

2010-05-09T14:15:00.003Z

O vindeiro sábado 15 de maio con motivo do día das Letras Galegas a A.C. Almuinha organiza un ano máis e por terceiro consecutivo a Festa da Lingua.

Fronte a actitude etnocida do Partido Popular no goberno da Xunta de convertes aos galegos e galegas do futuro en analfabetos na lingua propia da nosa terra, o noso sinal de identidade máis importante, a nosa asociación prepara unha xornada festiva e reivindicativa para facer ver a todo o mundo que a nosa lingua está viva e que como veñen demostrando milleiros de persoas no último ano hai xente disposta a defendela.

A festa terá lugar no entorno da alameda de Marín a partir das 11 da mañán e haberá distintas actividades destinadas a públicos de todas as idades: contacontos, malabares, globoflexia, música e baile tradicional, recital de poesía colectivo e unha solta de libros viaxeiros.

Ao remate das actividades na alameda a festa trasladarase ao centro social Almuinha, na rúa Ezequiel Massoni nº 63, tendo lugar un xantar popular a base de carne ao caldeiro ou ben prato vexetariano, sobremesa, café e licores cun prezo de 10€. Reservas no teléfono 677049789, no correo a.c.almuinha@gmail.com ou ben achegándose ao centro social.

Para o venres día 14 ás 20:30 na biblioteca municipal de Marín a A.C. Almuinha en colaboración co Grupo Cultural o Ronsel proxectará o documental "O salario do silencio" realizado por Enrique Banet onde se relata o que está a suceder en Ferrol terra coa planta de gas de Reganosa. Haberá tamén un coloquio onde intervirán o propio director do documental, Enrique Banet, a actriz, Mabel Rivera e o membro do Comite Cidadán de Emerxencia de Ferrol, Alexandre Carrodeguas. Ao rematar a proxección haberá unha pequena recepción a base de petiscos no centro social Almuinha.

Actuación de Almuinheira na anha urbana

2010-05-09T09:52:00.003Z

Anha urbana en Pontevedra

2010-05-06T20:26:00.004Z

Este vindeiro sábado día 8 de maio o grupo de pandereteiros e pandereteiras da nosa asociación, Almuinheira, participará un ano máis da anha urbana xunto con outros grupos da comarca e arreodores organizada pola asociación cultural Trépia.

A anha comezará as 11:30 da mañá na praza de Mugartegui en Pontevedra. As persoas que se acheguen poderán gozar dun dos itens culturais máis peculiares da nosa terra, a música con sachos, para recordar unha tradición que dende a nosa asociación pretendemos manter aínda viva.

Coñecendo outras realidades: Marrocos

2010-04-22T07:53:00.005Z

Galiza nos últimos anos foi e é punto de destino de moitas persoas procedentes de moitos e diversos lugares do mundo na procura de traballo e un futuro digno a pesares das múltiplas trabas postas polos distintos gobernos. Estes movementos migratorios cara a nosa terra son vistos por unha parte da poboación como unha ameaza e un problema chegando a ser viculados con fenómenos como a delincuencia ou incluso o terrorismo, ideas espalladas entre a poboación pola propaganda e discursos xenófobos e fascistas de determinados colectivos e partidos políticos .
Fronte estas actitudes a asociación cultural Almuinha organiza para esta fin de semana unhas xornadas coas que pretendemos achegar á poboación de Marín e arredores a realidade do pobo marroquino. Deste xeito sumámonos ás numerosas iniciativas postas en marcha por entidades culturais, sociais e institucionais co obxectivo de derribar os prexuízos que existen contra as persoas migrantes, neste caso marroquinas.
O venres 23 terá lugar a inauguración dunha exposición fotográfica, onde a través das distintas fotografías expostas poderase coñecer a situación do pobo marroquino. As fotografías foron tomadas por diversos membros da asociación que estiveron en varias ocasións en Marrocos. A seguir proxectarase o filme “Retorno a Hansala” na que o expectador pode ver a dureza da vida en Marrocos e coñecer os motivos polos que a súa poboación decide migrar moitas veces xogándose a vida.O sábado 24 a partir das 14h convidamos a todas aquelas persoas que desexen achegarse a degustar unha das comidas máis saborosas e populares de Marrocos, o cuscus, o prezo será de 10€ e é preciso reservar antes do sábado achegándose ao centro social Almuinha, situado na rúa Ezequiel Massoni nº 63 ou ben mediante teléfono 677049789 ou no correo electrónico a.c.almuinha@gmail.com.

Por umha sanidade 100% pública todos/as a Ponte Vedra

2010-04-15T10:14:00.002Z

Desde a A.C. Almuinha queremos manifestar o nosso apoio à manifestaçom convocada para esta sexta-feira dia 16 de abril em Ponte Vedra pola Plataforma contra a Privatizaçom da Sanidade, assi como fazer um chamamento à sociedade marinense para que que participe masivamente na mesma. Tam só com a mobilizaçom social se poderám parar os plans do governo galego de comezar a privatizar um serviço básico como é a sanidade.

Grande fin de semana para Almuinha no aberto de billarda de Marín

2010-04-13T15:44:00.004Z

A penúltima xornada da Liga Nacional de Billarda organizada pola A.C. ALmuinha foi emocionante e deixa un final moi aberto cara a última xornada en Vigo en canto aos/ás palanadores/as que aínda se poden clasificar para a final nacional.
En canto a nós, podemos dicir que deitamos no caldeiro do lixo o refrán de que ninguén é profeta na súa terra ao gañar o aberto de billarda o noso palanador Jurjo e gañar tamén a A.C. Almuinha o trofeo de mellor equipo do aberto, aínda que por un erro matemático do momento non o puidemos celebrar na pista.

Esta fin de semana toca BILLARDA!!!!

2010-04-05T16:46:00.006Z

Con motivo da celebración este sábado día 10 de abril da penúltima xornada da conferencia sur da Liga Nacional de Billarda no colexio o Sequelo de Marín a A.C. Almuinha, coorganizadora do aberto, ten preparado unha serie de actividades complementarias para dar a coñecer este xogo tradicional galego e que desexamos compartir con todas aquelas persoas interesadas.

A nosa asociación dende a súa fundación vén traballando na recuperación e promoción da billarda, xogo tradicional galego tamén coñecido na nosa vila como garaboto, cacheiro ou lipi-lape tendo organizado xa outros dous abertos con anterioridade na nosa vila. Deste xeito sumámonos ao esforzo que dende outras entidades e asociacións culturais están a levar a cabo para recuperar este xogo, salientando especialmente o papel que neste senso está a facer a A.C. O Varal que dende hai uns anos veñen organizando a Liga Nacional de Billarda (LNB).

A Liga Nacional de Billarda consta de 4 conferencias abarcando así toda a xeografía galega (conferencia norte, noroeste, centro e sur) chegándose a xogar tamén abertos noutros puntos do estado como Asturies e País Basco. O éxito desta iniciativa é evidente sobre todo na conferencia sur, conferencia na que está incluída a comarca do Morrazo, así se na primeira tempada a media de asistencia rondaba os 60-70 xogadores/as na presente tempada houbo un incremento espectacular de participantes chegando a xogar máis de 100 xogadores/as por aberto.

Para explicar todo o proceso de recuperación deste xogo e as claves do seu éxito o venres 9 de abril ás 20h intervirán nunha charla coloquio no centro social Almuinha, situado na rúa Ezequiel Massoni nº 63, varios dos impulsores da Liga Nacional de Billarda.

Tamén para o sábado e antes do comezo do aberto, ás 14h, a A.C. Almuinha ten organizado un xantar de confraternización con todos/as aqueles/as xogadores/as e persoas que desexen asistir ao mesmo. O xantar consistirá nunha fabada, sobremesa, bebida e café cuxoprezo é 10€ sendo preciso facer a reserva ou ben por correo (a.c.almuinha@gmail.com) ou mediante teléfono 606595310 ou 677049789.

Ao rematar o aberto a A.C. Almuinha ten organizado unha pequena festa no centro social Almuinha onde os/as participantes e todas aquelas persoas que se queiran achegar poderán intercambiar impresións de como transcorrei a xornada disfrutando duns petiscos.

Palestra: A mulher na Galiza que vem

2010-03-15T14:48:00.001Z

Desde A.C. Almuinha informamos de que, com motivo do Día Internacional da Mulher e dentro do ciclo de palestras que estamos a desenvolver, o día 17 de março às 20.00 terá lugar no nosso centro social umha palestra que versará sobre “A mulher na Galiza que vem”.

Com esta, queremos dar a conhecer a situaçom e participaçom actual da mulher nos distintos ámbitos da sociedade, ao tempo que, conmemorar um día de reivindicaçom e luita polos direitos das mulheres. Também, reflexionara-se sobre a necesidade de destruiçom do sistema patriarcal, entendendo por este a forma de organizaçom social que origina e produze a subordinaçom, opressom e exploraçom das mulheres. Estamos a assistir e participar dum sistema social e político no que os homens, pola força, pola pressom directa, a través de tradiçons, leis, linguagem, costumes, educaçom, divissom do trabalho, etc determinam o papel que temos que asumir as mulheres pretendendo a nossa perpétua submissom. Para isto contaremos coa intervençom de Luisa Ocampo representante de M.N.G. (Mulheres Nacionalistas Galegas).

Por último, queremos convidar a todas aquelas pessoas que poidam estar interesadas a que assistam à palestra no centro social da associaçom ubicado em Ezequiel Massoni, 63-res do chao, sendo por suposto a entrada de balde.

Nom à privatizaçom da sanidade

2010-03-12T23:19:00.003Z

Desde a A.C. Almuinha queremos manifestar o nosso rejeitamento total aos plans da Xunta de construir um novo hospital em Monte Carrasco (Marcom) para a área sanitária de Ponte Vedra, e o nosso apoio ao anterior projecto de ampliaçom do Hospital de Montecelo.

Em primeiro lugar, estamos radicalmente em contra deste projecto porque abre a porta à entrada de capital privado, e por conseguinte à privatizaçom da sanidade. A privatizaçom da sanidade leva consigo, como já se tem demostrado em outros casos, umha peor atençom sanitária, peor mantemento dos edificios e do equipamento sanitário, umha sanidade mais cara e peores condiçons laborais para @s trabalhador@s. O PP pretende subordinar o interese geral ao interese dumhas poucas empresas ao primar a procura do beneficio privado por diante da atençom sanitária.
Construindo um novo hospital resulta mais doado privatizar a sanidade que privatizar um hospital em funcionamento, como é o Hospital Montecelo. O financiamento, a construçom e a gestiom do novo hospital vam-se ponher em mans dum consorcio privado de construtoras, aseguradoras e bancos, que receberám durante os seguinte vinte anos um "canon" pagado polo SERGAS, ou seja por todos/as nós. Estíma-se que umha vez transcorridos estes 20 anos, o custe do novo hospital será 6 vezes mais caro que de fazer-se com financiamento e gestiom pública. Amais, quando transcorram os 20 anos o hospital estará obsoleto em moitas partes e noutras haverá que fazer obras de mantemento, com o qual haverá que seguir gastando dinheiro.
Por outra banda, este novo projecto supom um desbaldimento dos investimentos feitos até o de agora, quase 60 milhons de euros, e que fam que boa parte do Hospital de Montecelo seja completamente novo. Amais, também se desfilfarram os recursos investidos nas fases previas à ampliaçom (trabalhos relativos às expropriaçons, plams de acceso, abastecementos...). Resulta quando menos salientável que quando a Xunta nom se cansa de repetir umha e outra vez os seus supostos plams de austeridade, agora pretendam construir um hospital pagando 6 vezes mais do necessário e desfilfarrando os investimentos realizados até agora.
Amais de todo isto, a paralizaçom da ampliaçom do Hospital Montecelo e a aposta pola construçom de um novo hospital em Monte Carrasco (Marcom) vai conlevar um novo retraso
Por último, o Hospital de Montecelo é o hospital galego com maior possibilidades de realizar futuras ampliaçons, já que no Novo PGOM reservam-se 300.000 m2, 7 vezes mais espaço disponível que em Monte Carrasco, moi limitado para a sua futura ampliaçom, no caso de ser preciso.
Consideramos, por tanto, que a ampliaçom do Hospital de Montecelo é a melhor opçom porque seria um hospital de financiamento, construçom e gestiom totalmente público, seria mais barato, aproveitariam-se todos os investimentos feitos até o de agora e nom suporia asumir novos retrasos. para que a Área Sanitária de Ponte Vedra conte com o hospital que precisa.